ໜັງສືພິມຮິນດູຂອງອິນເດຍພິມບົດນຳຕີໂຕ້ຖ້ອຍຄວາມທີ່ໄຮ້ສາລະຂອງກຸ່ມດາໄລລາມະ
-----------------------------------------------------------------------------------------------------------------
ຕາມຂ່າວສານຊິນຮວາ:ວັນທີ28 ມີນານີ້,ໜັງສືພິມຮິນດູຂອງອິນເດຍພິມບົດນຳທີ່ມີຫົວຂໍ້ວ່າສະຫຼອງການປົດປ່ອຍສັງຄົມຕິເບດທີ່ຂຽນໂດຍທ່ານຕີຣູ ນະຣາມ ບັນນາທິຫານໃຫຍ່ຂອງໜັງສືພິມດັ່ງກ່າວ,ໂດຍປຽບທຽບການເວົ້າຍ້ອມຂອງກຸ່ມດາໄລລາມະຕໍ່ລະບອບທາດກະສິກອນກັບເລື່ອງຈິງໃນປະຫວັດສາດ,ໄດ້ຕີໂຕ້ຖ້ອຍຄວາມຂອງກຸ່ມດາໄລລາມະອັນທີ່ວ່າການປົດປ່ອຍປະຊາທິປະໄຕຕິເບດແມ່ນການໂຄສະນາທາງການເມືອງແລະຕິເບດບໍ່ມີລະບອບທາດກະສິກອນສັກດິນາ.
ບົດນຳຂຽນວ່າ, ເອກະສານແລະຂໍ້ມູນປະຫວັດສາດຢ່າງຫຼວງຫຼາຍພ້ອມດ້ວຍການພັນລະນາຂອງນັກຜະຈົນໄພ,ນັກປາດແລະນັກຂ່າວຝ່າຍຕາເວັນຕົກຈຳນວນໜຶ່ງທີ່ເຄີຍຢ້ຽມຢາມຕິເບດເກົ່າລ້ວນແຕ່ຢັ້ງຢືນວ່າຈົນຮອດປີ1959ລະບອບທາດກະສິກອນສັກດິນາຍັງຄົງຕົວຢູ່ຕິເບດ,ຄວາມໂລບມາກໂລພາ,ຄວາມໂຫດຮ້າຍທາລຸນແລະອຳນາດສາສະໜາທີ່ເດັດຂາດຂອງມັນລ້ວນແຕ່ແມ່ນບໍ່ຄ່ອຍເຫັນໃນໂລກ.
