ສານຝຮັ່ງໂຕ້ຕອບຄຳຮ້ອງຂໍກ່ຽວກັບການໃຫ້ເຊົາຂາຍຫົວສັດທອງຂອງສວນຢວນມິງຈີນ
-----------------------------------------------------------------------------------------------------------------
ຕາມຂ່າວ cri:ຕອນແລງວັນທີ 23 ກຸມພານີ້ ສານປາລີຂອງຝຮັ່ງໄດ້ພິຈາລະນາດ່ວນແລ້ວຕັດສິນໂຕ້ຕອບຄຳຮ້ອງຂໍຂອງສະຫະພັນປົກປັກຮັກສາສິນລະປະຈີນຂອງເອີລົບທີ່ສະເຫນີໃນວັນທີ 19 ກຸມພານີ້ກ່ຽວກັບການຮ້ອງຂໍໃຫ້ເຊົາຂາຍຫົວຫນູແລະຫົວກະຕ່າຍທີ່ເຮັດດ້ວຍທອງຂອງສວນຢວນມິງຈີນ,ແລະຮຽກຮ້ອງໃຫ້ຝ່າຍໂຈດຈ່າຍຄ່າເສຍຫາຍໃຫ້ແກ່ຈຳເລີຍ.ເດືອນກໍລະກົດປີ 2008, ຮ້ານປະມູນຂາຍຄຼິສຕິຝຮັ່ງໄດ້ອອກປະກາດແຈ້ງການວ່າຈະຈັດງານປະມູນຂາຍວັດຖຸບູຮານທີ່ທ່ານອິບແຊງໂລລອງແລະທ່ານປີແອກ ແບກເຢິເປັນຜູ່ເກັບຮັກສາໃນເດືອນກຸມພາ 2009,ໃນນັ້ນ ມີຫົວຫນູແລະຫົວກະຕ່າຍທີ່ເຮັດດ້ວຍທອງທີ່ເປັນວັດຖຸບູຮານຂອງສວນຢວນມິງຈີນທີ່ຖືກກອງທະຫານປະສົມອັງກິດແລະຝຮັ່ງປຸ້ນເອົາໄປຕ່າງປະເທດໃນໄລຍະສົງຄາມ.ຕາມແຜນການການປະມູນຂາຍຫົວຫນູແລະຫົວກະຕ່າຍທອງຂອງສວນຢວນມິງຈະຈັດຂຶ້ນໃນເວລາ 19 ໂມງຂອງວັນທີ25ກຸມພາ ຕາມເວລາປາລີ.ເມື່ອຂ່າວດັ່ງກ່າວເຜີຍແຜ່ມາຮອດຈີນແລ້ວ,ກໍ່ເຮັດໃຫ້ມີປະຕິກິລິຍາຢ່າງຮຸນແຮງ.
ວັນທີ 19 ກຸມພານີ້ສະຫະພັນປົກປັກຮັກສາສິນລະປະຈີນຂອງເອີລົບໄດ້ມອບຫມາຍໂດຍດ່ວນໃຫ້ນາງຢິນສຽວຮົງທະນາຍຄວາມ
ຝຣັ່ງເຊື້ອສາຍຈີນຍື່ນໃບຮ້ອງຟ້ອງ ໃຫ້ສານທ້ອງຖິ່ນປາຣີ, ເພື່ອຮຽກຮ້ອງໃຫ້ເຊົາການປະມູນຂາຍຫົວສັດທອງຂອງສວນຢວນມິງ.
ຕອນທ່ຽງວັນທີ 23 ກຸມພານີ້, ສານທ້ອງຖິ່ນຂອງປາຣີໄດ້ພິຈາລະນາດ່ວນຕໍ່ຄະດີດັ່ງກ່າວ.ກໍ່ຄືວົງການຕ່າງໆໄດ້ຄາດຄະເນກ່ອນ ຫນ້ານີ້,,ສານບໍ່ສະຫນັບສະຫນູນຄຳຮ້ອງຂໍດັ່ງກ່າວທີ່ໃຫ້ເຊົາປະມູນ, ສາເຫດແມ່ນສະຫະພັນດັ່ງກ່າວບໍ່ມີສິດເປັນໂຈດ. ໃນທີ່ສຸດ, ການກະທຳ ດ້ານກົດຫມາຍກໍ່ບໍ່ສາມາດກີດຂວາງການປະມູນຂາຍໄດ້.
ວັນທີ 23 ກຸມພານີ້ ຫຼັງຈາກການພິຈາລະນາໃນສານໄດ້ສິ້ນສຸດລົງແລ້ວ, ນັກຂ່າວໄດ້ສຳພາດທ່ານເບີນາດໂກເມັສ໌ຄົນຝຣັ່ງປະທານ ສະຫະພັນປົກປັກຮັກສາສິນລະປະຈີນຂອງເອີລົບແລະທະນາຍຄວາມເຢິນສຽວຮົງ . ສອງຄົນຕ່າງໄດ້ກ່າວວ່ານີ້ແມ່ນຜົນທີ່ພວກ ເພິ່ນໄດ້ຄາດຄະເນໄວ້ແລ້ວ ພວກເພິ່ນພຽງຫວັງໃຫ້ຜ່ານການກະທຳທີ່ມີຄວາມຫມາຍສັນຍະລັກເທື່ອນີ້ເພື່ອເຮັດໃຫ້ຄົນກຶກກອງ. ກ່ອນອື່ນ, ຕ້ອງໃຫ້ຄົນຝຣັ່ງຮູ້ວ່ນີ້ແມ່ນປະຫວັດສາດຕອນຫນຶ່ງທີ່ຖືກບັນລະບາຍແບບງ່າຍແລະເຮັດໃຫ້ເຂົາເຈົ້າຮູ້ເວ່າເຄື່ອງຄຳ ຂອງຄູນຈຳນວນຫຼວງຫຼາຍທີ່ຖືກຮັກສາໄວ້ຢູ່ໃນຫໍພິພິດທະພັນຝຣັ່ງແລະເຮືອນພັກຫຼູຫຼາຂອງສ່ວນເອກະຊົນຝຣັ່ງລ້ວນແຕ່ມີປະ ຫວັດອັນຫນ້າທີ່ມີຄວາມເສົ້າສະຫຼົດໃຈແລະເປັນຕາຫນ້າອາຍ. ຖັດມາແມ່ນຕ້ອງໃຫ້ຄົນຈີນຮູ້ຈັກເພີ່ມທະວີສະຕິປົກປ້ອງວັດຖຸບູ ຮານ, ໂຈມຕີການຄ້າຂາຍ ວັດຖຸບຸຮານທາງລົບທີ່ຜິດກົດຫມາຍ,ພະຍາຍາມຕິດຕາມທວງເອົາວັດຖຸບູຮານເຫຼົ່ານັ້ນທີ່ຍັງຢູ່ໃນໄລຍະ ກຳນົດເວລາຟ້ອງຮ້ອງ 50ປີ
ການກະທຳດ້ານກົດໝາຍບໍ່ໄດ້ສະກັດກັ້ນການປະມູນຂາຍຫົວສັດຄັ້ງນີ້,ຈາກນີ້ພວກເຮົາຄວນເຫັນວ່າ ຖ້າຢາກທວງເອົາວັດຖຸບູຮານຂອງຈີນຄືນ,ການອາໄສສົນທິສັນຍາສາກົນຫຼືກົດໝາຍຕ່າງປະເທດທີ່ປະຕິບັດໃນປະຈຸບັນນີ້,ມັນບໍ່ແມ່ນເລື່ອງງ່າຍ.ທະນາຍຄວາມເຢິ້ນສຽວຮົງຍັງເປີດເຜີຍຂໍ້ປີກຍ່ອຍຂໍ້ໜຶ່ງທີ່ເກີດຂຶ້ນໃນສານວ່າ:ທະນາຍຄວາມຈຳເລີຍບອກຜູ້ພິພາກສາວ່າ,ຫຼາຍມື້ມານີ້,ທ່ານໄດ້ຮັບໂທລະສັບຈາກຜູ້ຮັບຜິດຊອບຂອງຫໍພິພິດ ທະພັນຫຼາຍແຫ່ງ,ຜູ້ຮັບຜິດຊອບເຫຼົ່ານີ້ກ່າວວ່າ,ຖ້າວ່າຈະສົ່ງວັດຖຸບູຮານທັງໝົດທີ່ໄດ້ມາຈາກຕ່າງປະເທດນັ້ນແລ້ວ,ຫໍພິພິດທະພັນກໍ່ບໍ່ມີຫຍັງເຫຼືອແລ້ວ.ແມ່ນແທ້,ຫໍພິພິດທະພັນກີເມຝະຣັ່ງທີ່ມີເຄື່ອງສິລະປະອັນຍອດຢ້ຽມຂອງຝ່າຍຕາເວັນອອກແລະວັງລູເວີທີ່ມີເຄື່ອງສະສົມຫຼາຍກວ່າໝູ່ໃນໂລກລ້ວນແຕ່ເປັນແນວນີ້ໝົດ.ສະນັ້ນ,ເວົ້າຈາກດ້ານອາລົມຈິດແລ້ວ,ຄົນຝະຣັ່ງແມ່ນບໍ່ຍອມສົ່ງຄືນວັດຖຸບູຮານທີ່ໄດ້ມາຈາກຕ່າງປະເທດ. ຈິດໃຈອາລົມ ແບບນີ້ໄດ້ເພີ່ມຄວາມຫຍຸ້ງຍາກທີ່ຈະທວງເອົາວັດຖຸບູຮານຄືນ.ຄົນຝະຣັ່ງບໍ່ຍອມສົ່ງຄືນ,ແຕ່ຄົນຈີນກໍ່ບໍ່ຍອມປະລະວັດຖຸບູຮານຂອງຕົນ.ສອງຝ່າຍຮ້ອງຄຳຂວັນຜິດຖຽງກັນກໍ່ບໍ່ມີຜົນປະໂຫຍດຫຍັງ,ແລະວັດຖຸບູຮານຍັງນອນຢູ່ໃນຕູ້ໂຊຂອງຕ່າງປະເທດຢູ່ຄືເກົ່າ.ແຕ່ສິ່ງທີ່ນອນນີ້ງຢູ່ບໍ່ພຽງແຕ່ແມ່ນວັດຖຸບູຮານທໍ່ນັ້ນ,ຄວາມເຂົ້າໃຈຕໍ່ປະຫວັດສາດແລະທ່າທີຕໍ່ປະເທດພວມພັດທະນາຂອງປະເທດທີ່ພັດທະນາແລ້ວ,ໄດ້ມີ ການປ່ຽນແປງຫຼາຍປານໃດ?ໃນຫຼາຍຮ້ອຍປີຜ່ານມາ.ສິ່ງທີ່ຄົນຈີນຢາກເອົາຄືນນັ້ນບໍ່ພຽງແຕ່ແມ່ນຫົວສັດ12ລາສີຂອງສວນຢວນມີງທໍ່ນັ້ນ,ຍັງມີຄວາມຮັບເຫັນດີແລະຄວາມໂຄລົບນັບຖືຂອງຄົນຕາເວັນຕົກທີ່ມີຕໍ່ຄວາມສິວິໄລຂອງຈີນໃນ12ລາສີ,ແມ່ນການເອົາຄືນດ້ານຈິດໃຈ.
