ພະຍາດໄຂ້ຫວັດໝູແຜ່ລະບາດ ປະເທດຕ່າງໆເພີ່ມທະວີການປ້ອງກັນ
-----------------------------------------------------------------------------------------------------------------
ຕ່າມຂ່າວCRI: ຫວ່າງມໍ່ໆນີ້ ຢູ່ອາເມລິກາແລະແມັກຊິໂກໄດ້ປະກົດເຫັນພະຍາດໄຂ້ຫວັດໝູເກີດຂຶ້ນ. ຮອດປັດຈຸບັນ ຄົນຕາຍທີ່ຖືກສົງໄສເປັນພະຍາດໄຂ້ຫວັດໝູໃນທົ່ວປະເທດແມັກຊິໂກໄດ້ເພີ່ມຂຶ້ນຮອດ86ຄົນ, ຍອດຈຳນວນຄົນທີ່ຖືກສົງໄສເປັນພະຍາດໄຂ້ຫວັດໝູໄດ້ບັນລຸເຖິງ1400ຄົນ. ອາເມລິກາກໍມີ20ຄົນເປັນພະຍາດນີ້ແລ້ວ. ນອກຈາກນີ້ ວັນທີ26 ມີປະເທດຈຳນວນໜຶ່ງໄດ້ພົບເຫັນມີຄົນຖືກສົງໄສເປັນພະຍາດໄຂ້ຫວັດໝູ. ດັ່ງນນັ້ນປະເທດຕ່າງໆພາກັນໃຊ້ມາດຕະການສຸກເສີນ ເພື່ອປ້ອງກັນບໍ່ໃຫ້ໄຂ້ຫວັດໝູເກີດຂຶ້ນແລະແຜ່ລະບາດຢູ່ປະເທດຕົນຢ່າງເຂັ້ມງວດ.
ໃນກອງປະຊຸມຂ່າວທີ່ຈັດຂຶ້ນໃນຕອນເຊົ້າວັນທີ26ເມສານີ້ ທ່ານແອຟລາດ, ເຈົ້າຄອງນະຄອນຫຼວງແມັກຊິໂກຊິຕີ ກ່າວວ່າ, ໃນຕະຫຼອດ24ຊົ່ວໂມງມໍ່ໆມານີ້, ມີ5ຄົນຕາຍຖືກສົງໄສເປັນພະຍາດໄຂ້ຫວັດໝູໃນນະຄອນຫຼວງແມັກຊິໂກເຊິ່ງໃນນັ້ນມີ2ຄົນໄດ້ຢືນຢັນວ່າແມ່ນຕາຍຍ້ອນພະຍາດໄຂ້ຫວັດໝູແລ້ວ. ທ່ານກ່າວວ່າ, ອົງການປົກຄອງນະຄອນຫຼວງຈະເພີ່ມແຈກຢາຍຜ້າອະນາໄມອັດປາກ 1 ລ້ານອັນແກ່ພົນລະເມືອງໂດຍຝຼີ ໃນເຂດໃຈກາງເມືອງ ແລະ ສະຖານທີ່ສາທາລະນະໃນວັນທີ່26ແລະ27.
ວັນທີ26ເມສາ ທ່ານຣີຈາດ ແປໄຊເອິ, ວ່າການແທນຫົວໜ້າສູນຄວບຄຸມແລະປ້ອງກັນພະຍາດຂອງອາເມລິກາ ກ່າວວ່າ, ຄຽງຄູ່ນະຄອນນີວຢອກແລະລັດໂອຮີໂອໄດ້ຢືນຢັນຕ່າງມີ8ຄົນແລະ1ຄົນເປັນພະຍາດໄຂ້ຫວັດໝູ, ຍອດຈຳນວນຂອງຜູ້ເປັນພະຍາດໄຂ້ຫວັດໝູຂອງອາເມລິກາໄດ້ຮອດ20ຄົນແລ້ວ. ທ່ານນາໂບຣີທະນໍ, ລັດຖະມົນຕີວ່າການກະຊວງຄວາມປອດໄພທີ່ດິນແຫ່ງຊາດອາເມລິກາກ່າວໃນມື້ດຽວກັນວ່າ, ອາເມລິກາໄດ້ເຂົ້າໃນພາວະສຸກເສີນດ້ານສາທາລະນະສຸກ.
ນອກຈາກແມັກຊີແລະອາເມລີກາສອງປະເທດແລ້ວ,ພະຍາດໄຂ້ຫວັດໝູຍັງກຳລັງແຜ່ລະບາດຢູ່ປະເທດອື່ນ.ວັນທີ26ເມສານີ້,ເຈົ້າໜ້າທີ່ກະຊວງສາທາລະນະສຸກການາດາກວ່າວ່າ,ການາດາໄດ້ມີ6ຄົນໄດ້ເປັນພະຍາດໄຂຫວັດໝູແລ້ວ,ໃນນັ້ນມີ3ຄົນໄດ້ໄປແມັກຊີໃນຫວ່າງແລ້ວນີ້.ສຸໂກລານຂອງປະເທດອັງກິດໄດ້ພົບເຫັນ2ຄົນສົງໄສເປັນພະຍາດໄຂຫວັດໝຸ,ແອສປາຍພົບເຫັນ3ຄົນ,ອິສຣາແອມພົບເຫັນ1ຄົນ,ໃນນິວຊີແລນມີນັກຮຽນມັດທະຍົມແລະຄູສອນສິບກວ່າຄົນຖຶກສົງໄສຕິດໄຂ້ຫວັດໝູ.ຄົນເຫຼົ່ານີ້ລ້ວນແຕ່ເຄີຍໄປແມັກສໃນຫວ່າງມໍ່ໆນີ້.ນອກນັ້ນ,ຝຣັ່ງກໍ່ໄດ້ພົບເຫັນ4ຄົນສົງໄສເປັນພະຍາດໄຂຫວັດໝູ.
ປັດຈຸບັນນີ້,ອົງການອະນາໄມໂລກຫຼືWHOໄດ້ສ້າງສູນຄວບຄຸມເຫດການສຸກເສີນສາທາລະນະສຸກ,ພ້ອມທັງສົ່ງຜູ້ຊ່ຽວຊານໄປຄົ້ນຄວ້າປະເພດໄວຣັສຂອງພະຍາດໄຂ້ຫວັດໝູເທື່ອນີ້.
ຜູ້ຊ່ຽວຊານກ່ຽວຂ້ອງຊີ້ອອກວ່າ,ໄຂ້ຫວັດໝູແມ່ນໄຂ້ຫວັດລະບົບຫັນໃຈຂອງໝູເຊິ່ງເກິດດ້ວຍໄວຣັສຊະນິດໜຶ່ງທີ່ຊຶ່ວ່າໄຂ້ຫວັດໝູໝວດA,ໄວຣັສຊະນິດນີ້ຈະແຜ່ລະບາດໃນຝຸງໝູ,ພາໃຫ້ເກີດມີໄຂຫວັດໝູໂດຍໄວ.ຊ່ອງທາງທີ່ມະນຸດຕິດເຊື້ອໄຂຫວັດໝູໃກ້ຊິດໝູເປັນທີ່ຕິດເຊື້ອຫຼືໃກ້ຊິດສະພາບແວດລ້ອມທີ່ຕິດເຊຶ້ອ,ຫຼືໃກ້ຊິດຜູ້ທີ່ຕິດເຊື້ອໄຂ້ຫວັດໝູ.
ປັດຈະບັນນີ້,ຍັງບໍ່ທັນໄດ້ມີວັກແຊງປ້ອງກັນມະນຸດຕິດເຊື້ອໄຂ້ຫວັດໝູ,ສາມາດປ້ອງກັນບໍ່ໃຫ້ມະນຸດຕິດເປັນພະຍາດໄຂ້ຫວັດໝູໄດ້ແລະກໍ່ປິ່ນປົວໄດ້.
