ງານລາຕີສະເຫຼີມສະຫຼອງທາດກະສິກອນລ້ານຄົນໄດ້ຮັບການປົດປ່ອຍຄົບຮອບ 50 ປີຈັດຂຶ້ນຢູ່ປັກກິ່ງ

(GMT+08:00) 2009-03-29 17:59:25 cri
-----------------------------------------------------------------------------------------------------------------

ຕາມຂ່າວສານຊິ່ນຮວາ: ວັນທີ 28 ມີນານີ້, "ງານລາຕີສະເຫຼີມສະຫຼອງທາດກະສິກອນລ້ານຄົນໄດ້ຮັບການປົດປ່ອຍຄົບຮອບ 50 ປີ" ທີ່ມີຫົວຂໍ້ວ່າ ກ້າວໄປສູ່ແສງແດດ ໄດ້ຈັດຂຶ້ນຢູ່ປັກກິ່ງ. ທ່ານເຈຍຊິ້ງລິນ ກຳມະການປະຈຳກົມການເມືອງສູນກາງພັກກອມມູນິດຈີນ, ປະທານສະພາປຶກສາການເມືອງແຫ່ງຊາດຈີນ, ທ່ານໂຈ່ຢົງຄ່າງ ກຳມະການປະຈຳກົມການເມືອງສູນກາງພັກກອມມູນິດຈີນ, ເລຂາຄະນະກຳມະການການເມືອງແລະກົດໝາຍສູນກາງພັກກອມມູນິດຈີນກັບປະຊາຊົນປະມານພັນຄົນຂອງວົງການຕ່າງໆຂອງປັກກິ່ງໄດ້ຊົມການສະແດງ.

ຕອນຄ່ຳວັນທີ 28 ມີນານີ້, ງານລາຕີໄດ້ເລີ່ມຕົ້ນໂດຍລາຍການຟ້ອນທີ່ມີຊື່ວ່າ "ທາດກະສິກອນລ້ານຄົນລຸກຢືນຂຶ້ນ", ນາງເຊເທນ ໂດມາ ສິລະປິນເຜົ່າຕິເບດໄດ້ຮ້ອງເພງ "ທາດກະສິກອນທີ່ໄດ້ຮັບການປົດປ່ອຍຮ້ອງເພງຂຶ້ນ", ອັນໄດ້ສະແດງໃຫ້ເຫັນເຖິງຄວາມມ່ວນຊື່ນຂອງທາດກະສິກອນທີ່ໄດ້ຮັບເສລີພາບຢ່າງເຕັມສ່ວນ. ທ້າວໂຊນາມ ວາງໂມ ນັກຮ້ອງເຜົ່າຕິເບດໄດ້ຮ້ອງເພງ "ຮ້ອງເພງໃຫ້ພັກຟັງ", ໄດ້ສະແດງການສະໜັບສະໜູນອູ້ມຊູອັນຈິງໃຈຕໍ່ພັກແລະຄວາມຮັກແພງຕໍ່ປະເທດຊາດຂອງປະຊາຊົນຕິເບດໃນປະຈຸບັນ. ເພງ "ຮັກຈີນເຮົາ" ທີ່ສະຫງ່າອົງອາດກັບວາດຟ້ອນອັນສວຍງາມຂອງນັກສະແດງຈາກ 56 ຊົນເຜົ່າໄດ້ສ້າງກະແສສູງໃຫ້ງານລາຕີ, ໄດ້ຮັບສຽງຕົບມືດັງຟົດສະໝັ່ນຢ່າງບໍ່ຂາດສາຍ.

ຂ່າວ-ບົດທີ່ກ່ຽວຂ້ອງ

ຄຳເຫັນ