ທະຫານກຳປູເຈຍແລະໄທເກີດການປະທະກັນເປັນເວລາສັ້ນຢູ່ເຂດຊາຍແດນ
(GMT+08:00) 2009-04-03 17:23:39 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວສານຊິນຮວາ: ຕອນເຊົ້າວັນທີ3ເມສານີ້ຕາມເວລາທ້ອງຖິ່ນ ທະຫານຂອງກຳປູເຈຍແລະໄທໄດ້ຍິງປະທະກັນເປັນເວລາສັ້ນໆຢູ່ເຂດທົ່ງແຮ້ງທີ່ຢູ່ໃກ້ກັບເຂດຜາສາດພະວິຫານທີ່ສອງຝ່າຍຂັດແຍ່ງກັນ,ປະຈຸບັນຍັງບໍ່ມີຂ່າວກ່ຽວກັບຜູ້ບາດເຈັບຫຼືເສຍຊີວິດ.
ທ່ານໄພ ຊິພັນ,ໂຄສົກສຳນັກງານນາຍົກກຳປູເຈຍກ່າວວ່າ,ຕອນຂ້ອນແຈ້ງວັນທີ3ເມສານີ້,ທະຫານຂອງໄທກຸ່ມໜຶ່ງເຂົ້າໄປເຂດທົ່ງແຮ້ງ ຊຶ່ງເປັນດິນແດນຂອງກຳປູເຈຍ,ສອງຝ່າຍຍິງປະທະກັນທັນທີ. ທ່ານໄພ ຊິພັນກ່າວວ່າ,ການຍິງກັນເທື່ອນີ້ແມ່ນເກີດຂຶ້ນຍ້ອນຄວາມເຂົ້າໃຈຜິດ,ປະຈຸບັນສະພາບການໄດ້ສະຫງົບລົງແລ້ວ.
ຂ່າວແຈ້ງຕື່ມວ່າ,ວັນທີ2ເມສານີ້ມີທະຫານໄທປະມານ40ຄົນຍ່າງເຂົ້າໄປບໍລິເວນທົ່ງແຮ້ງ,ມີຄົນໜຶ່ງຢຽບໝາກໝິ່ນໄດ້ຮັບບາດເຈັບ.ໃນເວລາຖອນຄືນ,ທະຫານໄທໄດ້ຍິງປືນຂຶ້ນຟ້າ.
ຂ່າວ-ບົດທີ່ກ່ຽວຂ້ອງ
ຄຳເຫັນ
