ມາເລເຊຍເພີ່ມທະວີມາດຕະການຮັກສາຄວາມປອດໄພຂອງສະຖານທູດຕ່າງປະເທດຈຳນວນໜຶ່ງທີ່ປະຈຳມາເລເຊຍ
-----------------------------------------------------------------------------------------------------------------
ຕາມຂ່າວສານຊິນຮວາ:ພາຍຫຼັງໂຮງແຮມ2ແຫ່ງຂອງຈາກາກດາ ນະຄອນຫຼວງອິນໂດເນເຊຍເກີດເຫດການລະເບີດລຽນຕິດໃນວັນທີ17 ກໍລະກົດນີ້,ຫວ່າງມໍ່ໆນີ້ແລ້ວ,ມາເລເຊຍໄດ້ເພີ່ມທະວີມາດຕະການຮັກສາຄວາມປອດໄພຂອງສະຖານທູດຕ່າງປະເທດຈຳນວນໜຶ່ງທີ່ປະຈຳມາເລເຊຍ.
ວັນທີ19 ກໍລະກົດນີ້,ທ່ານດາຕຸກ ເຊຣີ ຮີຊາມູດິນ ຮູເຊນ ລັດຖະມົນຕີວ່າການກະຊວງພາຍໃນມາເລເຊຍກ່າວວ່າ,ເຈົ້າໜ້າທີ່ຕຳຫຼວດມາເລເຊຍມີຄວາມສາມາດຂັດຂວາງການເຄື່ອນໄຫວການກໍ່ການຮ້າຍເກີດຂຶ້ນຢູ່ມາເລເຊຍ.ທ່ານຍັງກ່າວວ່າ, ສະຖານທູດຕ່າງປະເທດຈຳນວນໜຶ່ງປະຈຳມາເລເຊຍເຄີຍຮັບຈົດໝາຍຂູ່ຂວັນກ່ອນໂຮງແຮມ2ແຫ່ງຂອງຈາກາກດາເກີດເຫດການລະເບີດລຽນຕິດ.ແຕ່ທ່ານບໍ່ເປີດເຜີຍລາຍຊື່ລະອຽດຂອງສະຖານທູດທີ່ກ່ຽວຂ້ອງ.
ຕາມການແນະນຳອີກວ່າ,ປະຈຸບັນ,ກະຊວງປ້ອງກັນຊາດມາເລເຊຍໄດ້ເພີ່ມທະວີມາດຕະການປ້ອງກັນຢູ່ດ່ານຊາຍແດນ,ປ້ອງກັນບໍ່ໃຫ້ຄົນຊົ່ວທີ່ກໍ່ເຫດການລະເບີດແຕກລຽນຕິດຢູ່ໂຮງແຮມຈາກາກດາເລັດລອດເຂົ້າມາເລເຊຍ.
