ກອງປະຊຸມລັດຖະມົນຕີການຕ່າງປະເທດຕ່າງໆອາຊຽນເຕືອນໃຫ້ສ.ປ.ປ.ເກົາຫຼີກັບຄືສູ່ໂຕະເຈລະຈາ
-----------------------------------------------------------------------------------------------------------------
ໃນໄລຍະຈັດກອງປະຊຸມລັດຖະມົນຕີການຕ່າງປະເທດຕ່າງໆອາຊຽນເທື່ອນີ້,ບັນຫານີວເຄຼຍແຫຼມເກົາຫຼີໄດ້ເປັນບັນຫາຈຸດສຸມອັນໜຶ່ງ.ຜູ້ຕາງໜ້າຂອງປະເທດຕ່າງໆທີ່ເຂົ້າຮ່ວມກອງປະຊຸມພາກັນເຕືອນໃຫ້ສ.ປ.ປ.ເກົາຫຼີກັບຄືນສູ່ໂຕະເຈລະຈາ,ຊຸກຍູ້ໃຫ້ແຫຼມເກົາຫຼີບັນລຸການປອດອາວຸດນີວເຄຼຍດ້ວຍວິທີການເຈລະຈາ.
ໃນໄລຍະເຂົ້າຮ່ວມກອງປະຊຸມລັດຖະມົນຕີການຕ່າງປະເທດຕ່າງໆອາຊຽນ,ນາງ ຮີວລາຣີ ຄຼິນຕັນ,ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ດຳເນີນການໄກ່ເກ່ຍທາງການທູດກ່ຽວກັບບັນຫານີວເຄຼຍແຫຼມເກົາຫຼີ, ແລະໃຊ້ແຮງກົດດັນຕໍ່ສ.ປ.ປ.ເກົາຫຼີຢ່າງເປີດເຜີຍ.ໃນການຖະແຫຼງຂ່າວທີ່ຈັດຂຶ້ນໃນຕອນແລງວັນທີ 22 ກໍລະກົດນີ້,ນາງຮີວລາຣີກ່າວວ່າ,ອາເມລິກາໄດ້ຮັບການສະໜັບສະໜູນຈາກຈີນ, ຣັດເຊຍ,ຍີ່ປຸນແລະສ.ເກົາຫຼີກ່ຽວກັບບັນຫານີວເຄຼຍແຫຼມເກົາຫຼີ. ນາງກ່າວວ່າ: "ລັດຖະມົນຕີຕ່າງປະເທດຂອງ4ປະເທດລ້ວນແຕ່ເຫັນດີວ່າການປະຕິບັດມະຕິຂອງສະພາຄວາມໝັ້ນຄົງສະຫະປະຊາຊາດຢ່າງຮອບດ້ານ,ສະແດງຄວາມຕັດສິນໃຈຮ່ວມກັນຂອງປະຊາຄົມໂລກແມ່ນສຳຄັນທີ່ສຸດ; ແລະມີຄວາມຈຳເປັນຕ້ອງສະແດງຈຸດຢືນດັ່ງກ່າວຢ່າງເດັ່ນຊັດ,ນັ້ນກໍຄືບັນລຸການປອດນີວເຄຼຍຢ່າງຮອບດ້ານແລະປ່ຽນແປງບໍ່ໄດ້ແມ່ນທາງເລືອກຢ່າງດຽວຂອງສ.ປ.ປ.ເກົາຫຼີ.ພວກເຮົາຈະບໍ່ໃຫ້ຜົນປະໂຫຍດຫຍັງຈັກຢ່າງແກ່ສ.ປ.ປ.ເກົາຫຼີເພື່ອໃຫ້ເຂົາກັບຄືນສູ່ໂຕະເຈລະຈານອກຈາກວ່າເຂົາເຮັດແນວນັ້ນແທ້,ຖ້າບໍ່ດັ່ງນັ້ນ, ເຂົາຈະຕ້ອງໂດດດ່ຽວແລະຖືກລົງໂທດຢ່າງໄຮ້ປານີໃນທົ່ວໂລກ."
ໃນຖານະເປັນປະເທດທີ່ເຂົ້າຮ່ວມກອງປະຊຸມເປີດກວ້າງລັດຖະມົນຕີການຕ່າງປະເທດອາຊຽນແລະເວທີປຶກສາຫາລືARF,ສ.ປ.ປເກົາຫຼີພຽງແຕ່ໄດ້ສົ່ງເອກອັກຄະລັດຖະທູດຜູ່ຫນຶ່ງທີ່ຍັງບໍ່ເຄີຍໄປປະຈຳຢູ່ປະເທດໃດມາກອ່ນນຳພາຄະນະຜູ່ແທນເຂົ້າຮ່ວມກອງປະຊຸມລະດັບລັດຖະມົນຕີຢູ່ພູເກັດຂອງໄທ. ໂດຍປະເຊີນກັບຄວາມກົດດັນອັນຮຸນແຮງຈາກອາເມລິກາ,ທ່ານລີຮຸງຊິກ,ໂຄສົກກະຊວງການຕ່າງປະເທດສ.ປ.ປເກົາຫຼີໄດ້ກ່າວຕອບໂຕ້ຢູ່ພູເກັດຂອງໄທວ່າ:
ການເຈລະຈາ 6 ຝ່າຍໄດ້ສິ້ນສຸດລົງແລ້ວ,ອາເມລິກາ ໃຊ້ນະໂຍບາຍເປັນປໍລະປັກທີ່ສຸດຕໍ່ສ.ປ.ປເກົາຫຼີ ຕະຫຼອດມາ,ຖ້າອາເມລິກາບໍ່ປ່ຽນແປງນະໂຍບາຍເປັນປໍລະປັກໃນທັນທີ,ສ.ປ.ປເກົາຫຼີຈະບໍ່ກັບຄືນສູ່ການເຈລະຈາ6ຝ່າຍອີກ.
ວັນທີ 23 ກໍລະກົດນີ້, ໃນເວລາທ່ານຢາງເຈຍຊື, ລັດຖະມົນຕີວ່າການກະຊວງການຕ່າງປະເທດຈີນໃຫ້ສຳພາດຕໍ່ນັກຂ່າວ,ທ່ານກ່າວວ່າ,ໃນບັນຫານິວເຄຼຍແຫຼມເກົາຫຼີ,ມະຕິຂອງສະພາຄວາມຫມັ້ນຄົງສະຫະປະຊາຊາດຄວນໄດ້ຮັບການປະຕິບັດ.ພ້ອມກັນນັ້ນ,ຝ່າຍຕ່າງໆ ຄວນພະຍາຍາມຫຼີກເວັ້ນບໍ່ໃຫ້ສະຖານະການທີ່ເຄັ່ງຕຶງຮ້າຍແຮງຂຶ້ນຕື່ມ.
ຫຼັກຫມັ້ນຂອງຈີນແມ່ນຫມັ້ນຫນຽວບໍ່ປ່ຽນແປງ,ພວກຂ້າພະເຈົ້າພະຍາຍາມທຸ້ມເທກຳລັງເຂົ້າໃນການເຮັດໃຫ້ແຫຼມເກົາຫຼີປອດນິວເຄຼຍ,ຄັດຄ້ານການແຜ່ຜາຍອາວຸດນິວເຄຼຍຢ່າງສິ້ນເຊີງ.ພວກຂ້າພະເຈົ້າທຸ້ມເທກຳລັງເຂົ້າໃນການເຮັດໃຫ້ແຫຼມເກົາຫຼີແລະພາກພື້ນອາຊີຕາເວັນອອກສຽງເຫນືອ ມີສັນຕິພາບແລະສະຖຽນລະພາບ.ບັນຫານິວເຄຼຍຄວນຜ່ານການເຈລະຈາທາງການຕ່າງປະເທດມາແກ້ໄຂຢ່າງສັນຕິ.ສະນັ້ນ,ປະຈຸບັນ,ຝ່າຍຕ່າງໆທີ່ກ່ຽວ ຂ້ອງ ຄວນຮັກສາການຕິດຕໍ່ພົວພັນຢ່າງໃກ້ຊິດ,ຈີນຈະສືບຕໍ່ທຳຄວາມພະຍາຍາມສຸດຄວາມສາມາດ.ການເລີ່ມຈັດການເຈລະຈາ6ຝ່າຍຄືນໃຫມ່ໂດຍໄວຈະມີຜົນດີຕໍ່ທຸກຝ່າຍ,ພວກເຮົາຄວນຊຸກຍູ້ຂະບວນວິວັດທີ່ເຮັດໃຫ້ແຫຼມເກົາຫຼີປອດນິວເຄຼຍຢ່າງຈິງຈັງ.
ໃນເວລາໃຫ້ສຳພາດຕໍ່ນັກຂ່າວ,ທ່ານວິດທະວັດ ສະລິວິຮົກ,ຫົວໜ້າກົມອາຊຽນຂອງກະຊວງການຕ່າງປະເທດໄທກໍ່ກ່າວວ່າ,ລັດຖະມົນຕີວ່າການກະຊວງການຕ່າງປະເທດຂອງບັນດາປະເທດອາຊຽນທີ່ຮ່ວມປະຊຸມຫວັງໃຫ້ສປປເກົາຫຼີກັບຄືນສູ່ການເຈລະຈາຫົກຝ່າຍ.ທ່ານກ່າວວ່າ: "ພວກຂ້າພະເຈົ້າລ້ວນແຕ່ຫວັງໃຫ້ສປປເກົາຫຼີຈົ່ງໂຄລົບມະຕິຕ່າງໆຂອງສະພາຄວາມໝັ້ນຄົງສະຫະປະຊາຊາດ,ຫວັງຢາກເຕືອນໃຫ້ສປປເກົາຫຼີກັບຄືນສູ່ໂຕະເຈລະຈາໂດຍສັນຕິ,ແລະຢ່າເຮັດຕາມໃຈໂຕອີກ."
