ຖ້ອຍຄວາມປຸກປັ່ນຂອງກຸ່ມດາໄລລາມະຂັດກັບຈິດໃຈຂອງຄົນທົ່ວໄປ
-----------------------------------------------------------------------------------------------------------------
ຕາມຂ່າວCRI:ວັນທີ28ມີນານີ້,ປະຊາຊົນບັນດາຊົນເຜົ່າຂອງເຂດຕິເບດຈະຕ້ອນຮັບວັນລະລຶກການປົດປ່ອຍທາດກະສິກອນຕິເບດລ້ານຄົນເທື່ອທຳອິດ.50ປີຜ່ານມາ,ວຽກງານດ້ານເສດຖະກິດສັງຄົມຂອງຕິເບດໄດ້ຮັບຜົນສຳເລັດຢ່າງພົ້ນເດັ່ນ.ແຕ່ວ່າ,ຫວ່າງມໍ່ໆນີ້,ກຸ່ມດາໄລລາມະພັດປ່າວຂ່າວວ່າ,"ປະຊາຊົນຕິເບດກຳລັງດຳລົງຊີວິດຢູ່ໃນນາຮົກເມືອງຄົນ"ແລະ"ສະຖານະການຕິເບດເຄັ່ງຕຶງທີ່ສຸດ".ຍ້ອນຫຍັງກຸ່ມດາໄລລາມະກ່າວຖ້ອຍຄວາມທີ່ ປຸກປັ່ນແບບນີ້?ກົນອຸບາຍຂອງພວກເຂົາທີ່ຢາກແບ່ງແຍກປະເທດຊາດຈະໄດ້ຮັບຜົນຫຼືບໍ່?ກ່ຽວກັບເລື່ອງນີ້,ບຸກຄົນວົງການຕ່າງໆໄດ້ສະແດງຄວາມເຫັນ.
ວັນທີ10ມີນາໃນ50ປີກ່ອນ,ເພື່ອປົກປ້ອງລະບອບຂ້າທາດກະສິກອນສັກດິນາທີ່ໂຮມສູນການປົກຄອງກັບສາດສະໜາເປັນອັນດຽວກັນພ້ອມດ້ວຍສິດອຳນາດພິເສດຂອງພວກເຂົາບໍ່ປ່ຽນແປງຈົນເທົ່າໃດໆ,ກຸ່ມດາໄລລາມະໄດ້ກໍ່ກະບົດດ້ວຍກຳລັງອາວຸດທີ່ຖືການແບ່ງແຍກປະເທດຊາດເປັນຈຸດປະສົງ.ເມື່ອໜີໄປຕ່າງປະເທດແລ້ວ,ກຸ່ມດາໄລລາມະກໍ່ສືບຕໍ່ໂຄ ສະນາປ່າວຂ່າວທີ່ຢາກໃຫ້ຕິເບດເປັນເອກະລາດ.ວັນທີ10ມີນານີ້,ດາໄລລາມະປ່າວຂ່າວ ອີກວ່າ"ສະຖານະການຕິເບດເຄັ່ງຕຶງທີ່ສຸດ",ແລະຄາດວ່າ ຕິເບດອາດຈະເກີດເຫດການຈະລາຈົນເທື່ອໃໝ່.ກ່ຽວກັບເລື່ອງນີ້,ທ່ານຕັນເຈີນລຸນຈູ ຜູ້ຊ່ຽວຊານບັນຫາຕິເບດກ່າວວ່າ,ການກະທຳແບບນີ້ຂອງກຸ່ມດາໄລລາມະແມ່ນປ່າວຂ່າວເພື່ອສ້າງເລື່ອງ,ເປັນສິ່ງທີ່ຂັດກັບຈິດໃຈຂອງຄົນທົ່ວໄປແລະຈະບໍ່ມີຜົນຫຍັງ.
ກຸ່ມດາໄລລາມະສາມາດດຳເນີນການເຄື່ອນໄຫວແບ່ງແຍກປະເທດຊາດຢູ່ຕ່າງປະເທດຕະຫຼອດມາ, ແມ່ນຍ້ອນໄດ້ຮັບການສະໜັບສະໜູນຈາກບາງປະເທດຕາເວັນຕົກ. ທ່ານຕັນເຈີນລຸນຈູ ຜູ້ຊ່ຽວຊານບັນຫາຕິເບດເຫັນວ່າ, ປະເທດຝ່າຍຕາເວັນຕົກຄ້ຳຊູດາໄລລາມະກໍ່ຍ່ອມມີເປົ້າໝາຍທາງການເມືອງຂອງເຂົາ, ຄືເອົາດາໄລລາມະເປັນເຄື່ອງມືຕໍ່ລອງດ້ານການເມືອງຈີນ.
ລັດຖະບານຈີນມີຫຼັກໝັ້ນຢ່າງຈະແຈ້ງຕໍ່ບັນຫາຕິເບດຕະຫຼອດມາ. ຕອນເຊົ້າວັນທີ 7 ມີນານີ້, ໃນກອງປະຊຸມຂ່າວຂອງກອງປະຊຸມເທື່ອທີ2ຊຸດທີ11ຂອງສະພາຜູ້ແທນປະຊາຊົນແຫ່ງຊາດຈີນ, ໃນເວລາຕອບຄຳຖາມຂອງນັກຂ່າວກ່ຽວກັບບັນຫາຕິເບດ, ທ່ານຢາງເຈຍສື ລັດຖະມົນຕີວ່າການກະຊວງການຕ່າງປະເທດຈີນໄດ້ສະແດງຫຼັກໝັ້ນອັນເຄັ່ງຂຶມຂອງລັດຖະບານຈີນອີກເທື່ອໜຶ່ງຢ່າງຈະແຈ້ງ, ທ່ານກ່າວວ່າ:
"ດາໄລລາມະແມ່ນຜູ້ພັກຖິ່ນທາງການເມືອງຜູ້ໜຶ່ງ. ຂໍ້ຂັດແຂ່ງລະຫວ່າງ ພວກເຮົາກັບເຂົາບໍ່ແມ່ນບັນຫາສາສະໜາ, ບັນຫາສິດທິມະນຸດ ບັນຫາຊົນເຜົ່າຫຼືບັນຫາວັດທະນະທຳ, ຫາກແມ່ນບັນຫາທີ່ຈະຮັກສາຄວາມເປັນເອກະພາບຂອງຈີນຫຼືບໍ່, ແລະອະນຸມັດໃຫ້ເຂດຕິເບດແຍກອອກຈາກຜືນແຜ່ນດິນຈີນຫຼືບໍ່. ໃນເວລາແກ້ໄຂການພົວພັນກັບຈີນ, ປະເທດໃດກໍ່ຕາມບໍ່ຄວນອະນຸມັດໃຫ້ດາໄລລາມະໄປຢ້ຽມຢາມ, ບໍ່ຄວນອະນຸມັດໃຫ້ດາໄລລາມະສວຍໃຊ້ຜືນແຜ່ນດິນຂອງປະເທດເຫຼົ່ານີ້ດຳເນີນການເຄື່ອນໄຫວທີ່ແບ່ງແຍກປະເທດຈີນ, ນີ້ແມ່ນຫຼັກການທີ່ຄວນເຄົາລົບໃນຫຼັກການພົວພັນສາກົນ."
ເລື່ອງຈິງຢູ່ເຫນືອການໂຕ້ຖຽງກັນ. ເມື່ອໄດ້ໄປເບິ່ງຕິເບດກັບຕາແລ້ວ, ຄົນທັງຫລາຍກໍ່ຈະຮູ້ກັບຕິເບດທີ່ແທ້ຈິງ.ໃນເວລາໃຫ້ສຳພາດຕໍ່ນັກຂ່າວ ທ່ານລິຊາດ ນັກທ່ອງທ່ຽວສະກັອດແລນຂອງອັງກິດທີ່ໄປທ່ຽວຢູ່ເມືອງລາຊາກ່າວວ່າ, ຄວາມສະຫງົບຢູ່ຕິເບດເຮັດໃຫ້ທ່ານຮູ້ສຶກສະບາຍອົກສະບາຍໃຈຫລາຍ, ທ່ານເວົ້າວ່າ:ຢູ່ລາຊາ ຂ້ອຍບໍ່ໄດ້ເຫັນສິ່ງທີ່ຜິດປົກກະຕິຫຍັງເລີຍ, ຄົນທັງຫລາຍດຳລົງຊີວິດຕາມປົກກະຕິ.ສອງສາມມື້ນີ້ ແມ່ນສະບາຍອົກສະບາຍໃຈຫລາຍ.
ເມື່ອ 50 ປີກ່ອນ, ຍ້ອນຢູ່ໃຕ້ການປົກຄອງຂອງດາໄລລາມາ, ຕິເບດເກົ່າມີສະພາບນາຮົກເມືອງຄົນ;ໃນຊູ່ມື້ນີ້ຫລັງຈາກນັ້ນ 50 ປີ, ປະຊາຊົນໄດ້ເປັນເຈົ້າຂອງ,ຕິເບດໃຫມ່ເຊິ່ງໄດ້ມີການປ່ຽນແປງແບບຫນ້າມືເປັນຫລັງມື.ໃນກອງປະຊຸມຂ່າວທີ່ກະຊວງການຕ່າງປະເທດຈີນຈັດຂຶ້ນໃນວັນທີ 10 ມີນານີ້ ທ່ານມາຈ່າວຊີ້ ໂຄສົກກະຊວງການຕ່າງປະເທດຈີນໄດ້ກ່າວເຖິງຜົນງານມະຫາສານທີ່ຕິເບດໄດ້ຮັບໃນການດຳເນີນການປະຕິຮູບແບບປະຊາທິປະໄຕຄືແນວນີ້:ໃນ 50 ປີມານີ້ ຕິເບດໄດ້ມີການປ່ຽນແປງປານປິ້ນຫນ້າມືເປັນຫລັງມືໃນທາງການເມືອງ ເສດຖະກິດ ວັດທະນະທຳແລະຂົງເຂດອື່ນໆ. ຂ້າທາດກະສິກອນລ້ານຄົນໃນແຕ່ກ່ອນໄດ້ກາຍເປັນເຈົ້າພາບຂອງຕິເບດໃຫມ່ສັງຄົມນິຍົມ.ການປະຕິຮູບແບບປະຊາທິປະໄຕຂອງຕິເບດແມ່ນຂີດຫມາຍອັນສຳຄັນໃນຂະບວນການຍົກເລີກຂ້າທາດຂອງໂລກ, ແມ່ນຄວາມຄືບຫນ້າສຳຄັນຂອງວຽກງານສິດທິມະນຸດສາກົນ.ແມ່ນການປະກອບສ່ວນອັນຍິ່ງໃຫຍ່ຂອງປະຊາຊົນຈີນເຊິ່ງລວມທັງຊາວເຜ່ົາຕິເບດທີ່ມີຕໍ່ວຽກງານປະຊາທິປະໄຕ ເສລີພາບແລະສິດທິມະນຸດຂອງໂລກ.
