ທ່ານດຸບຄາງ ທຸບເຕັນ ເຄດັບກ່າວວ່າ, ພວກລັດທິແບ່ງແຍກໄດ້ເສຍການສະໜັບສະໜູນສັງຄົມຢູ່ເຂດຕິເບດ

(GMT+08:00) 2009-03-06 18:06:24 cri
-----------------------------------------------------------------------------------------------------------------

ຕາມຂ່າວສານຊິ່ນຮວາ: ວັນທີ 6 ມີນານີ້, ໃນເວລາໃຫ້ສຳພາດຕໍ່ນັກຂ່າວ, ທ່ານດຸບຄາງ ທຸບເຕັນ ເຄດັບ ກຳມະການປະຈຳສະພາປຶກສາການເມືອງແຫ່ງຊາດຈີນ, ຮອງປະທານສະພາປຶກສາການເມືອງເຂດຕິເບດ, ຮອງຫົວໜ້າສາຂາເຂດຕິເບດຂອງສະມາຄົມພຸດທະສາສະໜາສາຂາເຂດຕິເບດຈີນກ່າວວ່າ, ພວກລັດທິແບ່ງແຍກກຸ່ມນີ້ທີ່ມີເຈດຈຳນົງຢາກກໍ່ເຫດການ, ໄດ້ເສຍການສະໜັບສະໜູນຈາກສັງຄົມແລ້ວ.

ທ່ານດຸບຄາງ ທຸບເຕັນ ເຄດັບກ່າວວ່າ, ເຫດການ "14 ມີນາ" ທີ່ເກີດຂຶ້ນໃນປີກາຍນີ້ສະຫງົບລົງຢ່າງວ່ອງໄວ, ນອກຈາກມີມາດຕະການເໝາະສົມແລ້ວ, ສາເຫດສຳຄັນກວ່າໝູ່ກໍ່ແມ່ນການສະໜັບສະໜູນແລະການປະສານສົມທົບຂອງປະຊາຊົນເຜົ່າຕ່າງໆຂອງເຂດຕິເບດ. ພວກລັດທິແບ່ງແຍກກຸ່ມນ້ອຍນີ້ເຮັດບໍ່ຖືກໃຈຄົນ, ການກະທຳຂອງພວກເຂົາມີແຕ່ຈະເຮັດໃຫ້ພາບພົດຂອງຕົນນັບມື້ນັບເສຍຫາຍລົງ, ເສຍການສະໜັບສະໜູນຈາກສັງຄົມ.

ທ່ານດຸບຄາງ ທຸບເຕັນ ເຄດັບກ່າວວ່າ, ຫຼັງຈາກເຂດຕິເບດໄດ້ຮັບການປົດປ່ອຍໂດຍສັນຕິມານີ້, ລັດຖະບານກາງໄດ້ໃຊ້ກຳລັງຄົນ, ກຳລັງວັດຖຸແລະກຳລັງຊັບຢ່າງຫຼວງຫຼາຍເພື່ອສະໜັບສະໜູນການພັດທະນາຂອງເຂດຕິເບດ. ປະຈຸບັນ, ເຂດຕິເບດພວມຢູ່ໃນໄລຍະພັດທະນາແລະມີສະຖຽນລະພາບທີ່ສຸດໃນປະຫວັດສາດ. ປະຈຸບັນ, ປະຊາຊົນເຜົ່າຕ່າງໆຂອງເຂດຕິເບດໄດ້ຮັບຜົນປະໂຫຍດຫຼາຍທີ່ສຸດໃນປະຫວັດສາດ.

ຂ່າວ-ບົດທີ່ກ່ຽວຂ້ອງ

ຄຳເຫັນ