ຈີນຕໍ່ຂານກັບຝ່າຍມຽນມາກ່ຽວກັບການຮັກສາສິດປະໂຫຍດຂອງພົນລະເມືອງຈີນຢູ່ມຽນມາ
-----------------------------------------------------------------------------------------------------------------
ຕາມຂ່າວສານຊິນຮວາ:ອີງຕາມຂ່າວຂອງເວບໄຊ້ກະຊວງການຕ່າງປະເທດຈີນ,ຫວ່າງມໍ່ໆນີ້,ກົມກົງສຸນຂອງກະຊວງການຕ່າງປະເທດຈີນໄດ້ຕໍ່ຂານກັບຝ່າຍມຽນມາກ່ຽວກັບການຮັກສາສິດປະໂຫຍດຂອງພົນລະເມືອງຈີນຢູ່ມຽນມາ.
ຂ່າວກ່າວວ່າ,ວັນທີ21 ກັນຍານີ້,ທ່ານເວິ້ຍເຫວີຍ ຫົວໜ້າກົມກົງສຸນຂອງກະຊວງການຕ່າງປະເທດຈີນໄດ້ພົບປະທ່ານກກີກີເຊນ ທີ່ເປິກສາຊັ້ນລັດຖະທູດຂອງສະຖານທູດມຽນມາປະຈຳຈີນ,ສະເໜີຕໍ່ຂານກ່ຽວກັບສິດປະໂຫຍດຂອງພົນລະເມືອງຈີນຢູ່ມຽນມາຖືກທຳລາຍໃນການປະທະການທາງການທະຫານພາກເໜືອມຽນມາໃນເດືອນສິງຫາປີນີ້,ທວງໃຫ້ຝ່າຍມຽນມາສຳຫຼວດເຫດການຢ່າງເຖິງຖອງໂດຍໄວ,ລົງໂທດຜູ່ຜິດກົດໝາຍຢ່າງເຄັ່ງຄັດ,ແລະແຈ້ງຜົນແກ້ໄຂໃຫ້ຝ່າຍຈີນຊາບ;ນຳໃຊ້ມາດຕະການທີ່ແຂງແຮງ,ຮັກສາສິດປະໂຫຍທີ່ຖືກຕາມກົດໝາຍຂອງພົນລະເມືອງຈີນຢູ່ມຽນມາ,ຮັບປະກັນບໍ່ເກີດເຫດການປະເພດນີ້ອີກ.
