ຈີນຫວັງຮ່ວມມືກັນຮັບມືກັບການຂົ່ມຂູ່ໃຫມ່ໃນຂອບອາຊຽນ+3
-----------------------------------------------------------------------------------------------------------------
ວັນທີ 9 ຫາວັນທີ 11 ມິຖຸນານີ້,ເວທີປຶກສາຫາລືກ່ຽວກັບການຮັກສາຄວາມຫມັ້ນຄົງທີ່ບໍ່ແມ່ນແບບເກົ່າຂອງກອງທັບອາຊຽນກັບຈີນ,ຍີ່ປຸ່ນແລະສາທາລະນະລັດເກົາຫລີຫລື ອາຊຽນ+3 ຄັ້ງປະຖົມມະເລີກໄດ້ຈັດຂຶ້ນຢູ່ເມືອງສືເຈ່ຍຈ່ວງ,ເມືອງພາກເຫນືອຂອງຈີນ.ເຈົ້າຫນ້າທີ່ຂອງກອງທັບຈີນກ່າວວ່າ, ຫວັງຖືເວທີປຶກສາຫາລືເທື່ອນີ້ເປັນຊ່ອງທາງທີ່ໃຫ້ປະເທດຕ່າງໆລົງເລິກາກນຮ່ວມມືກັນໃນທຸກດ້ານກ່ຽວກັບການຮັກສາຄວາມຫມັ້ນຄົງທີ່ບໍ່ແມ່ນແບບເກົ່າ.
ເວທີປຶກສາຫາລືເທື່ອນີ້ແມ່ນກະຊວງປ້ອງກັນປະເທດຈີນເປັນເຈົ້າພາບຈັດຂຶ້ນ,ເພື່ອເພີ່ມທະວີການຄົ້ນຄວ້າປຶກສາຫາລືກ່ຽວກັບບັນຫາຄວາມຫມັ້ນຄົງທີ່ບໍ່ແມ່ນແບບເກົ່າ,ເພີ່ມຄວາມໄວ້ເນື້ອເຊື່ອໃຈກັນ,ແລະເປີດກວ້າງຄວາມຮັບຮູ້ທີ່ເປັນເອກະພາບກັນ,ຊຸກຍູ້ກອງທັບອາຊຽນກັບຈີນ,ຍີ່ປຸ່ນແລະສາທາລະນະລັດເກົາຫລີຮ່ວມກັນຮັບມືກັບການທ້າທາຍໃນດ້ານຄວາມຫມັ້ນຄົງທີ່ບໍ່ແມ່ນແບບເກົ່າ.ໃນໄລຍະຈັດເວທີປຶກສາຫາລື,ຜູ່ຕ່າງຫນ້າ 33 ທ່ານທີ່ມາຈາກອາຊຽນ,ຈີນ,ຍີ່ປຸ່ນແລະສ.ເກົາຫລີຈະລົງເລິກຫາລືກັນກ່ຽວກັບຄວາມຮູ້ພື້ນຖານຂອງບັນຫາການຮັກສາຄວາມຫມັ້ນຄົງທີ່ບໍ່ແມ່ນແບບເກົ່າ,ການຮ່ວມມືແລະຊ່ອງທາງການຮ່ວມມືລະຫວ່າງກອງທັບອາຊຽນກັບຈີນຍີ່ປຸ່ນແລະສ.ເກົາຫລີໃນການຮັບມືກັບໄພຂົ່ມຂູ່ໃນດ້ານນີ້,ແລະຈະໄດ້ຊົມການເຝິກຊ້ອມການຊ່ວຍກອບກູ້ຢູ່ສະຫນາມຮົບ,ການປ້ອງກັນຄວາມຫມັ້ນຄົງຂອງຕຳຫລວດປະກອບອາວຸດ,ການຕ້ານການກໍ່ການຮ້າຍ.ຄວາມຮັບຮູ້ທີ່ເປັນເອກະສັນກັນຂອງຜູ່ເຂົ້າຮ່ວມກອງປະຊຸມຈະຖະແຫລງອອກດ້ວຍຮູບການທີ່ເປັນຂໍ້ສະຫລຸບຂອງເວທີປຶກສາຫາລື.
ໃນພິທີໄຂງານ,ພັນເຮືອເອກພິເສດ ກ່ວນໄຫເຟີ່ຍ,ຮອງຫົວຫນ້າຫ້ອງການວຽກງານພົວພັນຕ່າງປະເທດຂອງກະຊວງປ້ອງກັນປະເທດຈີນກ່າວວ່າ, ໃນຫຼາຍປີມານີ້, ໄພຂົ່ມຂູ່ໃນຂົງເຂດຄວາມປອດໄພທີ່ບໍ່ແມ່ນແບບເກົ່າເຊັ່ນ:ການໂຈມຕີແບບກໍ່ການຮ້າຍ,ອາຊະຍາກຳຂ້າມຊາດ,ໄພຄື້ນຊຶນາມິ,ການໂຈມຕີຂອງໂຈນສະຫຼັດແລະອື່ນໆ ໄດ້ນັບມື້ນັບພົ້ນເດັ່ນຂຶ້ນ,ໃນເວລາທີ່ຮັບມືກັບໄພຂົ່ມຂູ່ເຫຼົ່ານີ້,ຮຽກຮ້ອງໃຫ້ປະເທດຕ່າງໆຄວນໃຊ້ວິທີ.
ແກ້ໄຂຕ່າງໆເຊັ່ນ: ຮ່ວມມືຂ້າມຊາດ, ຫຼາຍເຊື້ອຊາດຮ່ວມມືກັນແລະຢູ່ເຫນືອທີ່ຕ່າງກັນແລະຮູບຖານຈິດສຳນຶກ.ເວທີປຶກສາຫາລືກ່ຽວກັບການຮັກສາຄວາມຫມັ້ນຄົງທີ່ບໍ່ແມ່ນແບບເກົ່າຂອງກອງທັບອາຊຽນບວກ 3 ທີ່ຈີນລິເລີ່ມຈັດຂຶ້ນນັ້ນ ໄດ້ສ້າງເວທີທີ່ດີງາມໃຫ້ແກ່ປະເທດຕ່າງໆທີ່ມາເຂົ້າຮ່ວມ ເພື່ອແລກປ່ຽນບົດຮຽນແລະຮ່ວມມືກັນ, ທ່ານກ່ວນໄຫເຟີ່ຍ ກ່າວວ່າ:"ຄວາມຫມັ້ນຄົງທີ່ບໍ່ແມ່ນແບບເກົ່າແມ່ນໄພຂູ່ມຂູ່ໃຫມ່ທີ່ເກີດຂຶ້ນໃນຫຼາຍປີມານີ້, ປະເທດຕ່າງໆລ້ວນແຕ່ຄົ້ນຄວ້າຮູບການຂອງຄວາມຫມັ້ນຄົງດັ່ງກ່າວ,ກົນໄກກົດຫມາຍແລະການຮ່ວມມື, ພວກເຮົາຫວັງຢາກໃຫ້ປະເທດຕ່າງໆ ຄວນເພີ່ມຄວາມຮັບຮູ້ທີ່ເປັນເອກະສັນກັນໃນອະນາຄົດ,ຄົ້ນຄວ້າປຶກສາຫາລືຂົງເຂດແລະຮູບການຈຳນວນຫນຶ່ງໃນການຮ່ວມມື, ເພື່ອດຳເນີນການເຝິກຊ້ອມຮ່ວມ,ຈາກຂົງເຂດເຫຼົ່ານີ້,ພະຍາຍາມຮ່ວມມືກັນລົງເລິກກວ່າເກົ່າໃນອະນາຄົດ. "
ພັນເອກ ໂດໄມການ,ຫົວໜ້າພະແນກເອີລົບອາເມລິກາຂອງສະຖາບັນການພົວພັນສາກົນ ຫວຽດນາມທີ່ມາຮ່ວມປະຊຸມກໍ່ກ່າວວ່າ,ປະເທດຕ່າງໆມີແຕ່ເພີ່ມທະວີການແລກປ່ຽນແລະຮ່ວມມືກັນທໍ່ນັ້ນ,ຈຶ່ງຈະສາມາດຮັບມືກັບໄພຂົ່ມຂູ່ແລະແກ້ໄຂວິກິດການຢ່າງບັງເກີດຜົນກວ່າເກົ່າ.ນາງກ່າວວ່າ:"ຂ້າພະເຈົ້າຄຶດວ່າ,ວິທີແກ້ໄຂທີ່ດີທີ່ສຸດກໍ່ແມ່ນຮ່ວມມືກັນ,ເມື່ອປະເຊີນກັບບັນຫາຄວາມໝັ້ນຄົງທີ່ບໍ່ແມ່ນແບບເກົ່າ,ປະເທດໃດກໍ່ບໍ່ສາມາດແກ້ໄຂບັນຫາທັງໝົດໄດ້ໂດຍອາໄສແຕ່ກຳ ລັງຂອງຕົນເອງ,ພວກຂ້າພະເຈົ້າຕ້ອງດຳເນີນການຮ່ວມມື."
ເມື່ອກ່າວເຖິງບັນຫາທີ່ປະເທດຕ່າງໆທີ່ປະເຊີນກັບບັນຫາຄວາມໝັ້ນຄົງທີ່ບໍ່ແມ່ນແບບເກົ່ານັ້ນຈະຮ່ວມມືແນວໃດ,ພັນເອກຊິມ ຊາຣົມ,ທູດທະຫານຂອງສະຖານທູດກຳປູເຈຍປະ ຈຳຈີນກ່າວວ່າ,ການແລກປ່ຽນຂໍ້ມູນຂ່າວສານແລະບົດຮຽນຈະແມ່ນວິທີທີ່ດີກວ່າໝູ່ແລະມີປະສິດທິພາບກວ່າໝູ່.ທ່ານກ່າວວ່າ: "ເມື່ອກ່າວເຖິງວ່າຈະຮ່ວມມືກັນແນວໃດ,ຂ້າພະເຈົ້າເຫັນວ່າ,ປະເທດທີ່ກ່ຽວຂ້ອງຄວນຮ່ວມສຳພັນກັນ,ຮ່ວມກັນນຳໃຊ້ບົດຮຽນແລະຂໍ້ມູນຂ່າວ ສານ,ຈຶ່ງຈະຮູ້ວ່າ ບັນຫາຄວາມປອດໄພທີ່ບໍ່ແມ່ນແບບເກົ່າທີ່ພວກຂ້າພະເຈົ້າປະເຊີນນັ້ນແມ່ນເປັນແນວໃດແທ້,ກໍ່ຄື ບົດຮຽນກູ້ໄພແຜ່ນດິນໄຫວເວີ້ນຊ່ວນແຂວງເສສວນຂອງຈີນກໍ່ເປັນສິ່ງທີ່ປະເທດອື່ນຄວນຖອດຖອນບົດຮຽນນຳ,ນີ້ແມ່ນວິທີຮ່ວມມືທີ່ດີຫຼາຍແບບໜຶ່ງ."
