ຄະນະຜູ່ແທນກະຊວງການຄ້າຈີນເດີນທາງໄປກັນຢາງລົດທີ່ນຳເຂົ້າຈາກຈີນເພື່ອຕໍ່ວ່າແລະປຶກສາຫາລືກ່ຽວກັບຄະດີຮັບປະກັນຢາງລົດທີ່ນຳເຂົ້າຈາກຈີນ.
-----------------------------------------------------------------------------------------------------------------
ຫວ່າງມໍ່ໆນີ້, ທ່ານຈົ່ງຊ່ານ,ລັດຖະມົນຕີຊ່ອຍວ່າການກະຊວງການຄ້າຈີນໄດ້ນຳພາຄະນະຜູ່ແທນຈີນເດີນທາງໄປເຖິງອາເມລິກາ, ເພື່ອສະແດງຫຼັກຫມັ້ນແລະຄວາມສົນໃຈຂອງລັດຖະບານຈີນທີ່ເດັດດ່ຽວຄັດຄ້ານມາດຕະ ການຮັບປະກັນພິເສດ.ຂ່າວແຈ້ງວ່າ, ນັບແຕ່ວັນທີ17 ຮອດວັນທີ 18ສິງຫານີ້ ຕາມເວລາທ້ອງຖິ່ນ, ທ່ານຈົ່ງຊ່ານ ຈະຈັດການເຈລະຈາກັບພາກສ່ວນຕ່າງໆຂອງອາເມລິກາ,ເຊັ່ນ:ຄະນະກຳມະການຄວາມຫມັ້ນຄົງຂອງທຳນຽບຂາວ, ກະຊວງການເງິນ,ຫ້ອງການຕົວແທນການຄ້າ, ກະຊວງການຄ້າ,ກະຊວງການຕ່າງປະເທດແລະອື່ນໆ, ເພື່ອຕໍ່ວ່າແລະປຶກສາຫາລືກັນກັບອາເມລິກາກ່ຽວກັບຄະດີຮັບປະກັນຢາງລົດ. ໃນສະພາບທີ່ຮັບມືກັບວິກິດການການເງິນ, ຄະດີຮັບປະກັນດັ່ງກ່າວ ຈະເຮັດໃຫ້ຫຼາຍຝ່າຍເອົາໃຈໃສ່ຕິດຕາມດ້ວຍຜົນຫຍັງສຸດທ້າຍແນວໃດ？
ວັນທີ 20 ເມສາປີນີ້,ສະຫະພັນກຳມະກອນຂາງແລະເຫຼັກກ້າຂອງອາເມລິກາໄດ້ຍື່ນຄຳຮ້ອງຂໍຕໍ່ຫ້ອງການຕົວແທນ ການຄ້າອາເມລິກາ,ຮຽກຮ້ອງໃຫ້ສຳຫຼວດມາດຕະການຮັບປະກັນພິເສດຕໍ່ຢາງລົດທີ່ນຳເຂົ້າຈາກຈີນ.ຄຳຮ້ອງຂໍເຫັນວ່າ,ຢາງລົດທີ່ນຳເຂົ້າຈາກຈີນເພີ່ມຂຶ້ນຢ່າງກະທັນຫັນ ໄດ້ເຮັດໃຫ້ໂຮງງານອາເມລິກາ6ແຫ່ງລົ້ມລະລາຍ, ການປະກອບອາຊີບຂອງກຳມະກອນ7000ຄົນໄດ້ຮັບຜົນກະທົບ ,ສະນັ້ນ ,ຮຽກຮ້ອງໃຫ້ລັດຖະບານອາເມລິກາກຳນົດ21ລ້ານໂກຕາຕໍ່ປີໃນການນຳເຂົ້າຢາງລົດຈາກຈີນ, ເພື່ອຄຸ້ມກັນອຸດສາຫະກຳການຜະລິດ ແລະການປະກອບອາຊີບຂອງພາຍໃນປະເທດອາເມລິກາ.
ໃນອາທິດແລ້ວນີ້,ທ່ານຟູ້ຈີ້ອີ້ງ,ລັດຖະມົນຕີຊ່ວຍວ່າການກະຊວງການຄ້າຈີນກ່າວ ຢູ່ປັກກິ່ງວ່າ,ການຕິຕຽນວ່າຈີນສົ່ງຢາງລົດຂາຍໃຫ້ອາເມລິກາພາໃຫ້ອຸດສາຫະກຳລົດຍົນຂອງອາເມລິກາບບໍ່ຮຸ່ງເຮືອງນັ້ນແມ່ນການກະທຳລັດທິປົກປ້ອງການຄ້າ ຊະນິດໜຶ່ງ.
"ບັນຫາໃນປະຈຸບັນນີ້ແມ່ນ,ວິກິດການເງິນກູ້ດ້ອຍຄຸນນະພາບຂອງອາເມລິກາພາໃຫ້ເກີດວິກິດການການເງິນ,ພາໃຫ້ອຸດສາຫະກຳລົດຍົນຂອງອາເມລິກາບໍ່ຮຸ່ງເຮືອງ, ແລ້ວກະທົບກະເທືອນເຖິງການຈຳໜ່າຍຂອງໂຮງງານຜະລິດຢາງລົດຂອງອາເມລິກາ.ແຕ່ຖ້າສະຫຼຸບວ່າການເກີດບັນຫານີ້ແມ່ນຍ້ອນຈີນສົ່ງຢາງລົດຂາຍໃຫ້ອາເມລິກາແລ້ວ,ພວກເຮົາເຫັນວ່າແມ່ນບໍ່ມີພື້ນຖານຕົວຈິງ,ຂາດເຂີນຫຼັກອ້າງອີງດ້ານກົດໝາຍ,ໄດ້ລະເມີດຫຼັກເກນຂອງWTO,ແມ່ນການກະທຳປົກປ້ອງການຄ້າຊະນິດໜຶ່ງ."
ອີງຕາມການຮ້ອງຂໍຂອງສະຫະພັນກຳມະກອນເຫຼັກກ້າອາເມລິກາ,ຄະນະກຳມະທິການການຄ້າສາກົນອາເມລິກາຈະດຳເນີນການສຳຫຼວດຢາງລົດລົດໂດຍສານແລະລົດກາມີຍົງຂະໜາດເບົາຂອງຈີນ,ແລະໄດ້ສະເໜີຂໍ້ສະເໜີເບື້ອງຕົ້ນ,ວາງມາດຕະການເກື້ອກູນໃນວັນທີ29ມິຖຸນາ,ຈະເກັບພາສີເພີ່ມຕື່ມຕໍ່ຜະລິດຕະພັນຢາງລົດຂອງຈີນທີ່ສົ່ງຂາຍໃຫ້ອາເມລິກາ3ປີລຽນຕິດ,ໃນ3ປີນີ້ຕ່າງເພີ່ມພາສີ55%, 45%ແລະ35%.
ຕາມລະບຽບການສຳຫຼວດຂອງອາເມລິກາ, ຫ້ອງການຕົວແທນການຄ້າອາເມລິກາຈະສະເໜີຂໍ້ສະເໜີຕໍ່ທ່ານໂອບາມາ,ປະທານາທິບໍດີອາເມລິກາກ່ອນວັນທີ2ກັນຍານີ້,ກ່ອນວັນທີ17ກັນຍາທ່ານໂອບາມາຈະຕົກລົງເກັບພາສີທີ່ມີລັກສະນະລົງໂທດຫຼືບໍ່ຕໍ່ຢາງລົດທີ່ຈີນສົ່ງຂາຍໃຫ້ອາເມລິກາ.ຄະດີນີ້ແມ່ນການສຳຫຼວດການຮັກສາພິເສດລາຍທຳອິດທີ່ລັດຖະບານອາເມລິກາຊຸດໃໝ່ປະຕິບັດຕໍ່ຈີນ, ແລະກໍ່ແມ່ນຄະດີທີ່ມີຄຸນຄ່າຫຼາຍກວ່າໝູ່.
ກ່ອນຈະເດີນທາງໄປອາເມລິກາ, ທ່ານຈົ່ງຊ່ານ,ລັດຖະມົນຕີຊ່ອຍວ່າການກະຊວງການຄ້າຈີນພິມບົດຄວາມລົງນາມວ່າ,ຕ້ອງເພີ່ມທະວີການແລກປ່ຽນແລະຮ່ວມມືເສດຖະກິດການຄ້າຫຼາຍຝ່າຍ,ຊຳລະແກ້ໄຂຂໍ້ຂັດແຍ່ງກ່ຽວກັບການຄ້າໄດ້ປ່ຽບຢ່າງເໝາະສົມໂດຍຜ່ານການສົນທະນາສະເໝີພາບແລະການປຶກສາຫາລືກັນ.ພ້ອມກັນນັ້ນບົດຄວາມຍັງຂຽນວ່າ,ຕັ້ງໜ້າຮັບມືກັບຂໍ້ຂັດແຍ່ງການຄ້າ, ເອົາໃຈໃສ່ໃນລະດັບສູງນຳປະເທດທີ່ກ່ຽວຂ້ອງສວຍໃຊ້ການຂາດດຸນການຄ້າປະຕິບັດລັດທິປົກປ້ອງການຄ້າຕໍ່ຈີນ, ເສີມຂະຫຍາຍບົດບາດຂອງລັດຖະບານ,ຂະແໜງການແລະວິສາຫະກິດ,ປ້ອງກັນລ່ວງໜ້າແລະຮັບມືຢ່າງໄດ້ຜົນ.ນັກວິເຄາະເຫັນວ່າ,ນີ້ສາມາດຖືເປັນຫຼັກໝັ້ນຂອງຈີນທີ່ຮັບມືກັບລັດທິປົກປ້ອງກັນຄ້າ.
