WTOເຕືອນວ່າ ປີນີ້,ປະລິມານການຄ້າທົ່ວໂລກຈະຫຼຸດລົງຢ່າງວ່ອງໄວ
(GMT+08:00) 2009-03-24 16:37:43 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວCRI:ໃນເວລາທີ່ອົງການກອງທຶນເງິນຕາສາກົນຫຼືIMFແລະທະນາຄານໂລກພິຈາລະນາທ່າອ່ຽງຂອງການພັດທະນາທົ່ວໂລກໃນປີນີ້ເປັນ"ເຕີບໂຕອ່ອນແອ" ຫຼືວ່າ"ຊຸດໂຊມລົງ"ນັ້ນ,ໃນວັນທີ23ມີນານີ້,ອົງການການຄ້າໂລກຫຼືWTO ແມ່ນ ອົງການສຳຄັນອີກແຫ່ງໜຶ່ງທີ່ມີຜົນສະທ້ອນຕໍ່ການຄ້າທົ່ວໂລກນັ້ນໄດ້ໃຫ້ຄຳສະຫຼຸບຢ່າງຈະແຈ້ງຕໍ່ສະພາບການຄ້າທົ່ວໂລກໃນປີນີ້.ມື້ດຽວກັນ,ຢູ່ສຳນັກງານໃຫຍ່ທີ່ເຊີແນວຂອງສະວິສ,ອົງການການຄ້າໂລກເຜີຍແຜ່ບົດລາຍງານວ່າ,ປີນີ້,ປະລິມານການຄ້າທົ່ວໂລກຈະສິ້ນສຸດຄວາມເຕີບໂຕທີ່ມີມາຫຼາຍສິບປີແລ້ວ,ຈະປະກົດມີການຫຼຸດລົງປະມານ9%ເປັນຄັ້ງປະຫວັດສາດ,ແມ່ນການຫຼຸດລົງດ້ານການຄ້າທີ່ໜັກໜ່ວງທີ່ສຸດແຕ່ສົງຄາມໂລກຄັ້ງທີສອງເປັນຕົ້ນມາ.ບົດລາຍງານຄາດຄະເນສະບັບນີ້ຂອງWTOຂຽນວ່າ,ປີນີ້,ສະພາບການການຄ້າຫຼຸດລົງໃນອົງກອນເສດຖະກິດທີ່ພັດທະນາແລ້ວໜັກໜ່ວງກວ່າໝູ່,ເສັ້ນສະແດງຫຼຸດລົງປະມານ10%,ສ່ວນເສັ້ນສະແດງຫຼຸດລົງໃນອົງການເສດຖະກິດທີ່ພວມພັດທະນາມີປະມານ2%ຫາ3%.ນັກເສດຖະສາດຂອງອົງການການຄ້າໂລກແມ່ນໃຫ້ຄຳສະຫຼຸບດັ່ງກ່າວໂດຍໄດ້ວິໄຈຢ່າງເລິກເຊິ່ງຕໍ່ສະພາບການການຄ້າທົ່ວໂລກຂອງປີ2008ແລະໄດ້ປະສານສົມທົບກັບທ່າອ່ຽງ ພັດທະນາຂອງວິກິດການການເງິນທົ່ວໂລກໃນປະຈຸບັນນີ້.
ບົດລາຍງານຂຽນວ່າ, ບໍລິມາດການຄ້າທົ່ວໂລກໃນປີກາຍນີ້ ໄດ້ເພີ່ມຂຶ້ນ 2%, ເຊິ່ງຕ່ຳກວ່າຄາດຫມາຍ ທີ່ອົງການການຄ້າໂລກຄາດຄະເນຄື່4,5%. ອາເມລິກາ,ຈີນ,ເຢຍລະມັນເປັນ 3 ອັນດັບທຳອິດໃນບໍລິມາດການຄ້າຂາເຂົ້າຂາອອກ. ການຄົ້ນຄວ້າສະແດງໃຫ້ເຫັນວ່າ, ເຖິງວ່າອັດຕາເຕີບໂຕ 2% ບໍ່ສູງປານໃດກໍ່ຕາມ, ແຕ່ຍັງແມ່ນການເຕີບໂຕຈາກການກະຕຸ້ນຂອງການຄ້າໃນ 6 ເດືອນຕົ້ນປີກາຍນີ້. ໃນ 6 ເດືອນທ້າຍປີກາຍນີ້, ການຄ້າຂອງທົ່ວໂລກກໍ່ເລີ່ມມີທ່າອ່ຽງທີ່ຕ່ຳລົງ. ໃນເດືອນກັນຍາປີກາຍນີ້, ອາເມລິກາໄດ້ເກີດວິກິດການການເງິນແລະແຜ່ລາມອອກໄປທົ່ວໂລກຢ່າງບໍ່ຢຸດຢັ້ງ. ລາຄາບັດຫຸ້ນສ່ວນແລະລາຄາອະສັງຫະລິມະຊັບ ໄດ້ຫຼຸດຫນ້ອຍລົງຢ່າງວ່ອງໄວ, ຊັບສິນກ້ອນໃຫຍ່ໄດ້ສູນຫາຍໄປ, ເງິນທຶນທີ່ເຄັ່ງຕຶງແລະຈໍລະຈອນບໍ່ພຽງພໍນັ້ນ ໄດ້ເຮັດໃຫ້ຄວາມຕ້ອງການ ຫຼຸດຫນ້ອຍລົງ, ຜົນຮ້າຍຢ້ອນຫຼັງໂດຍກົງກໍ່ແມ່ນການນຳເຂົ້າຫຼຸດຕ່ຳລົງ. ບົດລາຍງານຍັງຂຽນວ່າ, ນັບແຕ່ໄຕມາດທີ 4 ຂອງປີກາຍນີ້ເປັນຕົ້ນມາ,ການນຳເຂົ້າຂອງອົງກອນເສດຖະກິດສຳຄັນຕ່າງໆ ກໍ່ໄດ້ຫຼຸດຫນ້ອຍລົງຢ່າງເດັ່ນຊັດ, 6 ປະເທດຄູ່ການຄ້າໃຫຍ່ທີ່ກວມຍອດບໍລິມາດການສົ່ງອອກຂອງຈີນ 70% ລ້ວນແຕ່ຕົກຢູ່ໃນສະພາບເສດຖະກິດທີ່ຊຸດໂຊມລົງ, ແລ້ວພາໃຫ້ການສົ່ງອອກຂອງຈີນຫຼຸດຫນ້ອຍລົງຢ່າງຫຼວງຫຼາຍໂດຍກົງ.
ບົດລາຍງານຂຽນວ່າ, ຫຼັງຈາກເກີດວິກິດການການເງິນແລ້ວ, ອົງກອນເສດຖະກິດຈຳນວນຫຼວງຫຼາຍໄດ້ວາງແຜນການກະຕຸ້ນເສດຖະກິດຕ່າງໆ, ມາດຕະການເຫຼົ່ານີ້ຈະບັນລຸຜົນຕາມຄາດຫມາຍຫຼືບໍ່, ຍັງຕ້ອງການເວລາເປັນເຄື່ອງພິສູດ. ແຕ່ວ່າ, ເມື່ອສັງເກດຈາກຜົນກະທົບຂອງວິກິດການການເງິນທີ່ມີຕໍ່ອົງກອນເສດຖະກິດ ພ້ອມທັງປະສິດທິພາບທີ່ຕ່ຳຂອງມາດຕະການກອບກູ້ຕະຫຼາດແລະອື່ນໆ ແລ້ວເຫັນວ່າ, ການຄ້າທົ່າໂລກໃນປີນີ້ຈະເຮັດໃຫ້ເສດຖະກິດໂລກຟື້ນຕົວຄືນຍາກຢ່າງແນ່ນອນ
ບົດລາຍງານຂຽນວ່າ, ບໍລິມາດການຄ້າທົ່ວໂລກໃນປີກາຍນີ້ ໄດ້ເພີ່ມຂຶ້ນ 2%, ເຊິ່ງຕ່ຳກວ່າຄາດຫມາຍ ທີ່ອົງການການຄ້າໂລກຄາດຄະເນຄື່4,5%. ອາເມລິກາ,ຈີນ,ເຢຍລະມັນເປັນ 3 ອັນດັບທຳອິດໃນບໍລິມາດການຄ້າຂາເຂົ້າຂາອອກ. ການຄົ້ນຄວ້າສະແດງໃຫ້ເຫັນວ່າ, ເຖິງວ່າອັດຕາເຕີບໂຕ 2% ບໍ່ສູງປານໃດກໍ່ຕາມ, ແຕ່ຍັງແມ່ນການເຕີບໂຕຈາກການກະຕຸ້ນຂອງການຄ້າໃນ 6 ເດືອນຕົ້ນປີກາຍນີ້. ໃນ 6 ເດືອນທ້າຍປີກາຍນີ້, ການຄ້າຂອງທົ່ວໂລກກໍ່ເລີ່ມມີທ່າອ່ຽງທີ່ຕ່ຳລົງ. ໃນເດືອນກັນຍາປີກາຍນີ້, ອາເມລິກາໄດ້ເກີດວິກິດການການເງິນແລະແຜ່ລາມອອກໄປທົ່ວໂລກຢ່າງບໍ່ຢຸດຢັ້ງ. ລາຄາບັດຫຸ້ນສ່ວນແລະລາຄາອະສັງຫະລິມະຊັບ ໄດ້ຫຼຸດຫນ້ອຍລົງຢ່າງວ່ອງໄວ, ຊັບສິນກ້ອນໃຫຍ່ໄດ້ສູນຫາຍໄປ, ເງິນທຶນທີ່ເຄັ່ງຕຶງແລະຈໍລະຈອນບໍ່ພຽງພໍນັ້ນ ໄດ້ເຮັດໃຫ້ຄວາມຕ້ອງການ ຫຼຸດຫນ້ອຍລົງ, ຜົນຮ້າຍຢ້ອນຫຼັງໂດຍກົງກໍ່ແມ່ນການນຳເຂົ້າຫຼຸດຕ່ຳລົງ. ບົດລາຍງານຍັງຂຽນວ່າ, ນັບແຕ່ໄຕມາດທີ 4 ຂອງປີກາຍນີ້ເປັນຕົ້ນມາ,ການນຳເຂົ້າຂອງອົງກອນເສດຖະກິດສຳຄັນຕ່າງໆ ກໍ່ໄດ້ຫຼຸດຫນ້ອຍລົງຢ່າງເດັ່ນຊັດ, 6 ປະເທດຄູ່ການຄ້າໃຫຍ່ທີ່ກວມຍອດບໍລິມາດການສົ່ງອອກຂອງຈີນ 70% ລ້ວນແຕ່ຕົກຢູ່ໃນສະພາບເສດຖະກິດທີ່ຊຸດໂຊມລົງ, ແລ້ວພາໃຫ້ການສົ່ງອອກຂອງຈີນຫຼຸດຫນ້ອຍລົງຢ່າງຫຼວງຫຼາຍໂດຍກົງ.
ບົດລາຍງານຂຽນວ່າ, ຫຼັງຈາກເກີດວິກິດການການເງິນແລ້ວ, ອົງກອນເສດຖະກິດຈຳນວນຫຼວງຫຼາຍໄດ້ວາງແຜນການກະຕຸ້ນເສດຖະກິດຕ່າງໆ, ມາດຕະການເຫຼົ່ານີ້ຈະບັນລຸຜົນຕາມຄາດຫມາຍຫຼືບໍ່, ຍັງຕ້ອງການເວລາເປັນເຄື່ອງພິສູດ. ແຕ່ວ່າ, ເມື່ອສັງເກດຈາກຜົນກະທົບຂອງວິກິດການການເງິນທີ່ມີຕໍ່ອົງກອນເສດຖະກິດ ພ້ອມທັງປະສິດທິພາບທີ່ຕ່ຳຂອງມາດຕະການກອບກູ້ຕະຫຼາດແລະອື່ນໆ ແລ້ວເຫັນວ່າ, ການຄ້າທົ່າໂລກໃນປີນີ້ຈະເຮັດໃຫ້ເສດຖະກິດໂລກຟື້ນຕົວຄືນຍາກຢ່າງແນ່ນອນ
ຂ່າວ-ບົດທີ່ກ່ຽວຂ້ອງ
ຄຳເຫັນ
