ທ່ານນົງດຶກແມັງຕ້ອນຮັບທ່ານຢ່າງເຈຍຊີ
-----------------------------------------------------------------------------------------------------------------
ຕາມຂ່າວສານຊິນຮວາ:ວັນທີ26 ພຶດສະພານີ້,ຢູ່ຮາໂນ່ຍ,ທ່ານນົງດຶກແມັງ ເລຂາທິຫານໃຫຍ່ສູນກາງພັກກອມມູນິດຫວຽດນາມໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຢາງເຈຍຊີ ລັດຖະມົນຕີການຕ່າງປະເທດຈີນທີ່ເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊີແລະເອີລົບຫຼືອາເຊັມ（ASEM）ຄັ້ງທີ9.
ທ່ານນົງດຶກແມັງກ່າວວ່າ,ຫຼັງຈາກຫວຽດນາມກັບຈີນສ້າງການພົວພັນຄູ່ຮ່ວມມືຍຸດທະສາດຮອບດ້ານໃນປີກາຍນີ້ເປັນຕົ້ນມາ,ການແລກປ່ຽນແລະຮ່ວມມືໃນຂົງເຂດຕ່າງໆໄດ້ຮັບຄວາມຄືບໜ້າຢ່າງບໍ່ຢຸດຢັ້ງ.ຝ່າຍຫວຽດນາມຕີລາຄາສູງຕໍ່ມາດຕະການອັນຕັ້ງໜ້າແລະຜົນສຳເລັດຂອງຈີນໃນດ້ານຮັບມືວິກິດການການເງິນສາກົນ,ແລະການປະກອບສ່ວນຢ່າງສຳຄັນເພື່ອຊຸກຍູ້ພາກພື້ນແລະປະຊາຄົມໂລກຮັບມືວິກິດການ,ຜ່ານຜ່າຄວາມຫຍຸ້ງຍາກໃນປັດຈຸບັນ.
ທ່ານຢາງເຈຍຊີກ່າວວ່າ,ຝ່າຍຈີນເອົາໃຈໃສ່ໃນລະດັບສູງຂະຫຍາຍການພົວພັນກັບຫວຽດນາມຢ່າງສະເໝີຕົ້ນສະເໝີປາຍ,ຈະຍຶດໝັ້ນປະຕິບັດຕໍ່ແລະຂະຫຍາຍການພົວພັນລະຫວ່າງຈີນກັບຫວຽດນາມຈາກທາງຍຸດທະສາດແລະຍາວນານ,ນຳເອົາຜົນປະໂຫຍດຕົວຈິງຫຼາຍກວ່າເກົ່າມາໃຫ້ປະຊາຊົນສອງຊາດ.
