ການພົວພັນດ້ານເສດຖະກິດການຄ້າລະຫວ່າງຈີນກັບອົສຕຼາລີມີທ່າແຮງຄ້ຳຊູກັນແລະຂະຫຍາຍໄປໜ້າຢ່າງໜັກແໜ້ນ
(GMT+08:00) 2009-03-20 18:07:25 cri
-----------------------------------------------------------------------------------------------------------------
-----------------------------------------------------------------------------------------------------------------
ນັບແຕ່ຈີນກັບອົສຕຼາລີສ້າງສາຍພົວພັນທາງການທູດເປັນຕົ້ນມາ,ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງຕໍ່ເນື່ອງແລະໜັກແໜ້ນຕະຫຼອດມາ.ໃນຊຸມປີມໍ່ໆມານີ້,ການຮ່ວມມືແລະການໄປມາຫາສູ່ກັນດ້ານເສດຖະກິດການຄ້າລະຫວ່າງສອງປະເທດໄດ້ແໜ້ນແຟ້ນກວ່າເກົ່າແລະແລກປ່ຽນກັນເລື້ອຍໆ.ຄັນຊັ້ນ,ການແລກປ່ຽນດ້ານເສດຖະກິດການຄ້າລະຫວ່າງຈີນກັບອົສຕຼາລີມີຈຸດພິເສດແນວໃດແດ່?ສອງຝ່າຍຈະຮ່ວມມືກັນແນວໃດເພື່ອຮັບມືກັບວິກິດການການເງິນທົ່ວໂລກ?ກ່ຽວກັບບັນຫາເຫຼົ່ານີ້,ຫວ່າງມໍ່ໆນີ້,ນັກຂ່າວ CRI ປະຈຳອົສຕຼາລີໄດ້ສຳພາດທ່ານລີວຈົ້ວຈ່າງ ທີ່ປຶກສາເສດຖະກິດການຄ້າຊັ້ນລັດຖະທູດຂອງຈີນປະຈຳອົສຕຼາລີ.ທ່ານລີວຈົ້ວຈ່າງໃຫ້ສຳພາດວ່າ,ຕາມຂໍ້ມູນສະຖິຕິຂອງຈີນ,ໃນເວລາຈີນກັບອົສຕຼາລີສ້າງສາຍພົວພັນທາງການທູດເມື່ອ 1972,ມູນຄ່າການຄ້າລະຫວ່າງສອງຝ່າຍມີແຕ່ 86 ລ້ານໂດລາເທົ່ານັ້ນ,ໃນເວລາ 30 ກວ່າປີທີ່ຜ່ານມາ,ການພົວພັນດ້ານເສດຖະກິດການຄ້າລະຫວ່າງຈີນກັບອົສຕຼາລີໄດ້ມີການຂະຫຍາຍຕົວຢ່າງຫຼວງຫຼາຍ.ນັບມາຮອດປີ 2007,ຈີນໄດ້ກາຍເປັນຄູ່ການຄ້າທີ່ໃຫຍ່ກວ່າໝູ່,ແຫຼ່ງສິນຄ້ານຳເຂົ້າທີ່ໃຫຍ່ກວ່າໝູ່ແລະຕະຫຼາດສົ່ງອອກໃຫຍ່ທີສອງຂອງອົສຕຼາລີ. ປີ 2008,ເຖິງວ່າໄດ້ປະເຊີນກັບການທ້າທາຍຈາກວິກິດການການເງິນທົ່ວໂລກກໍຕາມ,ແຕ່ມູນຄ່າການຄ້າລະຫວ່າງສອງຝ່າຍຍັງໄດ້ມີເຖິງ 59 ຕື້ 700 ລ້ານໂດລາ,ຈີນສືບຕໍ່ຄອງຖານະຄູ່ການຄ້າໃຫຍ່ກວ່າໝູ່ຂອງອົສຕຼາລີ.
ທ່ານລີວຈົ້ວຈ່າງກ່າວວ່າ,ການພົວພັນດ້ານເສດຖະກິດການຄ້າລະຫວ່າງຈີນກັບອົສຕຼາລີໄດ້ຂະຫຍາຍຕົວຢ່າງວ່ອງໄວນັ້ນ,ຕົ້ນຕໍແມ່ນຍ້ອນເສດຖະກິດຂອງສອງປະເທດມີລັກສະນະຄ້ຳຊູກັນສູງ.ອົສຕຼາລີມີຊັບພະຍາກອນອັນອຸດົມສົມບູນ,ສ່ວນຈີນມີຕະຫຼາດທີ່ກວ້າງຂວາງ,ພ້ອມກັນນັ້ນ,ອົສຕຼາລີກໍ່ຕ້ອງການສິນຄ້າຈີນຫຼາຍ.ທ່ານຍົກຕົວຢ່າງວ່າ,ແຕ່ລະປີ,ຈີນກໍ່ນຳເຂົ້າຫີນແຮ່ເຫຼັກເກືອບ 200 ລ້ານໂຕນຈາກອົສຕຼາລີ.ເມື່ອຈີນຜະລິດອຸປະກອນເຫຼັກກ້າແລ້ວ,ດ້ານໜຶ່ງແມ່ນຕອບສະໜອງຄວາມຕ້ອງການຂອງຕົນ,ອີກດ້ານໜຶ່ງ,ອົສຕຼາລີກໍ່ໄດ້ນຳເຂົ້າເຫຼັກກ້າຈາກຈີນ,ບາງປີໄດ້ຫຼາຍເຖິງ 5 ແສນໂຕນ.
ທ່ານລີວຈົ້ວຈ່າງກ່າວວ່າ,ມີທ່າແຮງຄ້ຳຊູກັນ,ພັດທະນາຮ່ວມກັນ,ນີ້ໄດ້ນຳເອົາຜົນປະໂຫຍດໃຫ້ແກ່ວິສາຫະກິດຂອງທັງສອງຝ່າຍ.ໂດຍສະເພາະແມ່ນໃຕ້ສະພາບເບື້ອງຫຼັງທີ່ວິກິດການການເງິນທົ່ວໂລກແຜ່ຂະຫຍາຍໃນປະຈຸບັນນີ້,ຈີນກັບອົສຕຼາລີຄວນສືບຕໍ່ເພີ່ມທະວີການຮ່ວມມືດ້ານເສດຖະກິດການຄ້າ,ສ່ວນການຄັດຄ້ານລັດທິປົກປ້ອງການຄ້າ,ຊຸກຍູ້ການຮ່ວມມືພັດທະນາໃນຫຼາຍດ້ານແລະຫຼາຍຂົງເຂດນັ້ນກໍ່ສຳຄັນຍິ່ງຂຶ້ນ.ທ່ານລີວຈົ້ວຈ່າງກ່າວວ່າ,ຄອງຄອຍການສະແດງຂອງສອງຝ່າຍໃນກອງປະຊຸມສຸດຍອດການເງິນ G20 ທີ່ຈະຈັດຂຶ້ນຢູ່ລອນດອນຂອງອັງກິດໃນເດືອນໜ້າ.
ທ່ານລີວຈົ້ວຈ່າງກ່າວວ່າ,ການພົວພັນດ້ານເສດຖະກິດການຄ້າລະຫວ່າງຈີນກັບອົສຕຼາລີໄດ້ຂະຫຍາຍຕົວຢ່າງວ່ອງໄວນັ້ນ,ຕົ້ນຕໍແມ່ນຍ້ອນເສດຖະກິດຂອງສອງປະເທດມີລັກສະນະຄ້ຳຊູກັນສູງ.ອົສຕຼາລີມີຊັບພະຍາກອນອັນອຸດົມສົມບູນ,ສ່ວນຈີນມີຕະຫຼາດທີ່ກວ້າງຂວາງ,ພ້ອມກັນນັ້ນ,ອົສຕຼາລີກໍ່ຕ້ອງການສິນຄ້າຈີນຫຼາຍ.ທ່ານຍົກຕົວຢ່າງວ່າ,ແຕ່ລະປີ,ຈີນກໍ່ນຳເຂົ້າຫີນແຮ່ເຫຼັກເກືອບ 200 ລ້ານໂຕນຈາກອົສຕຼາລີ.ເມື່ອຈີນຜະລິດອຸປະກອນເຫຼັກກ້າແລ້ວ,ດ້ານໜຶ່ງແມ່ນຕອບສະໜອງຄວາມຕ້ອງການຂອງຕົນ,ອີກດ້ານໜຶ່ງ,ອົສຕຼາລີກໍ່ໄດ້ນຳເຂົ້າເຫຼັກກ້າຈາກຈີນ,ບາງປີໄດ້ຫຼາຍເຖິງ 5 ແສນໂຕນ.
ທ່ານລີວຈົ້ວຈ່າງກ່າວວ່າ,ມີທ່າແຮງຄ້ຳຊູກັນ,ພັດທະນາຮ່ວມກັນ,ນີ້ໄດ້ນຳເອົາຜົນປະໂຫຍດໃຫ້ແກ່ວິສາຫະກິດຂອງທັງສອງຝ່າຍ.ໂດຍສະເພາະແມ່ນໃຕ້ສະພາບເບື້ອງຫຼັງທີ່ວິກິດການການເງິນທົ່ວໂລກແຜ່ຂະຫຍາຍໃນປະຈຸບັນນີ້,ຈີນກັບອົສຕຼາລີຄວນສືບຕໍ່ເພີ່ມທະວີການຮ່ວມມືດ້ານເສດຖະກິດການຄ້າ,ສ່ວນການຄັດຄ້ານລັດທິປົກປ້ອງການຄ້າ,ຊຸກຍູ້ການຮ່ວມມືພັດທະນາໃນຫຼາຍດ້ານແລະຫຼາຍຂົງເຂດນັ້ນກໍ່ສຳຄັນຍິ່ງຂຶ້ນ.ທ່ານລີວຈົ້ວຈ່າງກ່າວວ່າ,ຄອງຄອຍການສະແດງຂອງສອງຝ່າຍໃນກອງປະຊຸມສຸດຍອດການເງິນ G20 ທີ່ຈະຈັດຂຶ້ນຢູ່ລອນດອນຂອງອັງກິດໃນເດືອນໜ້າ.
ຂ່າວ-ບົດທີ່ກ່ຽວຂ້ອງ
ຄຳເຫັນ
