ຄວາມຂັດແຍ່ງຂອງການເລືອກຕັ້ງທົ່ວໄປໃນອີຣານຢຸດຕິ ລົງຊົ່ວຄາວ
(GMT+08:00) 2009-08-04 15:48:50 cri
-----------------------------------------------------------------------------------------------------------------
-----------------------------------------------------------------------------------------------------------------
ວັນທີ 3 ສິງຫານີ້,ສະຖານີໂທລະພາບຂ່າວຂອງອີຣານແຈ້ງວ່າ, ມື້ດຽວກັນ, ທ່ານອາຢາໂຕລາ ອາລີ ຄາເມີເນ, ຜູ່ນຳສູງສຸດຂອງອີຣານໄດ້ອະນຸມັດເປັນທາງການໃຫ້ທ່ານມາມຸດ ອາມາດິເນຈາດ ເປັນປະອທານາທິບໍດີອີຣານຜູ່ທີ 10 .ນັບແຕ່ມື້ນັ້ນເປັນຕົ້ນໄປ,ທ່ານມາມຸດ ອາມາດິເນຈາດ ເລີ່ມເຂົ້າຮັບຕຳແຫນ່ງເປັນປະທານາທິບໍດີສະໄຫມທີສອງ,ຄວາມຂັດແຍ່ງຂອງການເລືອກຕັ້ງທົ່ວໄປໃນອີຣານຢຸດຕິລົງຊົ່ວຄາວ.
ວັນທີ 13 ມິຖຸນາປີນີ້, ກະຊວງພາຍໃນອີຣານປະກາດວ່າ, ທ່ານມາມຸດ ອາມາດິເນຈາດ,ປະທານາທິບໍດີຄົນປະຈຸບັນ ໄດ້ຮັບໄຊຊະນະໃນການເລືອກຕັ້ງທົ່ວໄປຂອງປະທານາທິບໍດີໂດຍໄດ້ບັດ62,63%.ຫຼັງຈາກນັ້ນ,ຜູ່ສະຫມັກຮັບເລືອກຕັ້ງ3ຄົນອື່ນລ້ວນແຕ່ກ່າວວ່າ,ການເລືອກຕັ້ງເທື່ອນີ້ ມີການລະເມີດລະບຽບການເລືອກຕັ້ງຢ່າງຫຼວງຫຼາຍ, ໃນນັ້ນ , ທ່ານເມີ ຣົສເຊນ ມູຊາຣີ ແລະທ່ານເມດີ ກາຣູບີ, ຜູ່ສະຫມັກຮັບເລືອກຕັ້ງຂອງຝ່າຍປະຕິຮູບ ໄດ້ຮຽກຮ້ອງໃຫ້ຄະນະກຳມະການກວດກາຄວບຄຸມລັດຖະທຳມະນູນຍົກເລີກຜົນການເລືອກຕັ້ງແລະຈັດການເລືອກຕັ້ງທົ່ວໄປຄືນໃຫມ່.ຫຼັງຈາກນັ້ນ,ຜູ່ສະຫນັບສະຫນູນຝ່າຍປະຕິຮູບໄດ້ເດີນຂະບວນປະທ້ວງຢູ່ນະຄອນຫຼວງເຕເຮຣານ,ແຂວງແລະກຳແພງນະຄອນຕ່າງໆໃນຫຼາຍມື້ລຽນຕິດ,ຄະນະກຳມະການກວດກາແລະຄວບຄຸມລັດຖະທຳມະນູນຜ່ານການສຳຫຼວດ, ແລ້ວຮັບຮອງຜົນການເລືອກຕັ້ງປະທານາທິບໍດີທີ່ກະຊວງພາຍໃນປະກາດໃນວັນທີ29ມິຖຸນາ. ໂດຍອີງຕາມລັດຖະທຳມະນູນຂອງອີຣານ,ປະທານາທິບໍດີທີ່ໄດ້ຮັບການເລືອກຕັ້ງແມ່ນຊອບດ້ວຍກົດຫມາຍຫຼັງຈາກຜູ່ນຳສູງສຸດຮັບຮອງແລະອະນຸມັດ.
ວັນທີ3ກໍລະກົດນີ້,ພິທີຮັບຮອງຜົນການເລືອກຕັ້ງປະທານາທິບໍດີອີຣານສະໄໝທີ 10ໄດ້ຈັດຂຶ້ນຢູ່ສຸເຫຼົ່າມຸສລິມຣູໂຮນລາ ໂຄເມນີທີ່ເຕເຮຣານ.ໃນພິທີດັ່ງກ່າວ,ທ່ານອາຢາໂຕລາ ອາລີ ຄາເມີເນໄດ້ມອບໜັງສືແຕ່ງຕັ້ງໃຫ້ແກ່ທ່ານອາຣມາດີເນຈາດ.ໃນພີທີຮັບຮອງ,ທ່ານຄາເມີເນກ່າວວ່າ,ປະຊາຊົນປ່ອນບັດໃຫ້ແກ່ປະທານາທິບໍດີຜູ່ສະໝັກຜູ່ນີ້,ແມ່ນຍ້ອນວ່າທ່ານພະຍາຍາມເຮັດວຽກຢ່າງບໍ່ຮູ້ອິດຮູ້ເມື່ອຍ,ພະຍາຍາມຕໍ່ສູ້ຜ່ານຜ່າກັບປະກົດການຕ່າງໆ ຄືຄວາມທຸກຍາກ ການສໍ້ລາດບັງຫຼວງແລະການແບ່ງແຍກຢ່າງບໍ່ລົດລະ,ຕໍ່ຕ້ານລັດທິເຈົ້າອຳນາດສາກົນຢ່າງອົງອາອາດກ້າຫານ.ທ່ານຄາເມີເນຮຽກຮ້ອງໃຫ້ລັດຖະບານ,ລັດຖະສະພາແລະອົງການຕຸລາການສາມັກຄີເປັນຈິດໜຶ່ງໃຈດຽວກັນ,ຊ່ອຍເຫຼືອເຊິ່ງກັນແລະກັນ.
ໃນເວລາກ່າວຄຳປາໄສໃນພິທີຮັບຮອງ,ທ່ານອາຣມາດີເນຈາດຮຽກຮ້ອງໃຫ້ບຸກຄົນ ຂອງວົງການຕ່າງໆຂອງອີຣານຕັ້ງໜ້າເຂົ້າຮ່ວມການວາງແຜນແລະຄຸ້ມຄອງປະເທດ.ທ່ານໄດ້ແນະນຳວຽກງານຈຸດສຸມຂອງລັດຖະບານອີຣານຊຸດໃໝ່ໂດຍຫຍໍ້. ທ່ານກ່າວວ່າ,ການປະກອບອາຊີບ,ເຮືອນຢູ່ແລະການພັດທະນາອຸດສາຫະກຳແຫ່ງຊາດແມ່ນບັນຫາທີ່ລັດຖະບານໃໝ່ຈະພິຈາລະນາແກ້ໄຂຢ່າງເປັນບູລິມະສິດໃນບັນດາວຽກງານເສດຖະກິດ.ໃນເວລາກ່າວເຖິງນະໂຍບາຍກັບຕ່າງປະເທດ,ທ່ານກ່າວວ່າ,ການເຂົ້າຮ່ວມວຽກງານສາກົນຢ່າງຕັ້ງໜ້າແລະແຂງແຮງ ຄື ນະໂຍບາຍກັບຕ່າງປະເທດຂອງລັດຖະບານໃໝ່.ທ່ານອາຣມາດີເນຈາດຕິຕຽນບາງລັດຖະ ບານຕ່າງປະເທດສະແດງຄວາມເປັນປໍລະປັກກັບອີຣານກ່ອນແລະຫຼັງການເລືອກຕັ້ງປະທານາທິບໍດີອີຣານ,ທ່ານຍັງກ່າວວ່າ,ຖ້າວ່າປະເທດເຫຼົ່ານີ້ຢາກແກ້ໄຂຄວາມຜິດພາດຂອງຕົນແລ້ວ,ລັດຖະບານອີຣານຍິນດີຢູ່ຮ່ວມກັນກັບປະເທດເຫຼົ່ານີ້ຢ່າງມີໄມຕີຈິດມິດຕະພາບ.
ໃນມື້ດຽວກັນມີຜູ່ຄັດຄ້ານສ່ວນຫນຶ່ງໄດ້ເດີນຂະບວນປະທ້ວງຕາມຖະຫນົນ,ຕະຫລວດເຕເຮລານໄດ້ຕິດຕາມເຫດການຢ່າງໃກ້ຊິດແລະໄດ້ເຂົ້າຄວບຄຸມສະຫນາມຫລວງແລະຖະຫນົນສຳຄັນຢູ່ນະຄອນຫລວງ, ໃນເວລາທີ່ລາຍງານຂ່າວນີ້, ສະຖານະການຂອງເຕເຮລານຍັງສະຫງົບຢູ່,ບໍ່ໄດ້ເກີດເຫດການຮຸນແຮງຫຍັງ.
ລັດຖະບານຊຸດທີ 10 ຂອງອີຣານຈະສາບານຕົວຂຶ້ນຮັບຕຳແຫນ່ງຢູ່ລັດຖະສະພາໃນວັນທີ 5 ສິງຫານີ້,ທ່ານມາມູດ ອາມາດິນເນຈັດຈະສະເໜີບັນຊີລາຍຊື່ຂອງສະມາຊິກລັດຖະບານຊຸດໃຫມ່ໃຫ້ແກ່ສະພາພາຍໃນ ສອງອາທິດນັບແຕ່ພິທີຂຶ້ນຮັບຕຳແຫນ່ງເປັນຕົ້ນໄປ.ນັກວິເຄາະເຫັນວ່າ, ຄວາມຊອບກົດຫມາຍຂອງທ່ານເນຈັດທີ່ໄດ້ຮັບເລືອກຕັ້ງນັ້ນໄດ້ຮັບການຮັບຮອງຈາກຄະນະກຳມະການຕິດຕາມກວດກາລັດຖະທຳມະນູນແລະປະມຸກລັດສູງສຸດແລ້ວ, ຖືວ່າໄດ້ສຳເລັດລະບຽບການອັນຈຳເປັນທີ່ກຳນົດໃນລັດຖະທຳມະນູນອີຣານ.ເຖິງວ່າຜູ່ສະຫມັກຮັບເລືອກຕັ້ງຂອງຝ່າຍປະຕິຮູບແລະຜູ່ສະຫນັບສະຫນູນຍັງບໍ່ຍາມຮັບຜົນການເລືອກຕັ້ງເທື່ອນີ້ກໍ່ຕາມ, ແຕ່ຍ້ອນວ່າຖານະຂອງເຂົາເຈົ້າຢູ່ໃນທ່າຮັບ,ສະນັ້ນ,ການປັບຍຸດທະສາດຕໍ່ສູ້ກໍ່ກາຍເປັນທາງເລືອກຕົວຈິງຂອງເຂົາເຈົ້າ. ມາຮອດປັດຈຸບັນ,ຄວາມຂັດແຍ່ງທາງການເມືອງທີ່ເກີດຂຶ້ນຍ້ອນການເລືອກຕັ້ງຂອງອີຣານໃນເດືອນມິຖຸນາມານີ້ໄດ້ຢຸດຕິສຸດລົງຊົ່ວຄາວແລ້ວ.
ວັນທີ 13 ມິຖຸນາປີນີ້, ກະຊວງພາຍໃນອີຣານປະກາດວ່າ, ທ່ານມາມຸດ ອາມາດິເນຈາດ,ປະທານາທິບໍດີຄົນປະຈຸບັນ ໄດ້ຮັບໄຊຊະນະໃນການເລືອກຕັ້ງທົ່ວໄປຂອງປະທານາທິບໍດີໂດຍໄດ້ບັດ62,63%.ຫຼັງຈາກນັ້ນ,ຜູ່ສະຫມັກຮັບເລືອກຕັ້ງ3ຄົນອື່ນລ້ວນແຕ່ກ່າວວ່າ,ການເລືອກຕັ້ງເທື່ອນີ້ ມີການລະເມີດລະບຽບການເລືອກຕັ້ງຢ່າງຫຼວງຫຼາຍ, ໃນນັ້ນ , ທ່ານເມີ ຣົສເຊນ ມູຊາຣີ ແລະທ່ານເມດີ ກາຣູບີ, ຜູ່ສະຫມັກຮັບເລືອກຕັ້ງຂອງຝ່າຍປະຕິຮູບ ໄດ້ຮຽກຮ້ອງໃຫ້ຄະນະກຳມະການກວດກາຄວບຄຸມລັດຖະທຳມະນູນຍົກເລີກຜົນການເລືອກຕັ້ງແລະຈັດການເລືອກຕັ້ງທົ່ວໄປຄືນໃຫມ່.ຫຼັງຈາກນັ້ນ,ຜູ່ສະຫນັບສະຫນູນຝ່າຍປະຕິຮູບໄດ້ເດີນຂະບວນປະທ້ວງຢູ່ນະຄອນຫຼວງເຕເຮຣານ,ແຂວງແລະກຳແພງນະຄອນຕ່າງໆໃນຫຼາຍມື້ລຽນຕິດ,ຄະນະກຳມະການກວດກາແລະຄວບຄຸມລັດຖະທຳມະນູນຜ່ານການສຳຫຼວດ, ແລ້ວຮັບຮອງຜົນການເລືອກຕັ້ງປະທານາທິບໍດີທີ່ກະຊວງພາຍໃນປະກາດໃນວັນທີ29ມິຖຸນາ. ໂດຍອີງຕາມລັດຖະທຳມະນູນຂອງອີຣານ,ປະທານາທິບໍດີທີ່ໄດ້ຮັບການເລືອກຕັ້ງແມ່ນຊອບດ້ວຍກົດຫມາຍຫຼັງຈາກຜູ່ນຳສູງສຸດຮັບຮອງແລະອະນຸມັດ.
ວັນທີ3ກໍລະກົດນີ້,ພິທີຮັບຮອງຜົນການເລືອກຕັ້ງປະທານາທິບໍດີອີຣານສະໄໝທີ 10ໄດ້ຈັດຂຶ້ນຢູ່ສຸເຫຼົ່າມຸສລິມຣູໂຮນລາ ໂຄເມນີທີ່ເຕເຮຣານ.ໃນພິທີດັ່ງກ່າວ,ທ່ານອາຢາໂຕລາ ອາລີ ຄາເມີເນໄດ້ມອບໜັງສືແຕ່ງຕັ້ງໃຫ້ແກ່ທ່ານອາຣມາດີເນຈາດ.ໃນພີທີຮັບຮອງ,ທ່ານຄາເມີເນກ່າວວ່າ,ປະຊາຊົນປ່ອນບັດໃຫ້ແກ່ປະທານາທິບໍດີຜູ່ສະໝັກຜູ່ນີ້,ແມ່ນຍ້ອນວ່າທ່ານພະຍາຍາມເຮັດວຽກຢ່າງບໍ່ຮູ້ອິດຮູ້ເມື່ອຍ,ພະຍາຍາມຕໍ່ສູ້ຜ່ານຜ່າກັບປະກົດການຕ່າງໆ ຄືຄວາມທຸກຍາກ ການສໍ້ລາດບັງຫຼວງແລະການແບ່ງແຍກຢ່າງບໍ່ລົດລະ,ຕໍ່ຕ້ານລັດທິເຈົ້າອຳນາດສາກົນຢ່າງອົງອາອາດກ້າຫານ.ທ່ານຄາເມີເນຮຽກຮ້ອງໃຫ້ລັດຖະບານ,ລັດຖະສະພາແລະອົງການຕຸລາການສາມັກຄີເປັນຈິດໜຶ່ງໃຈດຽວກັນ,ຊ່ອຍເຫຼືອເຊິ່ງກັນແລະກັນ.
ໃນເວລາກ່າວຄຳປາໄສໃນພິທີຮັບຮອງ,ທ່ານອາຣມາດີເນຈາດຮຽກຮ້ອງໃຫ້ບຸກຄົນ ຂອງວົງການຕ່າງໆຂອງອີຣານຕັ້ງໜ້າເຂົ້າຮ່ວມການວາງແຜນແລະຄຸ້ມຄອງປະເທດ.ທ່ານໄດ້ແນະນຳວຽກງານຈຸດສຸມຂອງລັດຖະບານອີຣານຊຸດໃໝ່ໂດຍຫຍໍ້. ທ່ານກ່າວວ່າ,ການປະກອບອາຊີບ,ເຮືອນຢູ່ແລະການພັດທະນາອຸດສາຫະກຳແຫ່ງຊາດແມ່ນບັນຫາທີ່ລັດຖະບານໃໝ່ຈະພິຈາລະນາແກ້ໄຂຢ່າງເປັນບູລິມະສິດໃນບັນດາວຽກງານເສດຖະກິດ.ໃນເວລາກ່າວເຖິງນະໂຍບາຍກັບຕ່າງປະເທດ,ທ່ານກ່າວວ່າ,ການເຂົ້າຮ່ວມວຽກງານສາກົນຢ່າງຕັ້ງໜ້າແລະແຂງແຮງ ຄື ນະໂຍບາຍກັບຕ່າງປະເທດຂອງລັດຖະບານໃໝ່.ທ່ານອາຣມາດີເນຈາດຕິຕຽນບາງລັດຖະ ບານຕ່າງປະເທດສະແດງຄວາມເປັນປໍລະປັກກັບອີຣານກ່ອນແລະຫຼັງການເລືອກຕັ້ງປະທານາທິບໍດີອີຣານ,ທ່ານຍັງກ່າວວ່າ,ຖ້າວ່າປະເທດເຫຼົ່ານີ້ຢາກແກ້ໄຂຄວາມຜິດພາດຂອງຕົນແລ້ວ,ລັດຖະບານອີຣານຍິນດີຢູ່ຮ່ວມກັນກັບປະເທດເຫຼົ່ານີ້ຢ່າງມີໄມຕີຈິດມິດຕະພາບ.
ໃນມື້ດຽວກັນມີຜູ່ຄັດຄ້ານສ່ວນຫນຶ່ງໄດ້ເດີນຂະບວນປະທ້ວງຕາມຖະຫນົນ,ຕະຫລວດເຕເຮລານໄດ້ຕິດຕາມເຫດການຢ່າງໃກ້ຊິດແລະໄດ້ເຂົ້າຄວບຄຸມສະຫນາມຫລວງແລະຖະຫນົນສຳຄັນຢູ່ນະຄອນຫລວງ, ໃນເວລາທີ່ລາຍງານຂ່າວນີ້, ສະຖານະການຂອງເຕເຮລານຍັງສະຫງົບຢູ່,ບໍ່ໄດ້ເກີດເຫດການຮຸນແຮງຫຍັງ.
ລັດຖະບານຊຸດທີ 10 ຂອງອີຣານຈະສາບານຕົວຂຶ້ນຮັບຕຳແຫນ່ງຢູ່ລັດຖະສະພາໃນວັນທີ 5 ສິງຫານີ້,ທ່ານມາມູດ ອາມາດິນເນຈັດຈະສະເໜີບັນຊີລາຍຊື່ຂອງສະມາຊິກລັດຖະບານຊຸດໃຫມ່ໃຫ້ແກ່ສະພາພາຍໃນ ສອງອາທິດນັບແຕ່ພິທີຂຶ້ນຮັບຕຳແຫນ່ງເປັນຕົ້ນໄປ.ນັກວິເຄາະເຫັນວ່າ, ຄວາມຊອບກົດຫມາຍຂອງທ່ານເນຈັດທີ່ໄດ້ຮັບເລືອກຕັ້ງນັ້ນໄດ້ຮັບການຮັບຮອງຈາກຄະນະກຳມະການຕິດຕາມກວດກາລັດຖະທຳມະນູນແລະປະມຸກລັດສູງສຸດແລ້ວ, ຖືວ່າໄດ້ສຳເລັດລະບຽບການອັນຈຳເປັນທີ່ກຳນົດໃນລັດຖະທຳມະນູນອີຣານ.ເຖິງວ່າຜູ່ສະຫມັກຮັບເລືອກຕັ້ງຂອງຝ່າຍປະຕິຮູບແລະຜູ່ສະຫນັບສະຫນູນຍັງບໍ່ຍາມຮັບຜົນການເລືອກຕັ້ງເທື່ອນີ້ກໍ່ຕາມ, ແຕ່ຍ້ອນວ່າຖານະຂອງເຂົາເຈົ້າຢູ່ໃນທ່າຮັບ,ສະນັ້ນ,ການປັບຍຸດທະສາດຕໍ່ສູ້ກໍ່ກາຍເປັນທາງເລືອກຕົວຈິງຂອງເຂົາເຈົ້າ. ມາຮອດປັດຈຸບັນ,ຄວາມຂັດແຍ່ງທາງການເມືອງທີ່ເກີດຂຶ້ນຍ້ອນການເລືອກຕັ້ງຂອງອີຣານໃນເດືອນມິຖຸນາມານີ້ໄດ້ຢຸດຕິສຸດລົງຊົ່ວຄາວແລ້ວ.
ຂ່າວ-ບົດທີ່ກ່ຽວຂ້ອງ
ຄຳເຫັນ
