ປະຊາຊົນຂອງບ້ານທຳອິດທີ່ດຳເນີນການປະຕິຮູບປະຊາທິປະໄຕຢູ່ຕິເບດຮຽກຮ້ອງໃຫ້ທາດກະສິກອນທີ່ໄດ້ເປັນເຈົ້າຕົນເອງກຳຈັດສິ່ງລົບກວນແລະຖະໜອມຊີວິດການເປັນຢູ່

(GMT+08:00) 2009-03-28 18:50:35 cri
-----------------------------------------------------------------------------------------------------------------

ຕາມຂ່າວສານຊີນຮວາ:ຫວ່າງມໍ່ໆນີ້,ປະຊາຊົນບ້ານເຄີ້ຊົ່ງຕາແສງຊ່າງຈູເຂດຊ່ານນານ ບ້ານທຳອິດທີ່ດຳເນີນການປະຕິຮູບປະຊາທິປະໄຕຢູ່ຕິເບດໄດ້ສົ່ງຈົດໝາຍເປີດຊອງກ້ານໜຶ່ງໄປຍັງທາດກະສິກອນລ້ານຄົນທີ່ໄດ້ເປັນເຈົ້າຕົນເອງຂອງຕິເບດ,ຍົກເອົາປະສົບການຕົວຈິງຂອງຕົນຢູ່ໃນຕິເບດໃໝ່ແລະຕິເບດເກົ່າເປັນຕົວຢ່າງ,ຮຽກຮ້ອງໃຫ້ປະຊາຊົນທັງຫຼາຍກຳຈັດສິ່ງລົບກວນ,ຖະໜອມຊີວິດການເປັນຢູ່ທີ່ມີຄວາມສຸກ,ສ້າງບ້ານເມືອງສັງຄົມນິຍົມອັນໃໝ່.

ປີ 1959,ທາດກະສິກອນ 400 ກວ່າຄົນຂອງບ້ານເຄີ້ຊົ່ງໄດ້ສ້າງສະມາຄົມຊາວກະສິກອນແຫ່ງທຳອິດຢູ່ຕິເບດຢ່າງເປັນເຈົ້າການ,ການປະຕິຮູບປະຊາທິປະໄຕຂອງຕິເບດທີ່ນຳພາໂດຍພັກກອມມູນິດຈີນໄດ້ເລີ່ມດຳເນີນ.

ທ່ານຊົວລາງຕົນຈູ ຜູ້ລິເລີ່ມຂຽນຈົດໝາຍດັ່ງກ່າວທີ່ເຄີຍເປັນທາດກະສິກອນໃນສະໄໝກ່ອນກ່າວວ່າ,ຂໍ້ລິເລີ່ມທີ່ສົ່ງຈົດໝາຍເປີດຊອງໄປຍັງທາດກະສິກອນລ້ານຄົນທີ່ໄດ້ເປັນເຈົ້າຕົນເອງຂອງຕິເບດນັ້ນໄດ້ຮັບການສະໜັບສະໜູນຈາກໄທບ້ານທັງໝົດ.

ຈົດໝາຍຂຽນວ່າ,ກຸ່ມດາໄລລາມະບໍ່ພຽງແຕ່ບໍ່ເຄີຍເຮັດເລື່ອງທີ່ມີຄວາມໝາຍຕໍ່ປະຊາຊົນເຜົ່າຕິເບດທ້ອງຖິ່ນຈັກເທື່ອເທົ່ານັ້ນ,ຍັງໄດ້ລົບກວນແລະທຳລາຍຊີວິດການເປັນຢູ່ໃໝ່ທີ່ມີຄວາມສຸກແລະກົມກຽວກັນຢ່າງບໍ່ຢຸດຢັ້ງ.ຈົດໝາຍຮຽກຮ້ອງໃຫ້ທາດກະສິກອນລ້ານຄົນທີ່ໄດ້ເປັນເຈົ້າຕົນເອງຂອງຕິເບດສາມັກຄີກັນຢູ່ອ້ອມຂ້າງພັກກອມມູນິດຈີນຢ່າງແໜ້ນແຟ້ນ,ສະໜັບສະໜູນລະບອບສັງຄົມນິຍົມ,ສ້າງບ້ານເມືອງສັງຄົມນິຍົມອັນໃໝ່ທີ່ກົມກຽວກັນແລະມີສະຖຽນລະພາບ.

ຂ່າວ-ບົດທີ່ກ່ຽວຂ້ອງ

ຄຳເຫັນ