ພະປານຊານອົງທີ 11 ເຜີຍແຜ່ບົດຄວາມເພື່ອລະລຶກທາດກະສິກອນຕິເບດລ້ານຄົນຮັບການປົດປ່ອຍຄົບຮອບ 50 ປີ

(GMT+08:00) 2009-03-22 17:00:09 cri
-----------------------------------------------------------------------------------------------------------------

ຕາມຂ່າວສານຊີນຮວາ: ໜັງສືພິມປະຊາຊົນລາຍວັນສະບັບວັນທີ 23 ມີນານີ້ຈະພິມບົດຄວາມຂອງພະປານຊານເອີເຕີນີ ເຊຈີຈີໂບ ອົງທີ 11 ທີ່ຂຽນເພື່ອລະລຶກທາດກະສິກອນຕິເບດລ້ານຄົນໄດ້ຮັບການປົດປ່ອຍຄົບຮອບ 50 ປີ. ບົດຄວາມຂຽນວ່າ, ການປະຕິຮູບປະຊາທິປະໄຕຂອງຕິເບດໄດ້ເຮັດໃຫ້ລະບອບສັງຄົມຂອງຕິເບດຂ້າມຍຸກສະໄໝຢ່າງມີລັກສະນະປະຫວັດສາດ. ເລື່ອງຈິງພິສູດໃຫ້ເຫັນວ່າ, ມີແຕ່ພັກກອມມູນິດຈີນຈຶ່ງສາມາດເຮັດໃຫ້ທາດກະສິກອນໃນອະດີດໄດ້ມີກຽດສັກສີແລະຄວາມເສລີຂອງຄົນ. ພະທຳພຸດທະສາສະໜາສົ່ງເສີມໃຫ້ໝົດທຸກຄົນໄດ້ຮັບຜົນປະໂຫຍດນຳກັນ, ແລະຊ່ວຍໝົດທຸກຄົນພົ້ນອອກຈາກຄວາມທຸກຍາກລຳບາກ, ສະນັ້ນ, ການປົດປ່ອຍທາດກະສິກອນແມ່ນສອດຄ່ອງກັບວັດຖຸປະສົງຂອງພຸດທະສາສະໜາຢ່າງສິ້ນເຊິງ.

ບົດຄວາມຂຽນວ່າ, ນັບແຕ່ເຂດຕິເບດດຳເນີນການປະຕິຮູບປະຊາທິປະໄຕ 50 ປີມານີ້, ການປົກຄອງໂດຍຕົນເອງແລະພາລະກິດພັດທະນາຕ່າງໆຂອງເຂດຕິເບດລ້ວນແຕ່ໄດ້ຮັບຜົນສຳເລັດອັນຍິ່ງໃຫຍ່ທີ່ປະຈັກຕາຊາວໂລກ. ວົງການຕ່າງໆຂອງເຂດຕິເບດຕ້ອງຖະນຸຖະໜອມໝາກຜົນທີ່ໄດ້ມາຢ່າງບໍ່ງ່າຍດາຍ.

ຂ່າວ-ບົດທີ່ກ່ຽວຂ້ອງ

ຄຳເຫັນ