ບົດລາຍງານຂອງIMF ຄາດວ່າເສດຖະກິດໂລກຈະຟື້ນຟູໃນປີໜ້າ
-----------------------------------------------------------------------------------------------------------------
ຕາມຂ່າວCRI,ວັນທີ22ເມສານີ້,ອົງການກອງທຶນເງິນຕາສາກົນຫຼືIMFເຜີຍແຜ່ບົດລາຍງານຫຼ້າສຸດທີ່ມີຊື່ວ່າ"ເບິ່ງເສດຖະກິດໂລກໃນອະນາຄົດ"ໂດຍຄາດຄະເນວ່າ,ເສດຖະກິດໂລກໄດ້ຕົກຢູ່ໃນສະພາບຊຸດໂຊມໜັກໜ່ວງທີ່ສຸດນັບແຕ່ສົງຄາມໂລກຄັ້ງທີສອງເປັນຕົ້ນມາ,ເສດຖະກິດໂລກປີນີ້ຈະຫຼຸດລົງ1,3%. ຖ້າວ່າປະເທດຕ່າງໆໃຊ້ມາດຕະການກະຕຸ້ນເສດຖະກິດຢ່າງແຂງແຮງ,ເສດຖະກິດໂລກຈະຟື້ນຟູເປັນກ້າວໆໃນປີ2010,ຄາດວ່າຈະເຕີບໂຕ1,9%.
IMFເຜີຍແຜ່ບົດລາຍງານ"ເບິ່ງເສດຖະກິດໂລກໃນອະນາຄົດ"ເປັນປະຈຳທຸກໆເຄິ່ງປີ,ເພື່ອປະເມີນສະຖານະການເສດຖະກິດໂລກແລະຄາດຄະເນການເຕີບໂຕຂອງເສດຖະກິດ.ບົດລາຍງານຫຼ້າສຸດດັ່ງກ່າວສະແດງໃຫ້ເຫັນວ່າ,ວິກິດການການເງິນສາກົນແລະເສດຖະກິດຊຸດໂຊມລົງເຮັດໃຫ້ເສດຖະກິດແຫ່ງຕ່າງໆໃນໂລກໄດ້ຮັບຜົນກະທົບຢ່າງໜັກໜ່ວງ,ຈັງຫວະເຕີບໂຕຂອງເສດຖະກິດຂອງເກືອບໝົດທຸກປະເທດລ້ວນແຕ່ຕ່ຳກວ່າລະດັບໃນລະຫວ່າງປີ2003ຮອດປີ2007,ຕາມຄາດຄະເນວ່າ,ຜົນຜະລິດສະເລ່ຍຕໍ່ຫົວຄົນຂອງປະເທດທີ່ຍອດມູນຄ່າເສດຖະກິດກວມ3/4ຂອງທົ່ວໂລກນັ້ນລ້ວນແຕ່ຈະຫຼຸດລົງ,ໂດຍສະເພາະແມ່ນອົງກອນເສດຖະກິດທີ່ພັດທະນາແລ້ວແມ່ນໄດ້ຮັບຜົນກະທົບໜັກກວ່າໝູ່.
ບົດລາຍງານຊີ້ອອກວ່າ, ໃນໄຕມາດທີ 4 ຂອງປີກາຍນີ້,GDPຂອງອົງກອນເສດຖະກິດທີ່ພັດທະນາແລ້ວໄດ້ຫຼຸດລົງ7,5%ຢ່າງບໍ່ເຄີຍມີມາກ່ອນ,ແລະ,ຄາດວ່າ ໃນໄຕມາດທີ 1 ຂອງປີນີ້ຍັງຈະຫຼຸດລົງດ້ວຍຈັງຫວະດຽວກັນ. ຄາດວ່າ ການເຕີບໂຕຂອງອົງກອນເສດຖະກິດທີ່ພັດທະນາແລ້ວໃນປີນີ້ຈະຫຼຸດລົງ3,8%,ສ່ວນປີ2010ຈະພຽງເຕີບໂຕເປັນສູນ. ເສດຖະກິດຂອງອາເມລິກາ ເຊິ່ງເປັນແຫ່ຼງເກີດວິກິດການການເງິນສາກົນເທື່ອນີ້ຖືກໂຈມຕີກ່ອນໝູ່, ປີນີ້ຈະຫຼຸດລົງ2,8%,ຄາດວ່າກາງປີໜ້າຈິ່ງຈະເລິ່ມຟື້ນຟູ, ແຕ່ຈັງຫວະເຕີບໂຕຂອງເສດຖະກິດໃນໝົດປີ2010ຈະເປັນສູນ. ເສດຖະກິດເຂດເງິນເອີໂຣ ໃນປີນີ້ ແລະ ປີໜ້າຈະຕ່າງຫຼຸດລົງ4,2% ແລະ 0,4%. ເສດຖະກິດຂອງອົງກອນເສດຖະກິດທີ່ພັດທນະແລ້ວ ເຊັ່ນ,ອັງກິດ,ການາດາ ແລະ ຍີ່ປຸ່ນເປັນຕົ້ນ ປີນີ້ ລ້ວນແຕ່ຈະເຕີບໂຕທາງລົບ.
ບົດລາຍງານຂຽນວ່າ, ຍ້ອນໄດ້ຮັບຜົນສະທ້ອນຈາກປັດໄຈຕ່າງໆ ເຊັ່ນ,ການຄ້າ ແລະ ເງິນທຶນຫຼຸດໜ້ອຍລົງ, ການພັດທະນາຂອງອົງກອນເສດຖະກິດຈະເລີນໃໝ່ກໍ່ໄດ້ຫຼຸດລົງຢ່າງຫຼວງຫຼາຍ. ພາຍໃຕ້ການຊັກນຳຂອງຈີນ ແລະ ອິນເດຍ,ເສດຖະກິດຂອງປະເທດທີ່ພວມພັດທະນາຂອງອາຊີຈະຮັກສາທ່ວງທ່າເຕີບໂຕ,ຈັງຫວະເຕີບໂຕຂອງເສດຖະກິດໃນປີນີ້ ແລະ ປີໜ້າຈະຕ່າງແມ່ນ4,8% ແລະ 6,1%.ໃນປີນີ້ ແລະ ປີໜ້າ, ຈັງຫວະເຕີບໂຕຂອງເສດຖະກິດຈີນຈະຊ້າລົງ, ແຕ່ລັດຖະບານຈີນໄດ້ໃຊ້ມາດຕະການກະຕຸ້ນການເງິນຢ່າງຫຼວງຫຼາຍ ແລະ ຜ່ອນຄາຍນະໂຍບາຍເງິນຕາ, ອັນເມື່ອໄດ້ເພິ່ມການບໍລິໂພກ ແລະ ການການລົງທຶນກໍ່ສ້າງພື້ນຖານໂຄງລ່າງ, ເສດຖະກິດຈີນຍັງຈະມີການປະພຶດອັນແຂງແຮງ.
ນອກນີ້, ເສດຖະກິດອາຟຼິກາແລະພາກພື້ນຕາເວັນອອກກາງຈະຮັກສາທ່ວບງທ່າເຕີບໂຕແຕ່ຈັງຫວະເຕີບໂຕຈະຊ້າລົງ, ເສດຖະກິດທະວີບອາເມລິກາລາຕິນຈະຊຸດໂຊມລົງໃນປີນີ້ແລ້ວເລີ່ມຟື້ນຄືນເທື່ອລະກ້າວໃນປີໜ້າ.
ບົດລາຍງານສະບັບນີ້ໄດ້ສະຫຼຸບຕົວເລກຂອງຝ່າຍຕ່າງໆແລ້ວຊີ້ອອກວ່າ, ຄິດສະເລ່ຍແລ້ວ, ເສດຖະກິດຂອງໂລກໃນປີນີ້ຈະຫຼຸດລົງ1,3%, ເປັນການຊຸດໂຊມລົງທີ່ໜັກໜ່ວງກວ່າໝູ່ນັບແຕ່ສົງຄາມໂລກຄັ້ງທີສອງມານີ້. ເຖິງວ່າເສດຖະກິດທົ່ວໂລກປະກົດມີວີແວວຕັ້ງໜ້າຈຳນວນໜຶ່ງຫຼັງຈາກກອງປະຊຸມສຸດຍອດລອນດອນຂອງກຸ່ມ20ປະເທດແລ້ວກໍ່ຕາມ, ແຕ່ຍັງມີອະນາຄົດທີ່ບໍ່ຈະແຈ້ງປານໃດ.
ບົດລາຍງານເຫັນວ່າ, ຖ້າປະເທດຕ່າງໆໄດ້ໃຊ້ມາດຕະການທີ່ເໝາະສົມ, ເສດຖະກິດໂລກຈະຟື້ນຕົວຄືນເທື່ອລະກ້າວໃນປີໜ້າ, ແຕ່ຈັງຫວະເຕີບໂຕພຽງແຕ່ເປັນ1,9%ເທົ່ານັ້ນ. ເຖິງວ່າວິກິດການການເງິນສິ້ນສຸດລົງ, ກໍຍັງຈະມີໄລຍະຂ້າມຜ່ານທີ່ຫຍຸ້ງຍາກ, ຈັງຫວະເຕີບໂຕຂອງເສດຖະກິດໂລກຈະຕ່ຳກວ່າຫຼາຍປີກ່ອນຢ່າງເດັ່ນຊັດ.
