ທ່ານນົງດຶກມານ ເລຂາທິການໃຫຍ່ພັກກອມມູນິດຫວຽດນາມພົບປະທ່ານເຮີຢົງ
-----------------------------------------------------------------------------------------------------------------
ຕາມຂ່າວສານຊິນຮວາ:ຕອນບ່າຍວັນທີ28 ສິງຫານີ້,ຢູ່ຫ່າໂນ່ຍ,ທ່ານນົງດຶກມານ ເລຂາທິການໃຫຍ່ພັກກອມມູນິດຫວຽດນາມໄດ້ພົບປະຄະນະຜູ່ແທນພັກກອມມູນິດຈີນທີ່ນຳໂດຍທ່ານເຮີຢົງ ເລຂາທິການຄະນະເຂລາທິການສູນກາງພັກກອມມູນິດຈີນ,ຮອງເລຂາທິການຂອງຄະນະກຳມະການກວດກາວິໄນສູນກາງພັກກອມມູນິດຈີນ.
ທ່ານນົງດຶກມານກ່າວວ່າ,ຫວຽດນາມກັບຈີນແມ່ນປະເທດໄມຕີຈິດຖານບ້ານໃກ້ເຮືອນຄຽງທີ່ເປັນສະຫາຍແລະອ້າຍນ້ອງກັນ.ການຂະຫຍາຍໄມຕີຈິດລະຫວ່າງຫວຽດນາມກັບຈີນແມ່ນທິດທາງທີ່ໝັ້ນໜຽວຂອງພັກແລະລັດຖະບານຂອງຫວຽດນາມ,ສອດຄ່ອງຜົນປະໂຫຍດແລະຄວາມປາຖະໜາຮ່ວມຂອງປະຊາຊົນສອງປະເທດ.ທ່ານນົງດຶກມານກ່າວວ່າ,ຝ່າຍຫວຽດນາມດີໃຈທີ່ເຫັນຜົນສຳເລັດອັນໃຫຍ່ຫຼວງທີ່ຈີນໄດ້ຮັບໃນດ້ານຕ່າງໆເຊັ່ນເສດຖະກິດສັງຄົມເປັນຕົ້ນ,ຫວັງໃຫ້ແບ່ງປັນບົດຮຽນທີ່ຮັບມືວິກິດການເງິນສາກົນແລະໄຂປະຕູສູ່ພາຍນອກກັບຝ່າຍຈີນ.
ທ່ານເຮີຢົງກ່າວວ່າ,ປີໜ້າແມ່ນຈີນກັບຫວຽດນາມສ້າງສາຍພົວພັນການທູດລະຫວ່າງຈີນກັບຫວຽດນາມຄົບຮອບ60ປີ,ກໍ່ແມ່ນ"ປີໄມຕີຈິດຈີນຫວຽດນາມ",ຝ່າຍຈີນຍິນດີຖືນີ້ເປັນໂອກາດດີ,ພ້ອມກັບຝ່າຍຫວຽດນາມ,ເສີມສ້າງເນື້ອໃນຂອງການພົວພັນຄູ່ຂາຮ່ວມມືຍຸດທະສາດຮອບດ້ານລະຫວ່າງຈີນກັບຫວຽດນາມຢ່າງບໍ່ຢຸດຢັ້ງ,ເພີ່ມທະວີຄວາມໄວ້ເນື້ອເຊື່ອໃຈທາງຍຸດທະສາດຕື່ມອີກ,ລົງເລິກການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ,ຊຸກຍູ້ການພັດທະນາຮ່ວມກັນ.
