ຈີນຕັ້ງໜ້າຊຸກຍູ້ການແລກປ່ຽນແລະຮ່ວມມືກັບວົງການວິທະຍຸໂທລະພາບໂລກ
-----------------------------------------------------------------------------------------------------------------
ຕາມຂ່າວCRI, ບຸນມະໂຫລານໂທລະພາບການາໄດ້ຈັດຂຶ້ນຢູ່ເມືອງການາທາງພາກໃຕ້ຂອງຝຣັ່ງເຊິ່ງເປັນເມືອງແຄມທະເລທີ່ມີຊື່ສຽງແຕ່ວັນທີ 30 ມີນາຫາວັນທີ 3 ເມສານີ້. ໃນນັ້ນກິດຈະກຳ"ວັນຈີນ"ທີ່ຈັດຂຶ້ນໃນວັນທີ 31 ມີນາແລ້ວນີ້ໄດ້ດຶງດູດສາຍຕາຂອງວົງການວິທະຍຸໂທລະພາບ.
ເວທີປຶກສາຫາລື"ສຸມສາຍຕາໃສ່ຈີນ"ແມ່ນເຫດການງສຳຄັນຂອງກິດຈະກຳ"ວັນຈີນ"ເທື່ອນີ້. ໃນພິທີໄຂ, ທ່ານຖຽນຈິ້ນ ຮອງຫົວໜ້າກົມໃຫຍ່ວິທະຍຸ, ຮູບເງົາແລະໂທລະພາບແຫ່ງຊາດຈີນໄດ້ແຈ້ງໃຫ້ຊາບກ່ຽວກັບສະພາບການຮ່ວມມືລະຫວ່າງຈີນກັບປະເທດອື່ນໆ. "ຈີນໄດ້ສ້າງການພົວພັນຮ່ວມມືກັບສະຖານີວິທະຍຸແລະໂທລະພາບ 200 ກວ່າແຫ່ງຂອງ 100 ກວ່າປະເທດແລະເຂດແຄວ້ນ. ໄດ້ຮັກສາການແລກປ່ຽນແລະຮ່ວມມືແບບປົກກະຕິໃນດ້ານລາຍການ, ເຕັກນິກແລະບຸກຄະລາກອນເປັນຕົ້ນ. ໃນຫຼາຍປີມານີ້, ລະຄອນໂທລະພາບ, ຟິມເອກະສານແລະຮູບເງົາກະຕູນທີ່ຈີນແລະຕ່າງປະເທດຮ່ວມມືຜະລິດນັ້ນມີຄວາມຍາວເກືອບ 1000 ຊົ່ວໂມງ. ລາຍການເຫຼົ່ານີ້ໄດ້ຮັບຄວາມນິຍົມຈາກຄົນທັງຫຼາຍໃນແຫ່ງຕ່າງໆຂອງໂລກ, ແລະໄດ້ເຮັດໃຫ້ໄລຍະຫ່າງລະຫວ່າງພວກເຮົາໃກ້ເຂົ້າກວ່າເກົ່າ."
ໃນຫ້ອງວາງສະແດງທີ່ກວ້າງຂວາງ,ນັກຂ່າວໄດ້ເຫັນຟິມສາລະຄະດີທີ່ແນະນຳແມ່ນ້ຳ ຢາງຊີກຽງຂອງຈີນໃນບ່ອນວາງສະແດງຂອງຕ່າງປະເທດ.ຖາມແລ້ວຈຶ່ງຮູ້ວ່າ,ອົງການໂທລະພາບສາຍຕາເວເນ ຫຼືVene Visonຂອງເວເນຊູເອລາໄດ້ຮ່ວມມືກັບບໍລິສັດໃຫຍ່ໂທລະພາບສາກົນຈີນໃນປີ2006,ຄືໄດ້ດັດແປງຟິມສາລະຄະດີຂອງຈີນທີ່ຊື່ວ່າ ຄົ້ນພົບແມ່ນ້ຳຢາງຊີກຽງຄືນໃໝ່.ຟິມສາລະຄະດີທີ່ເປັນພາສາແອັສປາຍນີ້ມີຈຳນວນຜູ້ຊົມຫຼາຍສົມ ຄວນໃນເວລາອອກອາກາດຢູ່ອາເມລິກາລາຕີນແລະອາເມລິກາ.ທ່ານໂຮເຊ ອັນໂຕນິໂອ ເອັສ ປິນາຣ໌ ຮອງຜູ້ອຳນວຍການໃຫຍ່ດ້ານວຽກງານບັນເທີງຂອງອົງການໂທລະພາບສາຍຕາເວເນບອກນັກຂ່າວວ່າ:"ຜູ້ຊົມມີການຕອບຮັບດີຫຼາຍຕໍ່ຟິມສາລະຄະດີເລື່ອງນີ້.ຍ້ອນເລື່ອງນີ້ມີຝີມືການສ້າງໃນລະດັບສູງ;ອີກອັນໜຶ່ງ ຜ່ານຈາກເລື່ອງນີ້ຜູ້ຊົມໄດ້ເຫັນຊີ ວິດການເປັນຢູ່ຂອງປະຊາຊົນຈີນທີ່ຢູ່ແຄມແມ່ນ້ຳຢາງຊີກຽງ;ສ່ວນລະດັບເຕັກນິກວິທະຍາສາດຂອງຈີນກໍ່ສູງເກີນຄາດ,ຕົວຢ່າງຄື ເຂື່ອນຊ່ານເຊຍຂອງຈີນ,ຜູ້ຊົມເບິ່ງແລ້ວຮູ້ສຶກງຶດງໍ້ຫຼາຍ.ຟິມສາລະຄະດີເລື່ອງນີ້ແມ່ນລາຍການທີ່ຮັບຄວາມສົນໃຈຫຼາຍກວ່າໝູ່ ຂອງບໍລິສັດພວກເຮົາໃນຕາຕະລາງລາຍການຕໍ່ອາເມລິກາໃຕ້.ສະນັ້ນພວກເຮົາຫວັງຢ່າງຈິງໃຈທີ່ຈະຮ່ວມມືກັບວິທະຍຸໂທລະພາບສູນກາງຈີນຕໍ່ໄປ."
ໃນດ້ານການຮ່ວມມືຜະລິດຟິມເອກະສານຂອງເວທີປາໄສທີ່ມີຫົວຂໍ້ວ່າ "ສຸມສາຍຕາໃສ່ຈີນ", ທ່ານເດວິດ ຮັສລິງເດັນ, ຜູ່ອຳນວຍການໃຫຍ່ຂອງຊ່ອງໂທລະພາບພູມສາດແຫ່ງຊາດຫຼືNational Geographic channels ຂອງອາເມລິກາ ກ່າວວ່າ, ໃນຫຼາຍປີມານີ້, ແຕ່ລະປີ,ຊ່ອງດັ່ງກ່າວໄດ້ຮ່ວມມືກັບຈີນສ້າງຟິມເອກະສານແລະສາລະຄະດີ 5 ເລື້ອງທີ່ເຮັດໃຫ້ຜູ່ຊົມເຮູ້ເຖິງວັດທະ ນະທຳປະຫວັດ ສາດທີ່ເຮືອງຮຸ່ງມາເປັນເວລາຍາວນານແລະທິວທັດທຳມະຊາດທີ່ອຸດົມສົມບູນຂອງຈີນ. ທ່ານກ່າວວ່າ,ຄຽງຄູ່ກັບບົດບາດແລະອິດທິພົນຂອງຈີນໃນຂົງເຂດເສດ ຖະກິດແລະວັດທະນະທຳຈີນໄດ້ເພີ່ມຫຼາຍຂຶ້ນ, ພວກເຮົາເຊື່ອຫມັ້ນຢ່າງແນ່ນອນວ່າ ການຮ່ວມມືລະຫວ່າງສອງປະເທດຈະນັບມື້ນັບຫຼາຍຂຶ້ນ.
