ຜູ້ຊ່ຽວຊານຈີນຕອບໂຕ້ການຕິຕຽນຂອງອາເມລິກາທີ່ວ່າກ່ຳປັ່ນຈີນ"ທ້າທາຍເກາະຜິດ"ກ່ຳປັ່ນອາເມລິກາ
-----------------------------------------------------------------------------------------------------------------
ວິທະຍຸສາກົນແຫ່ງປະເທດຈີນລາຍງານວ່າ. ວັນທີ 11 ມີນານີ້, ທ່ານມາຈ່າວຊູ້ ໂຄສົກກະຊວງການຕ່າງປະເທດຈີນໄດ້ຕອບໂຕ້ການຕິຕຽນຂອງອາເມລິກາກ່ຽວກັບກ່ຳປັ່ນຈີນ"ທ້າທາຍເກາະຜິດ"ກ່ຳປັ່ນສຳຫຼວດຂອງອາເມລິກາ, ກ່າວວ່າຄວາມເວົ້າຂອງຝ່າຍອາເມລິກາໄດ້ຝ່າຝືນຄວາມຈິງຢ່າງໜັກໜ່ວງ, ຈີນແມ່ນຮັບເອົາບໍ່ໄດ້. ຄັນຊັ້ນ, ຄວາມຈິງຂອງເຫດການທີ່ວ່າກ່ຳປັ່ນຈີນ"ທ້າທາຍເກາະຜິດ"ກ່ຳປັ່ນສຳຫຼວດ"Impeccable"ຂອງອາເມລິກາມັນເປັນແນວໃດກັນແທ້？"ກ່ຳປັ່ນສຳຫຼວດ Impeccableແມ່ນກ່ຳປັ່ນແບບໃດກັນແທ້? ເຫດການທີ່ຝ່າຍອາເມລິກາກໍ່ຂຶ້ນນັ້ນໄດ້ສະແດງຈິດໃຈຫຍັງຂອງອາເມລິກາ?ຕໍ່ເລື່ອງນີ້,ນັກຂ່າວCRIໄດ້ໄປສຳພາດທ່ານເມີ້ງສຽງຊິ່ງ ສາດສະດາຈານຂະແໜງການການພົວພັນສາກົນຂອງມະຫາວິທະຍາໄລປ້ອງກັນປະເທດຈີນ.
ວັນທີ 9 ມີນານີ້, ທຳນຽບຂາວ ກະຊວງການຕ່າງປະເທດແລະກະຊວງປ້ອງກັນປະເທດອາເມລິກາລ້ວນແຕ່ໄດ້ອອກຖະແຫຼງການວ່າ, ວັນທີ 8 ມີນານີ້ໃນເວລາດຳເນີນການສຳຫຼວດຂໍ້ມູນສຽງໃຕ້ນ້ຳຢູ່ທະເລຈີນໃຕ້,ກ່ຳປັ່ນສຳຫຼວດ" Impeccable"ຂອງກອງທັບເຮືອອາເມລິກາໄດ້ຖືກ"ກ່ຳປັ່ນ"ຈາກ5ລຳຂອງກົມທະເລ ພາກສ່ວນປະມົງແລະກອງທັບເຮືອຈີນລົບກວນ,ຝ່າຍອາເມລິກາໄດ້ປະທ້ວງຕໍ່ຝ່າຍຈີນກ່ຽວກັບເລື່ອງນີ້ແລ້ວ.ກະຊວງປ້ອງກັນປະເທດອາເມລິກາຍັງກ່າວວ່າ, ກ່ຳປັ່ນ " Impeccable"ເຄີຍຖືກຝ່າຍຈີນ"ລົບກວນ" ໃນວັນທີ 5 ແລະວັນທີ7ມີນານີ້.
ສັງເກດຈາກຖະແຫຼງຂອງທາງການຂອງອາເມລິກາເຫັນໄດ້ວ່າ,ອາເມລິກາປ່າວຂ່າວວ່າ ກຳປັ່ນ Impeccableແມ່ນກຳປັ່ນລຳໜຶ່ງທີ່ດຳເນີນການເຄື່ອນໄຫວສຳຫຼວດຄົ້ນຄວ້າ.ແຕ່ທ່ານເມີ້ງຊຽງຊິ່ງ ສາດສະດາຈານຂອງສະຖາບັນການພົວພັນສາກົນຂອງມະຫາວິທະຍາໄລການປ້ອງກັນປະເທດຂອງຈີນເຫັນວ່າ,ທີ່ຈິງແລ້ວ,ກຳປັ່ນສຳຫຼວດ Impeccableແມ່ນກຳປັ່ນສອດແນມລຳໜຶ່ງຂອງກອງທັບເຮືອອາເມລິກາ.ທ່ານກ່າວວ່າ,ເວັບໄຊກອງທັບເຮືອອາເມລິກາໄດ້ສະແດງໃຫ້ເຫັນຢ່າງຈະແຈ້ງວ່າ,ກຳປັ່ນ Impeccableແມ່ນໜຶ່ງໃນກຳປັ່ນສຳຫຼວດທະເລ5ລຳຂອງກອງທັບເຮືອອາເມລິກາ,ໃຫ້ການສະໜັບສະໜູນໜ້າທີ່ວຽກງານຂອງທຳນຽບຫ້າແຈແລະພາກສ່ວນອື່ນໆຂອງລັດຖະບານອາເມລິກາໂດຍສະເພາະ.ສື່ມວນຊົນອາເມລິກາກໍ່ລາຍງານຢ່າງເປີດເຜີຍວ່າ,ກຳປັ່ນImpeccableແມ່ນກຳປັ່ນສອດແນມທີ່ຂຶ້ນກັບກອງທັບເຮືອ,ນີ້ແມ່ນຄວາມລັບທີ່ໄດ້ເປີດເຜີຍແລ້ວ.
ຝ່າຍອາເມລິກາຍັງຕັ້ງແກ້ງກ່າວເນັ້ນເທື່ອແລ້ວເທື່ອອີກວ່າ,ກຳປັ່ນImpeccableແມ່ນດຳເນີນການເຄື່ອນໄຫວປົກກະຕິຢູ່ເຂດທະເລສາກົນ.ແຕ່ທີ່ຈິງແລ້ວ,ໃນເວລາເກີດເຫດການນີ້,ບ່ອນທີ່ກຳປັ່ນ Impeccableຢູ່ນັ້ນຫ່າງຈາກເກາະໄຫຫຼຳຂອງຈີນພຽງ120ກິໂລແມັດທໍ່ນັ້ນ,ຍັງໃກ້ກວ່າໄລຍະຫ່າງລະຫວ່າງໝູ່ເກາະຊີ່ຊ່າກັບເກາະໄຫຫຼຳຊ້ຳ.ວິນິດໄສຈາກທີ່ຕັ້ງ ຂອງກຳປັ່ນກໍ່ເຫັນໄດ້ວ່າ,ເຂດທະເລແຫ່ງນີ້ຄວນແມ່ນຢູ່ລະຫວ່າງໝູ່ເກາະຊີ່ຊ່າກັບເກາະໄຫຫຼຳ,ແມ່ນເຂດເສດຖະກິດສະເພາະຂອງຈີນ.
ຕາມຂໍ້ກຳນົດທີ່ກ່ຽວຂ້ອງຂອງສາກົນແລະພາຍໃນປະເທດຈີນ, ກຳປັ່ນທີ່ມີລັກສະນະທາງການທະຫານ ສາມາດແລ່ນຜ່ານໄດ້ພາຍໃນເຂດເສດຖະກິດສະເພາະຂອງປະເທດຫນຶ່ງ, ແຕ່ຕ້ອງຜ່ານໄດ້ໂດຍບໍ່ມີເຈດຕະນາທີ່ບໍ່ດີ,ກໍຄື:ຫນຶ່ງແມ່ນ ຕ້ອງໄດ້ຮັບຄວາມເຫັນດີແລະຄວາມອະນຸຍາດຈາກປະເທດທີ່ກ່ຽວຂ້ອງ,ແລະແຈ້ງໃຫ້ຊາບລ່ວງຫນ້າ:
ອັນທີສອງແມ່ນ ບໍ່ໃຫ້ດຳເນີນການເຄື່ອນໄຫວ.ມັນເດັ່ນຊັດແລ້ວວ່າ, ອາເມລິກາໄດ້ລະເມີດ2ຂໍ້ດັ່ງກ່າວ, ຫນຶ່ງແມ່ນບໍ່ໄດ້ແຈ້ງໃຫ້ຈີນຊາບລ່ວງຫນ້າ,ຖັດມາແມ່ນທຳການເຄື່ອນໄຫວຢູ່ແຫ່ງນີ້.ສະນັ້ນ,ຄວາມເວົ້າຂອງອາເມລິກາແມ່ນບໍ່ຖືກຕ້ອງເລີຍ.ການກະທຳຂອງອາເມລິກາແມ່ນເຮັດໃຫ້ຄົນຮັບເຫັນດີນຳຍາກ, ແຕ່ເລື່ອງນີ້ຈະບໍ່ກະທົບກະເທືອນເຖິງການຂະຫຍາຍການພົວພັນລະຫວ່າງຈີນກັບອາເມລິກາ.
ທ່ານເມີ້ງຊຽງຊິ່ງ ກ່າວວ່າ, ເວົ້າລວມແລ້ວ, ພາຍໃຕ້ສະພາບວິກິດການການເງິນແລະວິກິດການເສດຖະກິດໃນປະຈຸບັນ, ຈີນກັບອາເມລິກາດຳເນີນການຮ່ວມມືແລກປ່ຽນກັນຫຼາຍກວ່ານີ້, ບໍ່ພຽງແຕ່ສອດຄ່ອງກັບຜົນປະໂຫຍດຂອງສອງປະເທດເທົ່ານັ້ນ,ຍັງສອດຄ່ອງກັບຜົນປະໂຫຍດຂອງອາຊີປາຊິຟິກ, ແລະກໍ່ສອດຄ່ອງກັບຜົນປະໂຫຍດຂອງທົ່ວໂລກ.ສະນັ້ນ, ເມື່ອເບິ່ງຈາກຄວາມຫມາຍດ້ານນີ້ແລ້ວເຫັນວ່າ, ການເກີດເຫດການດັ່ງກ່າວແມ່ນເລື່ອງທີ່ບໍ່ເປັນຈັ່ງບຸນ, ແຕ່ວ່າ ມັນ ບໍ່ຄວນຈະກະທົບກະເທືອນຖານະກາໃຫຍ່ແລະກະແສຫຼັກຂອງການຂະຫຍາຍການພົວພັນຈີນກັບອາເມລິກາ.
