ກອງປະຊຸມສົນທະນາສຸດຍອດລະຫວ່າງ G 8ກັບປະເທດທີ່ພວມພັດທະນາຈັດຂຶ້ນຢູ່ເມືອງລາກີລາຂອງອີຕາລີ
-----------------------------------------------------------------------------------------------------------------
ທ່ານໄຕ້ປິງໂກກຊີ້ອອກວ່າ,ນະໂຍບາຍເສດຖະກິດມະຫາພາກຂອງປະເທດຕ່າງໆໂດຍສະເພາະແມ່ນຂອງປະເທດໃຫຍ່ດ້ານເສດຖະກິດຈະກະທົບເຖິງປະເທດອື່ນໆ,ໃນເວລາວາງນະໂຍບາຍຟື້ນຕົວເສດຖະກິດ,ບໍ່ພຽງແຕ່ຕ້ອງຄຳນຶງເຖິງຜົນປະໂຫຍດຂອງປະເທດຕົນເອງທໍ່ນັ້ນ, ແຕ່ກໍ່ຄວນຄຳນຶງເຖິງຜົນປະໂຫຍດຂອງປະເທດອື່ນໆອີກດ້ວຍ.
ໃນເວລາເວົ້າເຖິງການຊຸກຍູ້ການປະຕິຮູບລະບົບການເງິນສາກົນ, ທ່ານໄຕ້ປີງໂກກ່າວ ວ່າ, ຄວນເລັ່ງລັດປະຕິຮູບໂຄງປະກອບການຄຸ້ມຄອງຂອງອົງການIMFແລະ ທະນາຄານໂລກ, ຍົກສູງສິດປະກອບຄຳເຫັນແລະລັກສະນະຕົວແທນຂອງປະເທດພວມພັດທະນາ.
ໃນເວລາກ່າວເຖິງການຊຸກຍູ້ໃຫ້ປະເທດຕ່າງໆພັດທະນາຮ່ວມກັນ, ທ່ານໄຕ້ປີງໂກກ່າວວ່າ, ອົງການການເງິນສາກົນຄວນເອົາຊັບພະຍາກອນໃໝ່ໃຊ້ເຂົ້າໃນການຊ່ອຍເຫຼືອປະເທດພວມພັດທະນາໃຫ້ຫຼຸດພົ້ນຈາກຄວາມຫຍຸ້ງຍາກກ່ອນ, ສະໜອງເງິນກູ້ໃຫ້ປະເທດພວມພັດທະນາ. ປະເທດທີ່ພັດທະນາແລ້ວຄວນປະຕິບັດຕາມຄຳໝັ້ນສັນຍາໃນການໃຫ້ການຊອຍເຫຼືອເຂົາເຈົ້າ, ສະໜອງການຊ່ອຍເຫຼືອທີ່ບໍ່ມີເງື່ອນໄຂການເມືອງໃດໆຕື່ມອີກ, ຊ່ອຍເຫຼືອປະເທດພວມພັດທະນາເພີ່ມການສ້າງຄວາມສາມາດ. ແຕ່ປະເທດພວມພັດທະນາກໍ່ຄວນຫາບແບກໜ້າທີ່ພັດທະນາຂອງປະເທດຕົນເອງ, ຄວນເອົາການຫຼຸດຜ່ອນຄວາມທຸກຍາກເປັນໜ້າທີ່ສຳຄັນຂອງຕົນ.
ຝ່າຍຈີນເຫັນວ່າ, ເປົ້າໝາຍພື້ນຖານຂອງການປັບປຸງເສດຖະກິດໂລກແມ່ນຊຸກຍູ້ໃຫ້ເສດຖະກິດໂລກພັດທະນາໄປຕາມທິດທາງທີ່ດຸນດຽງ, ມີຜົນປະໂຫຍດທົ່ວໄປແລະຕ່າງຝ່າຍຕ່າງມີຜົນປະໂຫຍດ. ການຄຸ້ມຄອງເສດຖະກິດໂລກຄວນແມ່ນປະເທດຕ່າງໆໃນໂລກຮ່ວມມືກັນ. ການເຂົ້າຮ່ວມຢ່າງສະເໝີພາບບໍ່ພຽງແຕ່ແມ່ນຮູບການເທົ່ານັ້ນ, ຄວນມີຄວາມສະເໝີພາບໃນດ້ານທາດແທ້ແລະໃນການຕົກລົງນະໂຍບາຍ.
ໃນຕອນທ້າຍທ່ານໄຕ້ປີງໂກ່ຊີ້ອອກວ່າ, ຝ່າຍຕ່າງໆເຕົ້າໂຮມກັນຢູ່ລາກີລາກໍ່ແມ່ນເພື່ອສົ່ງສານຍານອັນຈະແຈ້ງຮ່ວມກັນຄື: ພວກເຮົາຄວນຮ່ວມມືກັນແລະພວກເຮົາກໍ່ສາມາດຮ່ວມມືກັນໄດ້.
ກອງປະຊຸມສົນທະນາສຸດຍອດລະຫວ່າງG8ກັບປະເທດພວມພັດທະນາຄັ້ງນີ້ແມ່ນຈັດຂຶ້ນພາຍໃຕ້ສະພາບທີ່ວິກິດການການເງິນສາກົນພວມແຜ່ລະບາດຢ່າງຮ້າຍແຮງ,ຄວາມສຳຄັນຂອງປະເທດພວມພັດທະນາຍິ່ງພົ້ນເດັ່ນໃນກອງປະຊຸມຄັ້ງນີ້. ກ່ຽວກັບເລື່ອງນີ້,ທ່ານມາຈ່າວຊູ້,ໂຄສົກກະຊວງການຕ່າງປະເທດຈີນກ່າວວ່າ: "ນັບແຕ່ມື້G8ເລີ່ມດຳເນີນການສົນທະນາກັບປະເທດພວມພັດທະນາເປັນຕົ້ນມາ, ປະເທດພວມພັດທະນາກໍ່ຫວັງແລະມີຈຸດປະສົງຢາກສົນທະນາກັບG8ແລະປະເທດທີ່ພັດທະແລ້ວຢູ່ບົນພື້ນຖານທີ່ສະເໝີພາບກັນ.ບໍ່ວ່າຮູບການກອງປະຊຸມ ການເລືອກຫົວຂໍ້ກອງປະຊຸມຫຼືຮູບແບບສົນທະນາລ້ວນແຕ່ຢາກສະແດງໃຫ້ເຫັນຄວາມ ສະເໝີພາບກັນ,ເພື່ອດຳເນີນການສົນທະນາຢ່າງຈິງໃຈແລະເລິກເຊິ່ງກັບສະມາ ຊິກG8ຢູ່ບົນພື້ນພານທີ່ສະເໝີພາບກັນ,ພ້ອມກັນປຶກສາຫາລືວ່າຈະແກ້ໄຂບັນຫາສາກົນແລະພາກພື້ນທີ່ພວມປະເຊີນຮ່ວມກັນນັ້ນແນວໃດ.ຂ້າພະເຈົ້າໄດ້ເຫັນຝ່າຍເຈົ້າພາບໄດ້ທຳຄວາມພະຍາຍາມຢ່າງຫຼວງຫຼາຍໃນດ້ານນີ້,ມາຮອດປະຈຸບັນ,ກອງປະຊຸມໄດ້ດຳເນີນຢ່າງສະດວກ."