ປະຊາຄົມໂລກໃຫ້ຄວາມສົນໃຈແກ່ກິດຈະກຳກວດແຖວກອງທັບເຮືອຂອງຈີນ
-----------------------------------------------------------------------------------------------------------------
ຕາມຂ່າວcri:ຕອນບ່າຍວັນທີ23ເມສານີ້,ຢູ່ທີ່ເຂດທະເລເມືອງຊິ່ງຕາວ,ເຊິ່ງເປັນທ່າເຮືອພາກຕາເວັນອອກຂອງຈີນ,ໄດ້ຈັດກິດຈະກຳກວດແຖວກອງທັບເຮືອຫຼາຍປະເທດເພຶ່ອສະເຫຼີມສະຫຼອງການສ້າງຕັ້ງກອງທັບເຮືອຂອງກອງທັບປົດປ່ອຍປະຊາຊົນຈີນຄົບຮອບ60ປີ.ທ່ານຮູຈິນທາວປະທານປະເທດ,ປະທານຄະນະກຳມະການການທະຫານສູນກາງຈີນໄດ້ຂີ່ກ່ຳປັ່ນຂັບໄລ່"ຊີເຈ່ຍຈ່ວງ"ກວດກ່ຳປັ່ນຮົບແລະທະຫານອາກາດກອງທັບເຮຶອຈີນພ້ອມກັບ21ກ່ຳປັ່ນຮົບຕ່າງປະເທດທີ່ມາເຂົ້າຮ່ວມກິດຈະກຳຕາມຄຳເຊີນນັ້ນ.ນີ້ແມ່ນກອງທັບເຮືອຈີນຈັດກິດຈະກຳລັກສະນະນີ້ເປັນຄັ້ງທຳອິດ,ແລະກໍ່ແມ່ນກິດຈະກຳແຖວກວດກອງທັບເຮຶອທີ່ມີຂະໜາດໃຫຍ່ທີ່ສຸດທີ່ຈີນເຄີຍຈັດມາໃນປະຫວັດສາດ.ປະຊາໂຄມໂລກກໍ່ໄດ້ໃຫ້ຄວາມສົນໃຈຫຼາຍທີ່ສຸດແກ່ກິດຈະກຳເທື່ອນີ້.
ຂ່າວສານຣັດເຊຍ, ແລະ "ໜັງສືພິມຣັດເຊຍ" ເຊິ່ງເປັນສື່ມວນຊົນອັນສຳຄັນຂອງຣັດເຊຍລ້ວນແຕ່ໄດ້ລາຍງານກິດຈະກຳຈັດແຖວຂະບວນເທິງທະເລຂອງຈີນ. ວັນທີ 23 ເມສານີ້, ຂ່າວສານຣັດເຊຍໄດ້ລົງຂ່າວທີ່ພາດຫົວເລື່ອງວ່າ"ການຈັດແຖວຂະບວນເທິງທະເລເພື່ອສະເຫຼີມvສະຫຼອງການສ້າງຕັ້ງກອງທັບເຮືອປະຊາຊົນຈີນຄົບຮອບ60ປີ", ຂ່າວຂຽນວ່າ, ນີ້ແມ່ນຈີນຮ່ວມກັນກັບທະຫານເຮືອຈາກຕ່າງປະເທດຈັດແຖວຂະບວນເທິງທະເລເປັນເທື່ອທຳອິດ.
ກິດຈະກຳຈັດແຖວຂະບວນເທິງທະເລຂອງຈີນກໍ່ໄດ້ຮັບຄວາມສົນໃຈໃສ່ຈາກຫາງສຽງໃນຝຣັ່ງ. ຂ່າວສານຝຣັ່ງໄດ້ພິມລາຍງານພິເສດທີ່ພາດຫົວເລື່ອງວ່າ"ຈີນຈັດແຖວຂະບວນເທິງທະເລທີ່ບໍ່ເຄີຍມີມາກ່ອນ ເພື່ອສະເຫຼີມສະຫຼອງວັນສ້າງຕັ້ງກອງທັບເຮືອຄົບຮອບ 60 ປີ". ລາຍງານພິເສດສັງເກດເຫັນວ່າ, ມື້ດຽວກັນ, ເຮືອດຳນ້ຳນີວເຄຼຍ"ຊາງເຈິ່ງ6" ແລະ "ຊາງເຈີ່ງ3"ໄດ້ເຜີຍໂສມໃນການຈັດຂະບວນເປັນເທື່ອທຳອິດ. ລາຍງານພິເສດໄດ້ນຳເອົາຄຳຄິດຄຳເຫັນຂອງຊ່ຽວຊານໂດຍຂຽນວ່າ, ພິທີຈັດແຖວຂະບວນຂອງກອງທັບເຮືອຈີນເທື່ອນີ້ແມ່ນໂອກາດໜຶ່ງທີ່ສະແດງແສນຍານຸພາບຂອງກອງທັບເຮືອຈີນ. ລາຍງານພິເສດຍົກເອົາຄຳປາໄສຂອງທ່ານຫູຈິນທາວ ປະທານປະເທດຈີນ ໃນເວລາພົບປະບັນດາຫົວໜ້າຄະນະຜູ້ແທນທະຫານເຮືອຈາກ29ປະເທດທີ່ເຂົ້າຮ່ວມກິດຈະກຳສະເຫຼີມສະຫຼອງວັນສ້າງຕັ້ງກອງທັບເຮືອຈີນຄົບຮອບ60ປີ ທີ່ວ່າ"ບໍ່ວ່າໃນປັດຈຸບັນນີ້ ຫຼືວ່າໃນອະນາຄົດ,ບໍ່ວ່າຈະພັດທະນາກ້າວໜ້າຂະໜາດໃດ,ຈີນກໍ່ຈະບໍ່ເປັນເຈົ້າໂລກຕະຫຼອດໄປ!"
ບົດຄວາມທຳອິດໃນໜ້າທຳອິດຂອງໜັງສືພິມສຳຄັນຕ່າງໆຂອງຍີ່ປຸ່ນສະບັບວັນທີ24ເມສານີ້ລ້ວນແຕ່ໄດ້ລາຍງານຂ່າວກ່ຽວກັບການກວດແຖວເທິງທະເລຂອງຈີນ. ໃນນັ້ນ, ການລາຍງານຂ່າວຂອງໜັງສືພິມຊານອິເກ ຊິນບຸນ ຂອງຍີ່ປຸ່ນຂຽນວ່າ, ໃນເວລາທ່ານຫູຈີນທາວ ປະທານຄະນະກຳມະການການທະຫານສູນກາງຈີນພົບປະກັບບັນດາຫົວໜ້າຄະນະຜູ້ແທນກອງທັບເຮືອທີ່ມາເຂົ້າຮ່ວມກິດຈະກຳສະຫຼອງນັ້ນ, ທ່ານກ່າວວ່າ, ຈີນຍຶດໝັ້ນນະໂຍບາຍປ້ອງກັນຊາດທີ່ມີລັກສະນະປ້ອງກັນຕົວ, ຈີນຈະບໍ່ເປັນເຈົ້າໂລກຈົນເທົ່າໃດໆ, ບໍ່ດຳເນີນການແຜ່ຂະຫຍາຍທາງການທະຫານແລະຊ່ວງເສັງອາວຸດ, ຈະບໍ່ເປັນໄພຂົ່ມຂູ່ທາງການທະຫານຕໍ່ປະເທດໃດໆ.
ໂທລະພາບສກາຍຂອງອັງກິດລາຍງານວ່າ, ກ່ຳປັ່ນດຳນ້ຳພະລັງນິວເຄຼຍໂຈມຕີສີດຳສອງລຳຂອງຈີນໄດ້ລອຍພົ້ນຂຶ້ນຈາກໜ້ານ້ຳໃນທ່າມກາງເມກໝອກບາງໆ, ນີ້ແມ່ນຈີນໄດ້ສະແດງແສນຍານຸພາບທາງທະເລທີ່ທັນສະໄໝທີ່ບໍ່ເຄີຍມີມາກ່ອນໃນການກວດແຖວເທື່ອນີ້.
