ກອງປະຊຸມສຸດຍອດອາຊຽນ ມີຈຸດສົນໃຈ 3 ຂໍ້
-----------------------------------------------------------------------------------------------------------------
ກອງປະຊຸມສຸດຍອດອາຊຽນຄັ້ງທີ 14 ຈະຈັດຂຶ້ນຢູ່ຫົວຫີນ ເມືອງນ້ອຍແຄມທະເລທາງພາກກາງຂອງໄທ ນັບແຕ່ວັນທີ 27 ກຸມພາ ຫາວັນທີ1ມີນາປີນີ້. ໃນກອງປະຊຸມສຸດຍອດເທື່ອນີ້, ຜູ່ນຳປະເທດຕ່າງໆຂອງອາຊຽນ ຈະປຶກສາຫາລືບັນຫາຈຸດຫນັກ 3 ຂໍ້ ຄື: ການສ້າງຕັ້ງປະຊາຄົມອາຊຽນ ກົດບັດອາຊຽນແລະການຮ່ວມມືກັນເພື່ອຮັບມືກັບໄພຂົ່ມຂູ່ທີ່ມີລັກສະນະທົ່ວໂລກ,ແລະເຊັນເອກະສານທີ່ກ່ຽວຂ້ອງ. ພາຍໃຕ້ສະພາບການທີ່ວິກິດການການເງິນສາກົນສືບຕໍ່ແຜ່ລາມອອກແລະຂະບວນການໂຮມອາຊຽນເປັນອັນຫນຶ່ງອັນດຽວກັນປະເຊີນກັບສິ່ງທ້າທາຍ, ກອງປະຊຸມສຸດຍອດເທື່ອນີ້ຈະມີຄວາມຫມາຍທາງຍຸດທະສາດທີ່ສຳຄັນຕໍ່ການພັດທະນາຂອງອາຊຽນ.
ຈຸດທີຫນຶ່ງທີ່ໃຫ້ຄວາມສົນໃຈຄື: ການສ້າງຕັ້ງປະຊາຄົມ. ຍ້ອນປະເຊີນກັບສະພາບຕ່າງໆເຊັ່ນ: ເສດຖະກິດໂລກໃນປະຈຸບັນເຕີບໂຕຊ້າລົງ ເສດຖະກິດຂອງອົງກອນເສດຖະກິດຕົ້ນຕໍຈຳນວນຫນຶ່ງຕົກຢູ່ໃນສະພາບທີ່ຊຸດໂຊມລົງ ແລະວິກິດການການເງິນແຜ່ລາມອອກຢ່າງຕໍ່ເນື່ອງ, ສະນັ້ນ, ອາຊຽນຈະບັນລຸເປົ້າຫມາຍແຫ່ງການສ້າງຕັ້ງປະຊາຄົມຕາມເວລາທີ່ກຳນົດຄືໃນປີ 2015 ຫຼືບໍ່ນັ້ນ ແມ່ນຫນຶ່ງໃນຈຸດສົນໃຈຂອງກອງປະຊຸມສຸດຍອດເທື່ອນີ້. ຜູ່ນຳປະເທດຕ່າງໆຂອງອາຊຽນ ຈະອອກຖະແຫຼງການກ່ຽວກັບການວາງແຜນການຂອງປະຊາຄົມອາຊຽນ ນັບແຕ່ປີ 2009 ຫາ ປີ 2015, ແລະກ່າວຢ້ຳວ່າ ຈະສ້າງຕັ້ງປະຊາຄົມໂລກໃນປີ 2015.
ໃນກອງປະຊຸມສຸດຍອດເທື່ອນີ້, ຜູ່ນຳປະເທດຕ່າງໆຂອງອາຊຽນ ຍັງຈະເຊັນແຜນການ ກ່ຽວກັບ 3 ພາກສ່ວນໃຫຍ່ຂອງປະຊາຄົມອາຊຽນປະກອບຄື: ປະຊາຄົມຄວາມຫມັ້ນຄົງດ້ານການເມືອງ ປະຊາຄົມເສດຖະກິດ ແລະປະຊາຄົມວັດທະນະທຳສັງຄົມ. ນັກວິເຄາະເຫັນວ່າ, ນີ້ສະແດງໃຫ້ເຫັນຄວາມປາຖະຫນາທາງການເມືອງຂອງປະເທດຕ່າງໆຂອງອາຊຽນທີ່ພະຍາຍາມສ້າງສາປະຊາຄົມ ເພື່ອຊຸກຍູ້ຂະບວນການໂຮມອາຊຽນເປັນອັນຫນຶ່ງອັນດຽວກັນທີ່ຖືອາຊຽນເປັນຫຼັກ.
ໃນ 7 ປີຕໍ່ໜ້າແມ່ນໄລຍະສຳຄັນຂອງການສ້າງປະຊາຄົມອາຊຽນ. ຕາມຂ່າວແຈ້ງວ່າ, "ແຜນການພັດທະນາປະຊາຄົມອາຊຽນແຕ່ປີ 2009 ຫາປີ 2015"ທີ່ມີແຜນຈະຮັບຮອງໃນກອງປະຊຸມສຸດຍອດເທື່ອນີ້, ຈະວາງເປົ້າໝາຍທີ່ຄັກແນ່ແລະລະອຽດກວ່າເກົ່າ, ນີ້ໝາຍຄວາມວ່າແຕ່ລະຂັ້ນຕອນຂອງຂະບວນການເຊື່ອມໂຍງເຂົ້າກັນຂອງອາຊຽນຈະລະອຽດທີ່ສຸດ, ການພັດທະນາຂອງອາຊຽນຈະຕິດແທດຕົວຈິງກວ່າເກົ່າ. ສື່ມວນຊົນຊີ້ອອກວ່າ, ໂດຍປະເຊີນກັບສະພາບແວດລ້ອມການເມືອງ ເສດຖະກິດແລະສັງຄົມສາກົນອັນສັບສົນໃນປັດຈຸບັນ, ປະເທດສະມາຊິກອາຊຽນຈະພະຍາຍາມຮັກສາການເມືອງໃຫ້ມີສະຖຽນລະພາບ, ເສດຖະກິດພັດທະນາແລະອອກແຮງບັນລຸເປົ້າໝາຍທີ່ກຳນົດໄວ້.
ຈຸດທີ 2 ທີ່ໃຫ້ຄວາມສົນໃຈກໍຄື: ກ້າວສູ່"ໄລຍະກົດບັດ"
ກອງປະຊຸມສຸດຍອດເທື່ອນີ້ແມ່ນກອງປະຊຸມສຸດຍອດຄັ້ງທຳອິດທີ່"ກົດບັດອາຊຽນ"ມີຜົນບັງຄັບໃຊ້ໃນວັນທີ 15 ທັນວາປີກາຍນີ້. ອາຊຽນໄດ້ກ້າວສູ່"ໄລຍະກົດບັດ"ຢ່າງເປັນທາງການ. ກົດບັດດັ່ງກ່າວແມ່ນໝາກຜົນສຳຄັນທີ່ໄດ້ຮັບໃນຂະບວນການອາຊຽນເຊື່ອມໂຍງເຂົ້າກັນ, ໄດ້ສ້າງພື້ນຖານດ້ານກົດໝາຍໃຫ້ແກ່ການສ້າງປະຊາຄົມອາຊຽນ. ໃນເຂບກົດບັດດັ່ງກ່າວ, ການຈັດຕັ້ງແລະໝູນເດີນຂອງອາຊຽນຈະມີແບບແຜນ, ມີລະບຽບການແລະປົກກະຕິກວ່າເກົ່າ.
ເພື່ອເໝາະກັບສະພາບແວດລ້ອມໃໝ່ພາຍຫຼັງ"ກົດບັດອາຊຽນ"ມີຜົນບັງຄັບໃຊ້, ກອງປະຊຸມສຸດຍອດເທື່ອນີ້ຈະປຶກສາຫາລືຜ່ານເອກະສານກ່ຽວກັບສ້າງໜ່ວຍຜູ້ຊ່ຽວຊານກົດໝາຍລະດັບສູງ, ເພື່ອຊຸກຍູ້ການໝູນເດີນຂອງອົງການໃໝ່ຂອງອາຊຽນ. ພ້ອມກັນນັ້ນ, ບົດບາດຂອງສຳນັກເລຂາອາຊຽນຈະເພີ່ມຂຶ້ນອີກ, ເພື່ອປະຕິບັດໜ້າທີ່ຮັບຜິດຊອບທີ່"ກົດບັດອາຊຽນ"ມອບໃຫ້ນັ້ນດີກວ່າເກົ່າ.ໃນຖານະເປັນປະເທດໃກ້ຄຽງທີ່ສຳຄັນຂອງອາຊຽນ,ຈີນໄດ້ແຕ່ງຕັ້ງທ່ານນາງເຊ່ຍຮັ້ນຊິນ ນັກການທູດອາວຸໂສ ຜູ້ຊ່ຽວຊານດ້ານກົດໝາຍສາກົນເປັນເອກອັກຄະລັດຖະທູດຈີນປະຈຳອາຊຽນຜູ້ທຳອິດ.ນີ້ແມ່ນເອກອັກຄະລັດຖະທູດຈີນປະຈຳອົງການຮ່ວມມືພາກພື້ນອີກຜູ້ໜຶ່ງພາຍຫຼັງແຕ່ງຕັ້ງເອກອັກຄະລັດຖະທູດຈີນປະຈຳສະຫະພາບເອີລົບ.ທ່ານສຸລິນ ເລຂາທິ ການໃຫຍ່ອາຊຽນເຫັນວ່າ,ຜ່ານການແຕ່ງຕັ້ງເອກອັກຄະລັດຖະທູດປະຈຳອາຊຽນ,ຈີນໄດ້ສະແດງອີກເທື່ອໜຶ່ງໃຫ້ເຫັນຄຳໝັ້ນສັນຍາແລະຄວາມຫ້າວຫັນເພື່ອເພີ່ມທະວີການຕິດຕໍ່ພົວພັນແລະສ້າງການພົວພັນຮ່ວມມືທີ່ສະໜິດແໜ້ນກວ່າເກົ່າກັບອາຊຽນ.ຈຸດສົນໃຈທີສາມແມ່ນ ຮ່ວມມືກັນເພື່ອຮັບມືກັບວິກິດການ.ເມື່ອໄດ້ປະສົບວິກິດການການເງິນອາຊີ,ປະເທດອາຊຽນໄດ້ຮັບຮູ້ໂດຍທົ່ວໄປວ່າ,ການຮ່ວມມືແມ່ນຢາແກ້ບັນຫາທີ່ບັງເກີດຜົນຕໍ່ວິກິດການລັກສະນະທົ່ວໂລກຊະນິດຕ່າງໆ.ມີແຕ່ເພີ່ມທະວີການຮ່ວມມືດ້ານການເງິນໃນພາກພື້ນ,ສ້າງກົນໄກຕ່າງໆທີ່ພາກພື້ນຕົນຮັບມືກັບການໂຈມຕີຈາກພາຍນອກດ້ວຍຕື່ນຕົວທໍ່ນັ້ນ,ຈຶ່ງສາມາດຮັກສາສະຖຽນລະພາບຂອງເສດຖະ ກິດແລະຕະຫຼາດການເງິນຂອງພາກພື້ນແຫ່ງນີ້.ໃນດ້ານນີ້,ກົນໄກອາຊຽນກັບຈີນ ຍີ່ປຸ່ນແລະສ.ເກົາຫຼີ ຄືກົນໄກ10+3ນັ້ນທີ່ກຳເນີດພາຍຫຼັງວິກິດການການເງິນອາຊີນັ້ນໄດ້ເສີມຂະຫຍາຍບົດບາດທີ່ຕັ້ງໜ້າແລະບັງເກີດຜົນທີ່ສຸດ.
ໃນກອງປະຊຸມສຸດຍອດຄັ້ງນີ້, ຜູ້ນຳຂອງປະເທດອາຊຽນຈະອີງຕາມນະຂໍ້ສະເໜີຂອງກອງປະຊຸມ ວິສາມັນລະດັບລັດຖະມົນຕີການເງິນອາຊຽນກັບຈີນ ຍີ່ປຸ່ນແລະ ສ.ເກົາຫຼີ,ວາງແຜນການລະອຽດກ່ຽວກັບ ເຮັດແນວໃດຊຸກຍູ້ການຮ່ວມມືຫຼາຍລະດັບແລະຫຼາຍຂົງເຂດ,ຍົກສູງຄວາມສາມາດ ຂອງພາກພືນນີ້ໃນການຮັບມືກັບວິກິດການຕ່າງໆ, ໃນນັ້ນລວມທາງ ມາດຕະການ ລາຍລະອຽດເພື່ອ ຮັບປະກັນຄວາມປອດໄພ ອາຫານ, ຄວາມປອດໄພພະລັງງານແລະ ເພີ່ມທະວີການຄຸ້ມຄອງໄພອັນພິບັດ.
ນັກວິເຄາະເຫັນວ່າ,ປະເທດອາຊຽນ, ຂົງເຂດແລະຂະໜາດ ແຫ່ງການຮ່ວມມືລະຫວ່າງ ປະເທດຊຽນ,ລະຫວ່າງອາຊຽນ ກັບປະເທດ ຕ່າງໆໃນພັກພື້ນກຳລັງ ເພີ່ມຂຶ້ນຢ່າງບໍ່ຢຸດຢັ້ງ,ວີທີຮ່ວມມືນັບມືນັບຫຼາຍຂຶ້ນ,ລະດັບຮ່ວມມືແລະລະດັບອາໄສເຊິ່ງກັນແລະກັນກຳລັງລົງເລິກ ຢ່າງບໍ່ຢຸດຢັ້ງ,ບໍ່ຕ້ອງສົງໄສເລີຍວ່າ,ທັງໝົດເຫຼົ່ານີ້ຈະຍົກສູງຄວາມສາມາດ ຂອງພາກພື້ນນີ້ໃນການຮັບມືກັບສິ່ງທ້າທາຍຂອງຕ່າງໆທີ່ມີລັກສະນະທົ່ວໂລກ, ຊຸກຍູ້ຂະບວນການເຊື່ອມໂຍງ ເຂົ້າກັນ ອາຊີຕາເວັນອອກທີ່ຖືເອົາອາຊຽນເປັນຜູ້ນຳທາງ.
