ນາຍົກໄທໃຫ້ຄຳໝັ້ນສັນຍາວ່າຈະສຸມກຳລັງເຮັດໃຫ້ກອງປະຊຸມບາງກອກຂອງການເຈລະຈາການປ່ຽນແປງດິນຟ້າອາກາດຂອງສະຫະປະຊາຊາດໄດ້ຮັບຄວາມຄືບໜ້າ
-----------------------------------------------------------------------------------------------------------------
ຕາມຂ່າວສານຊິນຮວາ:ວັນທີ26 ກັນຍານີ້,ໃນເວລາກ່າວຄຳປາໄສໃນການອະພິປາຍທົ່ວໄປຂອງສະມັດຊາໃຫຍ່ສະຫະປະຊາຊາດຄັ້ງທີ64,ທ່ານອະພິສິດ ເວດຊາຊີວະນາຍົກລັດຖະມົນຕີໄທກ່າວວ່າ,ໄທຈະພະຍາຍາມຮັບປະກັນກອງປະຊຸມຮອບໃໝ່ຂອງການເຈລະຈາການປ່ຽນແປງດິນຟ້າອາກາດຂອງສະຫະປະຊາຊາດທີ່ຈະຈັດຂຶ້ນຢູ່ບາງກອກໃນອາທິດໜ້າໄດ້ຮັບ"ຄວາມຄືບໜ້າແທ້ຈິງ".
ທ່ານອະພິສິດ ເວດຊາຊີວະກ່າວວ່າ,ການຮັບມືກັບການປ່ຽນແປງຂອງດິນຟ້າອາກາດຕ້ອງການທົ່ວໂລກຮ່ວມມືກັນຢ່າງຮີບດ່ວນ,ປະຊາຄົມໂລກຄວນເຈລະຈາຕາມຫຼັກການ"ໜ້າທີ່ຮັບຜິດຊອບຮ່ວມກັນແຕ່ມີຄວາມແຕກຕ່າງກັນ"ແລະອີງຕາມ"ສົນທິສັນຍາຂອບສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ".
ກອງປະຊຸມຮອບໃໝ່ຂອງການເຈລະຈາການປ່ຽນແປງຂອງດິນຟ້າອາກາດຂອງສະຫະປະຊາຊາດຈະຈັດຂຶ້ນຢູ່ບາງກອກໃນວັນທີ28 ກັນຍາຫາວັນທີ9 ຕຸລາປີນີ້.
