ທ່ານໂອບາມາກ່າວວ່າ ການພົວພັນລະຫວ່າງອາເມລິກາ ກັບ ກູບາ ແລະ ເວເນຊູເອລາມີ"ສັນຍານທີ່ດີ"
-----------------------------------------------------------------------------------------------------------------
ຕາມຂ່າວCRI: ວັນທີ19 ເມສານີ້, ຢູ່ພັອດອັອຟສະເປນ ນະຄອນຫຼວງຂອງຕຼີນີແດັດ ແລະ ໂຕບາໂກ ,ທ່ານບາຣັກ ໂອບາມາ ປະທານາທິບໍດີອາເມລິກາກ່າວວ່າ, ຫວ່າງມໍ່ໆນີ້,ການພົວພັນລະຫວ່າງອາເມລິກາ ກັບ ກູບາ ແລະ ເວເນຊູເອລາເກີດມີ"ສັນຍານໃໝ່ທີ່ດີ", ທ່ານຮຽກຮ້ອງໃຫ້ຜ່ານຈາກ"ການເຈລະຈາອັນຈິງໃຈ" ແລະ "ການກະທຳຕົວຈິງ"ປັບປຸງການພົວພັນລະຫວ່າງອາເມລິກາ ກັບ ກູບາ ແລະ ການພົວພັນລະຫວ່າງອາເມລິກາ ກັບ ເວເນຊູເອລາໃຫ້ດີຂຶ້ນ
ໃນກອງປະຊຸມຂ່າວ, ທ່ານໂອບາມາກ່າວວ່າ, ທ່ານເຊື່ອວ່າສັນຍານທີ່ດີເຫຼົ່ານີ້ຢ່າງໜ້ອຍໄດ້ສ້າງໂອກາດໃຫ້ອາເມລິກາສົນທະນາກັບສອງປະເທດດັ່ງກ່າວໃນຂົງເຂດອັນກວ້າງຂວາງ. ທ່ານຍອມຮັບວ່າ ນະໂຍບາຍປິດລ້ອມກູບາ ທີ່ອາເມລິກາປະຕິບັດຢ່າງດົນນານນັ້ນໄດ້ປະລາໄຊແລ້ວ, ມີແຕ່ປະຕິບັດການຕິດຕໍ່ກັນຈິ່ງສາມາດບັນລຸເປົ້າໝາຍຕາມນະໂຍບາຍຂອງອາເມລິກາ.
