ພັກປະຊາທິປັດຂອງຍີ່ປຸ່ນຊະນະການເລືອກຕັ້ງສະພາຕ່ຳ
-----------------------------------------------------------------------------------------------------------------
ຜົນການນັບບັດສະແດງໃຫ້ເຫັນວ່າ,ໃນການເລືອກຕັ້ງ,ພັກປະຊາທິປັດທີ່ເປັນພັກຝ່າຍ ຄ້ານທີ່ໃຫຍ່ກວ່າໝູ່ໄດ້ຮັບ308ທີ່ນັ່ງຂອງທັງໝົດ480ທີ່ນັ່ງຂອງສະພາຕ່ຳ,ຫຼາຍກວ່າຈຳນວນທີ່ນັ່ງທີ່ຕ້ອງການເພື່ອຄອງອຳນາດແຕ່ຝ່າຍດຽວ ຄື 241ທີ່ນັ່ງ.ພັກເສລີປະຊາທິປະໄຕໄດ້119ທີ່ນັ່ງ,ທຽບກັບເວລາກ່ອນການເລືອກຕັ້ງໄດ້ຫຼຸດລົງ181ທີ່ນັ່ງ.
ໃນຄືນວັນທີ 30 ສິງຫານີ້,ທ່ານທາໂຣ ອາໂຊະ,ຫົວຫນ້າພັກເສລີ ປະຊາທິປະໄຕ ທັງເປັນນາຍົກລັດຖະມົນຕີຍີ່ປຸ່ນກ່າວວ່າ,ທ່ານຍອມຮັບຄວາມຜິດພາດຂອງຕົນເອງແລ້ວລາອອກຈາກຕຳແຫນ່ງ. ທ່ານຢູຄີໂອ ຮາໂຕຢາມາ,ຫົວໜ້າພັກປະຊາທິປັດກ່າວວ່າ,ທ່ານຈະກຽມເຂົ້າຮັບຕຳແຫນ່ງແທນທ່ານທາໂຣ ອາໂຊະໃນໄວໆນີ້, ແລະປຶກສາຫາລືກັບພັກສັງຄົມປະຊາທິປະໄຕແລະພັກປະຊາຊົນໃຫມ່ກ່ຽວກັບການສ້າງຕັ້ງລັດຖະບານປະສົມ. ລັດຖະບານຍີ່ປຸ່ນຊຸດໃຫມ່ທີ່ນຳໂດຍທ່ານຢູຄີໂອ ຮາໂຕຢາມາ,ນາຍົກລັດຖະມົນຕີ ຈະສ້າງຕັ້ງຂຶ້ນໃນໄລຍະ10ມື້ທຳອິດຂອງເດືອນກັນຍາປີນີ້.
ພັກປະຊາທິປັດຍີ່ປຸ່ນທີ່ຂຶ້ນຄອງອຳນາດມ່ນຢູ່ເຫນືອຄວາມຄາດຫມາຍຂອງວົງການການເມືອງຍີ່ປຸ່ນເຫນືອຄວາມຄາດຫມາຍ, ແລະສ້າງຄວາມຫວັງແລະການທ້າທາຍໃຫ້ແກ່ການພັດທະນາຍີ່ປຸ່ນໃນຕໍ່ຫນ້ານີ້. ແຕ່ວ່າ, ເມື່ອສັງເກດຈາກດ້ານຕ່າງໆເຊັ່ນ: ພັກປະຊາທິປັດປັບປຸງເນື້ອໃນຈຳນວນຫນຶ່ງຂອງທິດທາງບໍລິຫານປະເທດກ່ອນຫນ້ານີ້,ໂຄງປະກອບຂອງສະມາຊິກພັກປະຊາທິປັດ,ເວທີການເມືອງຂອງຍີ່ປຸ່ນຕົກຢູ່ໃນສະພາບແບບອະນຸລັກນິຍົມແລະພິຈາລະນາຈາກສະພາບຕົວຈິງເປັນຕົ້ນ, ພັກປະຊາທິປັດທັງເຮັດໃຫ້ຄວາມເຫັນແຕກຕ່າງກັນດ້ານການເມືອງກັບພັກເສລີປະຊາທິປະໄຕຈະແຈ້ງຂຶ້ນ, ທັງພະຍາຍາມເຮັດໃຫ້ສະຖານະການການເມືອງມີຄວາມຫມັ້ນຄົງ. ນັກວິເຄາະເຫັນ ວ່າ,ຫຼັງຈາກພັກປະຊາທິປັດຂຶ້ນຄອງອຳນາດແລ້ວ, ນະໂຍບາຍພາຍໃນແລະຕ່າງປະເທດຂອງພັກດັ່ງກ່າວເມື່ອທຽບກັບໄລຍະພັກເສລີປະຊາທິປະໄຕຄອງອຳນາດແລະທ່ານແມ່ນຍາກທີ່ຈະມີການປ່ຽນແປງຢ່າງຫຼວງຫຼາຍໃນເວລາສັ້ນໆ,ຢ່າງຫຼາຍກໍ່ມີແຕ່ການສະແດງອອກເອກະລັກພິເສດຂອງຕົນໃນຂະນະທີ່ສືບທອດນະໂຍບາຍພາຍໃນແລະຕ່າງປະເທດຂອງພັກເສລີປະຊາທິປະໄຕເທົ່ານັ້ນ.
ສາເຫດຕົ້ນຕໍແມ່ນ: ກ່ອນອື່ນໝົດ, ພັກປະຊາທິປັດແລະພັກເສລີປະຊາທິປະໄຕລ້ວນແຕ່ແມ່ນພັກອະນຸລັກນິຍົມ, ການປ່ຽນແປງຂອງອຳນາດການປົກຄອງເທື່ອນີ້ພຽງແຕ່ແມ່ນການປ່ຽນແປງໃນອິດທິກຳລັງອະນຸລັກນິຍົມຂອງຍີ່ປຸ່ນເທື່ອນີ້. ອັນທີສອງ, ພັກປະຊາທີປັດມີ 9 ຝ່າຍ, ການແຂ່ງຂັນພາຍໃນດຸເດືອດທີ່ສຸດ, ມີຄວາມຂັດແຍ່ງກັນຫຼາຍຢ່າງ, ເຮັດໃຫ້ຄວາມເຫັນທາງການເມືອງພາຍໃນພັກບໍ່ຄືກັນ, ສະນັ້ນຢາກວາງນະໂຍບາຍຕໍ່ບັນຫາສຳຄັນໃຫ້ເປັນເອກະພາບກັນແມ່ນຍາກຫຼາຍ.ນອກນີ້, ເຖິງວ່າພັກປະຊາທິປັດໄດ້ບ່ອນນັ່ງສ່ວນຫຼາຍໃນການເລືອກຕັ້ງ, ແຕ່ຍັງຕ້ອງໄດ້ປະສານງານກັບພັກສັງຄົມປະຊາທິປະໄຕແລະພັກຄອມມູນິດຍີ່ປຸ່ນເປັນຕົ້ນ,ນີ້ຈະເຮັດໃຫ້ພັກປະຊາທິປັດຖືກກົດໜ່ວງຈາກຄູ່ຮ່ວມລັດຖະບານ,ໃນບັນຫາສຳຄັນຕ່າງໆເຊັ່ນການດັດແກ້ລັດຖະທຳມະນູນ,ການສົ່ງທະຫານໄປຕ່າງປະເທດ,ສິດປ້ອງກັນຕົວຂອງໝູ່ຄະນະແລະບັນຫານີວເຄຼຍແຫຼມເກົາຫຼີເປັນຕົ້ນ,ພັກປະຊາທິປັດແລະພັກສັງຄົມປະຊາທິປະໄຕພັກຄອມມູນີດຍີ່ປຸ່ນແລະພັກປະຊາຊົນໃໝ່ມີຄວາມເຫັນຕ່າງກັນ, ນີ້ກໍ່ຈະຫຼຸດຄວາມສາມາດໃນການປະຕິຮູບຂອງພັກປະຊາທິປັດກ່ຽວກັບບັນຫາເຫຼົ່ານີ້.
ຊະນະການເລືອກຕັ້ງກໍ່ຍາກຢູ່ແລ້ວແຕ່ການຄອງອຳນາດຍິ່ງຍາກກວ່າອີກ, ພັກປະຊາທິປັດຍັງມີໜ້າທີ່ໜັກໜ່ວງແລະຍາວນານໃນຕໍ່ໜ້າ. ໃນເດືອນກໍລະກົດປີໜ້າຍີ່ປຸ່ນຈະຈັດການເລືອກຕັ້ງສະພາສູງ,ພັກປະຊາທິປັດຈະໄດ້ຮັບໄຊຊະນະອີກຫຼືບໍ່,ການສິ້ນສຸດສະພາບສະພາທີ່ສັບສົນທີ່ພັກເສລີປະຊາທິປະໄຕແລະພັກປະຊາທິປັດຕ່າງປົກຄອງສະພາສູງແລະສະພາຕ່ຳນັ້ນ,ລ້ວນແຕ່ຊີ້ຂາດຢູ່ນຳການຄອງອຳນາດຂອງພັກປະຊາທິປັດໃນໄລຍະໜຶ່ງຕໍ່ໜ້າ.
