ນັກຂ່າວຕ່າງປະເທດອີກຊຸດຫນຶ່ງໄປເອົາຂ່າວຢູ່ເຂດຕິເບດ
-----------------------------------------------------------------------------------------------------------------
ຕາມຂ່າວສານຈີນ: ວັນທີ 29 ມີນານີ້, ນັກຂ່າວຕ່າງປະເທດອີກຊຸດຫນຶ່ງໄດ້ເດີນທາງດ້ວຍຍົນໄປຮອດນະຄອນລາຊາ, ເລີ່ມ ໄປເອົາຂ່າວເປັນເວລາ 3 ວັນ. ນີ້ແມ່ນຫ້ອງການຖະແຫຼງຂ່າວຂອງລັດຖະບານແລະກະຊວງການຕ່າງປະເທດຈີນໄດ້ຈັດຕັ້ງນັກຂ່າວຕ່າງປະເທດໄປເອົາມຂ່າວຢູ່ເຂດຕິເບດເທື່ອທີ 2 ໃນໄລຍະ 1 ເດືອນມານີ້.
ຂ່າວແຈ້ງວ່າ, ຄະນະນັກຂ່າວດັ່ງກ່າວມາຈາກ 8 ສຳນັກຂ່າວຂອງປະເທດຕ່າງໆເຊັ່ນ: ອິນເດຍ ຣັດເຊຍ ອາຟຼິກາໃຕ້ ຍີ່ປຸ່ນແລະປະເທດອື່ນ.
ຕອນບ່າຍວັນທີ 29 ມີນານີ້, ນັກຂ່າວຕ່າງປະເທດໄດ້ເດີນທາງໄປຮອດນະຄອນລາຊາ, ແລ້ວໄປຢ້ຽມຢາມວັດຈົກຮັງທີ່ເປັນວັດສາສະຫນາພຸດນິກາຍຕິເບດທີ່ມີຊື່ສຽງຢູ່ນະຄອນລາຊາ. ເຂົາເຈົ້າຍັງຈະໄປຊົມປູຊະນີຍະສະ ຖານຈຳນວນຫນຶ່ງ ຢ້ຽມຄະນະກຳມະການເຂດຊຸມຊົນ ຕະຫຼາດ ວັດວາອາຮາມແລະແຫ່ງອື່ນໆ,ເພື່ອຮູ້ຈັກສະພາບຊີວິດການເປັນຢູ່ຂອງຊາວກະສິກອນຕິເບດ, ແລະໄປສຳພາດນັກທຸລະກິດເຜົ່າຕິເບດແລະຜູ່ທີ່ຫຼຸດພົ້ນອອກຈາກລະບອບຂ້າທາດກະສິກອນເປັນຕົ້ນ.
ນັບແຕ່ປີກາຍນີ້ເປັນຕົ້ນມາ, ຫ້ອງການຖະແຫຼງຂ່າວຂອງລັດຖະບານແລະກະຊວງການຕ່າງປະເທດຈີນໄດ້ຈັດຕັ້ງນັກຂ່າວຕ່າງປະເທດ 11 ຊຸດໄປເອົາຂ່າວຢູ່ເຂດຕິເບດ.
