ການຮ່ວມມືທາງວຽກງານປ້ອງກັນປະເທດລະຫວ່າງຈີນກັບອາຊຽນມີຊ່ອງທາງພັດທະນາອັນກວ້າງຂວາງ
-----------------------------------------------------------------------------------------------------------------
ຕາມຂ່າວcri:ວັນທີ30 ມີນານີ້,ພົນໂທ ລິວເຊິງຈຸ່ນ ຫົວໜ້າສະພາບັນດິດວິທະຍາສາດການທະຫານຈີນກ່າວຢູ່ປັກກິ່ງວ່າ,ການຮ່ວມມືທາງວຽກງານປ້ອງກັນປະເທດລະຫວ່າງຈີນກັບອາຊຽນມີຊ່ອງທາງພັດທະນາອັນກວ້າງຂວາງ.
ໃນເວລາກ່າວຄຳປາໄສໃນກອງປະຊຸມ"ການສົນທະນານັກວິຊາການວຽກງານປ້ອງກັນລະດັບສູງຈີນອາຊຽນປີ2009"ທີ່ຈັດຂຶ້ນໃນມື້ດຽວກັນ,ທ່ານລິວເຊິງຈຸ່ນກ່າວວ່າ,ໃນບໍ່ເທົ່າໃດປີມານີ້,ການຮ່ວມມືກັນດ້ານປ້ອງກັນປະເທດລະຫວ່າງຈີນກັບອາຊຊຽນໄດ້ຮັບການຄືບໜ້າທີ່ສຳຄັນຢ່າງເປັນລະບົບ.ຈີນໄດ້ສ້າງຕັ້ງກົນໄກເປິກສາທາງວຽກງານປ້ອງກັນປະຈຳປີກັບໄທ,ຫວຽດນາມ,ຟີລິບປິນ,ອິນໂດເນເຊຍ,ມາເລເຊຍແລະສິງກະໂປ,ໄດ້ເຊັນສັນຍາການຮ່ວມມືທາງວຽກງານປ້ອງກັນປະເທດກັບມາເລເຊຍ,ຟິລິບປິນ,ອິນໂດເນເຊຍແລະສິງກະໂປ,ໄດ້ເຊັນ"ແຜນການເຄື່ອນໄຫວຮ່ວມການຮ່ວມມືຍຸດທະສາດ"ກັບໄທເປັນຕົ້ນ.
ທ່ານລິວເຊິງຈຸ່ນກ່າວວ່າ,ການຮ່ວມມືທາງວຽກງານປ້ອງກັນປະເທດລະຫວ່າງຈີນກັບອາຊຽນໄດ້ມີພື້ນຖານອັນໜາແໜ້ນ,ຊ່ອງທາງພັດທະນາໃນຕໍ່ໜ້າຍິ່ງຈະກວ້າງຂວາງກວ່າເກົ່າ.
