ນາຍົກໄທກ່າວວ່າ,ເສດຖະກິດໄທມີສັນຍານດີຂຶ້ນ
-----------------------------------------------------------------------------------------------------------------
ຕາມຂ່າວຂອງຂ່າວສານໄທໃນວັນທີ13 ກັນຍານີ້,ຫວ່າງມໍ່ໆນີ້,ທ່ານອະພິສິດ ເວດຊາຊີວະ ນາຍົກລັດຖະມົນຕີໄທກ່າວວ່າ,ສັນຍານທີ່ເສດຖະກິດໄທດີຂຶ້ນແມ່ນຈະແຈ້ງ,ອັດຕາຫວ່າງງານກໍ່ຫຼຸດລົງ.ໃນຂະນະດຽວກັນ,ທ່ານຍັງກ່າວວ່າມາດຕະການທີ່ຮັບປະກັນລາຄາຜະລິດຕະພັນກະສິກຳຂອງລັດຖະບານຈະຊ່ອຍຊາວກະສິກອນຫຼຸດພົ້ນຈາກສະພາບຫຍຸ້ງຍາກ.
ທ່ານອະພິສິດກ່າວວ່າ,ຫວ່າງມໍ່ໆນີ້,ຫຼາຍຕົວເລກຄາດໝາຍສະແດງໃຫ້ເຫັນວ່າທ່າອຽງທີ່ເສດຖະກິດໄທດີຂຶ້ນແມ່ນຈະແຈ້ງ.ເບິ່ງຈາກອັດຕາຫວ່າງງານ,ປັດຈຸບັນ,ຄົນຫວ່າງງານຂອງໄທມີ3ແສນຫາ5ແສນຄົນ,ຕ່ຳກວ່າ1ລ້ານຄົນທີ່ຄາດຄະເນກ່ອນ.ທ່ານອະພິສິດກ່າວວ່າເຖິງວ່າເສດຖະກິດໄທໄດ້ຜ່ານໄລຍະທີ່ຫຍຸ້ງຍາກທີ່ສຸດ,ແຕ່ລັດຖະບານຍັງຈະສືບຕໍ່ປະຕິບັດມາດຕະການກະຕຸ້ນເສດຖະກິດຕ່າງໆເພື່ອຊຸກຍູ້ເສດຖະກິດໄທໃຫ້ອອກຈາກສະພາບຫຍຸ້ງຍາກໂດຍໄວ.
