ພາກກາງຂອງອີຕາລີເກີດແຜ່ນດິນໄຫວຮຸນແຮງ
(GMT+08:00) 2009-04-07 16:26:37 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວCRI: ເວລາ 3 ໂມງ 30 ນາທີຕາມເວລາທ້ອງຖິ່ນຂອງຕອນ ຕອນຂ້ອນແຈ້ງວັນທີ6ເມສານີ້,ຢູ່ເຂດອັບຣູໂຈ, ພາກກາງຂອງອີຕາລີໄດ້ເກີດແຜ່ນດິນໄຫວທີ່ວັດແຮງສັນສະເທືອນໄດ້ 5,8ລິກເທີ, ທ່ານຊິນວີໂອ ເບລູສໂຄນີ,ນາຍົກລັດຖະມົນຕີອີຕາລີໄດ້ປະກາດໃຫ້ ປະເທດເຂົ້າສູ່ພາວະສຸກເສີນໃນທັນທີ, ແລະປຸກລະດົມໃຫ້ທົ່ວປະເທດຊ່ອຍກູ້ໄພໃນແຜ່ນດິນໄຫວ.ມາຮອດຕອນເຊົ້າວັນທີ7ເມສານີ້,ໄດ້ມີຜູ້ເສຍຊີວິດແລ້ວ150ກວ່າຄົນ.
ເຂດອັບຣູໂຈຕັ້ງຢູ່ພາກກາງຂອງອີຕາລີ, ມີເນື້ອທີ່ທັງຫມົດ 1 ຫມື່ນ 794 ກິໂລຕາແມັດ,ເຂດອັບຣູໂຈມີເນື້ອທີ່ 2/3 ແມ່ນເຂດພູດອຍເກີດແຜ່ນດິນໄຫວເລື້ອຍໆ, ວັນທີ 29 ເດືອນແລ້ວນີ້, ຢູ່ແຫ່ງນັ້ນກໍ່ໄດ້ເກີດແຜ່ນດິນໄຫວຄ່ອຍເທື່ອຫນຶ່ງ.ແຜ່ນດິນໄຫວທີ່ເກີດຂຶ້ນໃນວັນທີ 6 ເມສານີ້,ເຮັດໃຫ້26 ຕົວເມືອງແລະເຂດຊົນນະບົດຢູ່ເຂດອັບຣູໂຈໄດ້ຖືກທຳລາຍໃນລະດັບຕ່າງກັນ.ຕາມສື່ມວນຊົນທ້ອງຖິ່ນລາຍງານວ່າ,ມາຮອດຕອນຂ້ອນແຈ້ງຂອງວັນທີ7ເມສານີ້, ຢ່າງໜ້ອຍແຜ່ນດິນໄຫວໄດ້ເຮັດໃຫ້150ຄົນເສຍຊີວິດແລະ1500ກວ່າຄົນບາດເຈັບ.
ຕາມພະແນກພົນລະເຮືອນອີຕາລີຄາດຄະເນວ່າ,ຄຽງຄູ່ກັບວຽກງານກູ້ໄພດຳເນີນໄປ,ຈຳນວນຄົນຕາຍອາດຈະເພີ່ມຂຶ້ນຢ່າງບໍ່ຢຸດຢັ້ງ.ພະແນກພົນລະເຮືອນຍັງເປີດເຜີຍວ່າ,ປັດຈຸບັນຄອບຄົວປະສົບໄພຫຼາຍກວ່າ4 ໝື່ນຄອບຄົວ.ລະບົບສະໜອງນ້ຳໃຕ້ດິນຂອງນະຄອນອາຄຸຍລາເຊິ່ງເປັນຈຸດໃຈກາງເກີດແຜ່ນດິນໄຫວເທື່ອນີ້ຖືກທຳລາຍຢ່າງໜັກໜ່ວງ.ນອກນີ້ພາກສ່ວນຄົມມະນາຄົມແຈ້ງໃຫ້ຊາບວ່າ,ຕາໜ່າງທາງຫຼວງຢູ່ເຂດປະສົບໄພຖືກທຳລາຍຢ່າງໜັກໜ່ວງ, ແຕ່ທາງລົດໄຟຍັງໃຊ້ໄດ້ຢູ່.
ພາຍຫຼັງເກີດໄພແຜ່ນດິນໄຫວແລ້ວ, ທ່ານນາໂປລີຕານ ປະທານາທິບໍດີອີຕາລີໄດ້ກ່າວຄຳປາໄສ, ສະແດງຄວາມເຫັນໃຈຕໍ່ປະຊາຊົນຂອງເຂດປະສົບໄພ.ທ່ານເປີລູສໂຄນີ ນາຍົກລັດຖະ ມົນຕີອີຕາລີໄດ້ຍົກເລີກການຢ້ຽມຢາມຣັດເຊຍທີ່ກຳນົດໄວ້ກ່ອນ,ແລະລົງນາມໃນຄ່ຳສັ່ງ ປະກາດໃຫ້ທົ່ວປະເທດເຂົ້າສູ່ພາວະສຸກເສີນ,ແລະໄປສຳຫຼວດສະພາບການປະສົບໄພຢູ່ນະຄອນອາຄຸຍລາ.ປະທານສະພາຕ່ຳແລະປະທານສະພາສູງອີຕາລີກໍປະກາດຍົກເລີກກິດຈະກຳທັງໝົດໃນອາທິດນີ້,ແລະໄປສຳຫຼວດຢູ່ເຂດປະສົບໄພເຊັ່ນດຽວກັນ.ຕອນຄ່ຳວັນທີ6ເມສານີ້ຕາມເວລາທ້ອງຖິ່ນ,ລັດຖະບານອີຕາລີຈັດກອງປະຊຸມດ່ວນ,ເພື່ອປຶກສາຫາລືສະພາບການຕົວຈິງຂອງການກູ້ໄພ.
ປະຈຸບັນນີ້,ພະແນກພົນລະເຮືອນ,ກອງທະຫານ,ສາລະວັດທະຫານ,ຕຳຫຼວດປ່າໄມ້ແລະ ກອງດັບເພີງຂອງອີຕາລີໄດ້ເຂົ້າຮ່ວມວຽກງານກູ້ໄພຢ່າງວ່ອງໄວ.ຕອນບ່າຍວັນທີ6 ເມສານີ້,ໃນກອງປະຊຸມຂ່າວທີ່ຈັດຂຶ້ນຢູ່ເຂດປະສົບໄພ,ທ່ານເບລູສໂຄນີກ່າວວ່າ,ອີຕາລີໄດ້ສົ່ງເຈົ້າ ໜ້າທີ່ກູ້ໄພ5000ຄົນແລະໄດ້ຕັ້ງຕູບຜ້າເຕັ້ນ2500ຜືນເພື່ອໃຫ້ປະຊາຊົນຢູ່ເຂດປະສົບໄພນອນ.ປະຊາຊົນຢູ່ເຂດປະສົບໄພກໍ່ພະຍາຍາມຊ່ວຍເຫຼືອຕົນເອງ,ພວກເຂົາເຈົ້າໃຊ້ເຄື່ອງມືແບບງ່າຍດາຍຊອກຫາແລະກອບກູ້ຜູ້ປະສົບໄພແລະຊ່ວຍເຫຼືອຜູ້ບາດເຈັບ. ເມື່ອໄດ້ເກີດແຜ່ນດິນໄຫວແລ້ວ,ລັດຖະບານອີຕາລີກໍ່ໄດ້ອອກຄຳສັ່ງວ່າ,ໃຫ້ໂຮງຮຽນທັງໝົດຢູ່ເຂດອັບລູໂຊຢຸດຮຽນ,ທາງດ່ວນແຕ່ນະຄອນຫຼວງໂຣມມາຫາເມືອງອາກີລາອັດບໍ່ໃຫ້ແລ່ນລົດ24ຊົ່ວໂມງ.ພາກສ່ວນປ້ອງກັນພົນລະເຮືອນຂອງອີຕາລີຍັງໄດ້ອົບພະຍົບປະຊາຊົນສ່ວນໜຶ່ງຫຼື ທັງໝົດຂອງເມືອງອາກີລາ ເຊິ່ງເປັນຈຸດໃຈກາງແຜ່ນດິນໄຫວໄປບ່ອນປອດໄພ.ນອກນີ້,ອາສາສະໝັກໃນແຫ່ງຕ່າງໆຂອງອີຕາລີກໍ່ເລີ່ມໄປເຂດປະສົບໄພເພື່ອສະໜອງການຊ່ວຍເຫຼືອ.ນອກນີ້,ປະເທດຕ່າງໆ ຄື ອາເມລິກາ,ຣັດເຊຍ,ຝະຣັ່ງ,ປັອກຕຸຍການ,ບຸນກາລີ,ອົສຕຼາ ລີ,ເຢຍລະມັນແລະເກຼັກກໍ່ໄດ້ສະແດງຄວາມເຫັນໃຈໄປຍັງຜູ້ປະສົບໄພໃນແຜ່ນດິນໄຫວ, ບາງປະເທດໄດ້ຕົກລົງໃຫ້ການຊ່ວຍເຫຼືອດ່ວນແກ່ເຂດປະສົບໄພອີຕາລີ.
ເຂດອັບຣູໂຈຕັ້ງຢູ່ພາກກາງຂອງອີຕາລີ, ມີເນື້ອທີ່ທັງຫມົດ 1 ຫມື່ນ 794 ກິໂລຕາແມັດ,ເຂດອັບຣູໂຈມີເນື້ອທີ່ 2/3 ແມ່ນເຂດພູດອຍເກີດແຜ່ນດິນໄຫວເລື້ອຍໆ, ວັນທີ 29 ເດືອນແລ້ວນີ້, ຢູ່ແຫ່ງນັ້ນກໍ່ໄດ້ເກີດແຜ່ນດິນໄຫວຄ່ອຍເທື່ອຫນຶ່ງ.ແຜ່ນດິນໄຫວທີ່ເກີດຂຶ້ນໃນວັນທີ 6 ເມສານີ້,ເຮັດໃຫ້26 ຕົວເມືອງແລະເຂດຊົນນະບົດຢູ່ເຂດອັບຣູໂຈໄດ້ຖືກທຳລາຍໃນລະດັບຕ່າງກັນ.ຕາມສື່ມວນຊົນທ້ອງຖິ່ນລາຍງານວ່າ,ມາຮອດຕອນຂ້ອນແຈ້ງຂອງວັນທີ7ເມສານີ້, ຢ່າງໜ້ອຍແຜ່ນດິນໄຫວໄດ້ເຮັດໃຫ້150ຄົນເສຍຊີວິດແລະ1500ກວ່າຄົນບາດເຈັບ.
ຕາມພະແນກພົນລະເຮືອນອີຕາລີຄາດຄະເນວ່າ,ຄຽງຄູ່ກັບວຽກງານກູ້ໄພດຳເນີນໄປ,ຈຳນວນຄົນຕາຍອາດຈະເພີ່ມຂຶ້ນຢ່າງບໍ່ຢຸດຢັ້ງ.ພະແນກພົນລະເຮືອນຍັງເປີດເຜີຍວ່າ,ປັດຈຸບັນຄອບຄົວປະສົບໄພຫຼາຍກວ່າ4 ໝື່ນຄອບຄົວ.ລະບົບສະໜອງນ້ຳໃຕ້ດິນຂອງນະຄອນອາຄຸຍລາເຊິ່ງເປັນຈຸດໃຈກາງເກີດແຜ່ນດິນໄຫວເທື່ອນີ້ຖືກທຳລາຍຢ່າງໜັກໜ່ວງ.ນອກນີ້ພາກສ່ວນຄົມມະນາຄົມແຈ້ງໃຫ້ຊາບວ່າ,ຕາໜ່າງທາງຫຼວງຢູ່ເຂດປະສົບໄພຖືກທຳລາຍຢ່າງໜັກໜ່ວງ, ແຕ່ທາງລົດໄຟຍັງໃຊ້ໄດ້ຢູ່.
ພາຍຫຼັງເກີດໄພແຜ່ນດິນໄຫວແລ້ວ, ທ່ານນາໂປລີຕານ ປະທານາທິບໍດີອີຕາລີໄດ້ກ່າວຄຳປາໄສ, ສະແດງຄວາມເຫັນໃຈຕໍ່ປະຊາຊົນຂອງເຂດປະສົບໄພ.ທ່ານເປີລູສໂຄນີ ນາຍົກລັດຖະ ມົນຕີອີຕາລີໄດ້ຍົກເລີກການຢ້ຽມຢາມຣັດເຊຍທີ່ກຳນົດໄວ້ກ່ອນ,ແລະລົງນາມໃນຄ່ຳສັ່ງ ປະກາດໃຫ້ທົ່ວປະເທດເຂົ້າສູ່ພາວະສຸກເສີນ,ແລະໄປສຳຫຼວດສະພາບການປະສົບໄພຢູ່ນະຄອນອາຄຸຍລາ.ປະທານສະພາຕ່ຳແລະປະທານສະພາສູງອີຕາລີກໍປະກາດຍົກເລີກກິດຈະກຳທັງໝົດໃນອາທິດນີ້,ແລະໄປສຳຫຼວດຢູ່ເຂດປະສົບໄພເຊັ່ນດຽວກັນ.ຕອນຄ່ຳວັນທີ6ເມສານີ້ຕາມເວລາທ້ອງຖິ່ນ,ລັດຖະບານອີຕາລີຈັດກອງປະຊຸມດ່ວນ,ເພື່ອປຶກສາຫາລືສະພາບການຕົວຈິງຂອງການກູ້ໄພ.
ປະຈຸບັນນີ້,ພະແນກພົນລະເຮືອນ,ກອງທະຫານ,ສາລະວັດທະຫານ,ຕຳຫຼວດປ່າໄມ້ແລະ ກອງດັບເພີງຂອງອີຕາລີໄດ້ເຂົ້າຮ່ວມວຽກງານກູ້ໄພຢ່າງວ່ອງໄວ.ຕອນບ່າຍວັນທີ6 ເມສານີ້,ໃນກອງປະຊຸມຂ່າວທີ່ຈັດຂຶ້ນຢູ່ເຂດປະສົບໄພ,ທ່ານເບລູສໂຄນີກ່າວວ່າ,ອີຕາລີໄດ້ສົ່ງເຈົ້າ ໜ້າທີ່ກູ້ໄພ5000ຄົນແລະໄດ້ຕັ້ງຕູບຜ້າເຕັ້ນ2500ຜືນເພື່ອໃຫ້ປະຊາຊົນຢູ່ເຂດປະສົບໄພນອນ.ປະຊາຊົນຢູ່ເຂດປະສົບໄພກໍ່ພະຍາຍາມຊ່ວຍເຫຼືອຕົນເອງ,ພວກເຂົາເຈົ້າໃຊ້ເຄື່ອງມືແບບງ່າຍດາຍຊອກຫາແລະກອບກູ້ຜູ້ປະສົບໄພແລະຊ່ວຍເຫຼືອຜູ້ບາດເຈັບ. ເມື່ອໄດ້ເກີດແຜ່ນດິນໄຫວແລ້ວ,ລັດຖະບານອີຕາລີກໍ່ໄດ້ອອກຄຳສັ່ງວ່າ,ໃຫ້ໂຮງຮຽນທັງໝົດຢູ່ເຂດອັບລູໂຊຢຸດຮຽນ,ທາງດ່ວນແຕ່ນະຄອນຫຼວງໂຣມມາຫາເມືອງອາກີລາອັດບໍ່ໃຫ້ແລ່ນລົດ24ຊົ່ວໂມງ.ພາກສ່ວນປ້ອງກັນພົນລະເຮືອນຂອງອີຕາລີຍັງໄດ້ອົບພະຍົບປະຊາຊົນສ່ວນໜຶ່ງຫຼື ທັງໝົດຂອງເມືອງອາກີລາ ເຊິ່ງເປັນຈຸດໃຈກາງແຜ່ນດິນໄຫວໄປບ່ອນປອດໄພ.ນອກນີ້,ອາສາສະໝັກໃນແຫ່ງຕ່າງໆຂອງອີຕາລີກໍ່ເລີ່ມໄປເຂດປະສົບໄພເພື່ອສະໜອງການຊ່ວຍເຫຼືອ.ນອກນີ້,ປະເທດຕ່າງໆ ຄື ອາເມລິກາ,ຣັດເຊຍ,ຝະຣັ່ງ,ປັອກຕຸຍການ,ບຸນກາລີ,ອົສຕຼາ ລີ,ເຢຍລະມັນແລະເກຼັກກໍ່ໄດ້ສະແດງຄວາມເຫັນໃຈໄປຍັງຜູ້ປະສົບໄພໃນແຜ່ນດິນໄຫວ, ບາງປະເທດໄດ້ຕົກລົງໃຫ້ການຊ່ວຍເຫຼືອດ່ວນແກ່ເຂດປະສົບໄພອີຕາລີ.
ຂ່າວ-ບົດທີ່ກ່ຽວຂ້ອງ
ຄຳເຫັນ
