ຄະນະຜູ່ແທນສະພາປະຊາຊົນຂອງເຂດຕິເບດໄປຢ້ຽມຢາມອາເມລິກາເທື່ອທຳອິດ ເພື່ອອະທິບາຍບັນຫາກ່ຽວກັບຕິເບດ
-----------------------------------------------------------------------------------------------------------------
ຕາມຂ່າວCRI: ວັນທີ 17 ມີນານີ້, ຄະນະຢ້ຽມຢາມທີ່ປະກອບດ້ວຍຜູ່ແທນສະພາປະຊາຊົນເຜົ່າຕິເບດ 5 ຄົນທີ່ມາຈາກເຂດປົກຄອງຕົນເອງຕິເບດ ໄດ້ຈັດງານພົບປະກັບສື່ມວນຊົນ ຢູ່ສະຖານທູດຈີນປະຈຳອາເມລິກາ, ເພື່ອແນະນຳສະພາບການປ່ຽນແປງຂອງ 50 ປີ ແຫ່ງການປະຕິຮູບປະຊາທິປະໄຕຂອງເຂດຕິເບດ ຕໍ່ນັກຂ່າວຈີນແລະອາເມລິກາດ້ວຍປະສົບການຂອງຕົນເອງ.
ພາລາມະຊິງຊາ ແທນຊິນໂຈດຼາກແຫ່ງວັດຊິນຈາຕິເບດ ຮອງຫົວ ຫນ້າຄະນະກຳມາທິການສະພາຜູ່ແທນປະຊາຊົນ ທີ່ເປັນບຸກຄົນບໍ່ສັງກັດພັກຝ່າຍໃດ ໄດ້ສະເຫນີສະພາບຂອງສະພາຜູ່ແທນປະຊາຊົນຕິເບດນັບແຕ່ສ້າງຕັ້ງຂຶ້ນໃນປີ 1965 ເປັນຕົ້ນມາ, ແລະກ່າວວ່າ, ລະບອບສະພາຜູ່ແທນປະຊາຊົນ ໄດ້ສະແດງໃຫ້ເຫັນສະພາບຕົວຈິງຂອງປະຊາຊົນທີ່ເປັນເຈົ້າຂອງປະເທດຊາດຢ່າງແທ້ຈິງ.
ໃນຜູ່ແທນສະພາປະຊາຊົນທຸກລະດັບຂອງເຂດປົກຄອງຕົນເອງຕິເບດ, ຈຳນວນຜູ່ແທນເຜົ່າຕິເບດ ມີຫຼາຍກວ່າ70%. ປະທານສະພາຜູ່ແທນປະຊາຊົນຂອງເຂດປົກຄອງຕົນເອງຕິເບດທຸກຊຸດ ລ້ວນແຕ່ແມ່ນຊາວເຜົ່າຕິເບດ, ໃນປະທານສະພາຜູ່ແທນປະຊາຊົນລະດັບເມືອງກໍ່ມີຈຳນວນເຜົ່າຕິເບດຫຼາຍສົມຄວນ.
ໃນຖານະເປັນຜູ່ແທນປະຊາຊົນທົ່ວປະເທດທີ່ມາຈາກຮາກຖານ, ນາງເກວສາງ ດຼູນກາ ເລຂາຄະນະພັກບ້ານຕາມາຕາແສງນາເກັນເມືອງລາຊາເຂດຕິເບດສົນໃຈນຳຊີວິດການເປັນຢູ່ຂອງປະຊາຊົນຢູ່ສະເຫມີ.ນາງບອກວ່າ:ປີນີ້ ຄົນ 1/3 ໃນບ້ານພວກເຮົາໄດ້ຍ້າຍເຂົ້າເຮືອນໃຫມ່ໃນໂຄງການເຮືອນຢູ່ທີ່ອົງການປົກຄອງສ້າງຂຶ້ນໃຫ້ຊາວກະສິກອນຢູ່,ເຮືອນໃຫມ່ເຫລົ່ານນີ້ສອດຄ່ອງກັບເອກະລັກພິເສດຂອງເຮືອນຢູ່ຊາວເຜົ່າຕິເບດພວກເຮົາຫລາຍ,ມີອຸປະກອນທຸກຢ່າງຄົບຊຸດ, ເສັ້ນທາງ ໄຟຟ້າແລະນ້ຳປະປາກໍ່ມີຢ່າງສົມບູນ, ບໍ່ຕ່າງຫຍັງກັບຕົວເມືອງເລີຍ.ປີກາຍນີ້ ຊາວກະສິກອນໃນບ້ານພວກເຮົາຍັງໄດ້ເຮັດທຸລະກິດຫລາຍຢ່າງ, ເຮັດໃຫ້ລາຍໄດ້ສະເລ່ຍຕໍ່ຫົວຄົນຕໍ່ປີສູງເຖິງ 6800 ຢວນ.ນາງເກວສາງດຼູນກາເວົ້າວ່າ, ເດືອນມັງກອນທີ່ຜ່ານມານີ້ ນາງໄດ້ເຂົ້າຮ່ວມກອງປະຊຸມຜູ່ແທນສະພາປະຊາຊົນເຂດປົກຄອງຕົນເອງຕິເບດເທື່ອທີ 2 ຊຸດທີ 9, ຜູ່ແທນ 382 ຄົນເປັນເອກະສັນກັນເຫັນດີຈັດເອົາວັນທີ 28 ມີນາຂອງແຕ່ລະປີເປັນວັນລະລຶກການປົດປ່ອຍຂ້າທາດກະສິກອນຕິເບດລ້ານຄົນ,ເພື່ອລະລຶກການປະຕິຮູບແບບປະຊາທິປະໄຕທີ່ດຳເນີນຢູ່ຕິເບດເມື່ອ 50 ປີກ່ອນ.
ທ່ານກາມາຣິນເຊັນ, ຮອງເຈົ້າໜ້າທີ່ຮັບຜິດຊອບເຂດນັກຊູຂອງເຂດຕິເບດແມ່ນລູກຫຼານຂອງທາດກະສິກອນ. ທ່ານເຫັນວ່າ, ການຕັ້ງວັນລະລຶກການປົດປ່ອຍທາດກະສິກອນຕິເບດລ້ານຄົນ"ມີຄວາມໝາຍພິເສດ.
"ວັນລະລຶກການປົດປ່ອຍທາດກະສິກອນຕິເບດລ້ານຄົນ, ເຮັດໃຫ້ຄົນທັງຫຼາຍຮູ້ຈັກປະຫວັດສາດຂອງເຂດຕິເບດ, ບໍ່ລືມປະຫວັດສາດຂອງເຂດຕິເບດ. ທາດກະສິກອນໃນເມື່ອກ່ອນໄດ້ຮັບການປົດປ່ອຍກາຍເປັນເຈົ້າຂອງເຂດຕິເບດໃໝ່ສັງຄົມນິຍົມ, ເລື່ອງນີ້ມີຄວາມໝາຍສຳຄັນຫຼາຍຄືກັນຕໍ່ຊີວິການເປັນຢູ່ຂອງ ຕົວເອງແລະຄອບຄົວ. ກ່ອນ 1959, ຈຳນວນຄົນໄດ້ຮັບການສຶກສາຂອງເຂດຕິເບດພຽງມີ 5% ຂອງປະຊາກອນທັງໝົດຂອງເຂດຕິເບດ. ຖ້າວ່າຢູ່ໃຕ້ລະບອບສັງຄົມເກົ່າ, ຂ້າພະເຈົ້າໄດ້ຮ່ຳຮຽນ, ແລະກາຍເປັນຜູ້ແທນສະພາປະຊາຊົນແຫ່ງຊາດຈີນແລະຜູ້ນຳຂອງເຂດໃດໜຶ່ງຂອງເຂດຕິເບດນັ້ນແມ່ນບໍ່ອາດເປັນໄປໄດ້ແລະບໍ່ຕ້ອງຄິດເຖິງເລີຍ."
ໃນຫຼາຍມື້ມານີ້ຢູ່ວໍຊີງຕັນ, ຄະນະຜູ້ແທນສະພາປະຊາຊົນຂອງເຂດຕິເບດຍັງໄດ້ພົບປະກັບບຸກຄົນສຳຄັນຂອງລັດຖະບານ, ລັດຖະສະພາແລະວົງການວິຊາການຂອງອາເມລິກາ. ໃນໄລຍະນັ້ນ, ທ່ານໂຈນ ໂນຣິສ, ຮອງເລຂາຂອງຜູ້ຊ່ອຍລັດຖະມົນຕີວ່າການກະຊວງການຕ່າງປະເທດອາເມລິກາໄດ້ກ່າວຢ້ຳຫຼັກໝັ້ນຂອງລັດຖະບານອາເມລິກາ, ຮັບຮອງເຂດຕິເບດແມ່ນພາກສ່ວນໜຶ່ງທີ່ແຍກອອກບໍ່ໄດ້ຂອງຜືນແຜ່ນດິນຈີນ, ແລະກ່າວວ່າບໍ່ສະໜັບສະໜູນ"ການແຍກເຂດຕິເບດເປັນເອກະລາດ"ຢ່າງເດັດຂາດ. ບຸກຄົນສຳຄັນຂອງວົງການຕ່າງໆຂອງອາເມລິກາກ່າວວ່າ, ມີການແລກປ່ຽນກັບຜູ້ແທນສະພາປະຊາຊົນທີ່ມາຈາກເຂດຕິເບດໂດຍກົງແນວນີ້ມີຄວາມໝາຍຫຼາຍ, ຈະມີຜົນດີຕໍ່ວົງການຕ່າງໆຂອງອາເມລິກາມີຄວາມເຂົ້າໃຈຫຼາຍຂຶ້ນຕໍ່ເຂດຕິເບດ.
