ມຽນມາຮຽກຮ້ອງຂໍປະເທດຕາເວັນຕົກຢຸດການລົງໂທດທາງເສດຖະກິດ
-----------------------------------------------------------------------------------------------------------------
ຕາມຂ່າວcri:ວັນທີ28 ກັນຍານີ້,ໃນເວລາກ່າວຄຳປາໄສໃນການອະພິປາຍທົ່ວໄປຂອງສະມັດຊາໃຫຍ່ສະຫະປະຊາຊາດຄັ້ງທີ64ຢູ່ນິວຢອກ,ທ່ານເຕນ ເຊນ ນາຍົກລັດຖະມົນຕີມຽນມາຮຽກຮ້ອງຂໍປະເທດຕາເວັນຕົກຢຸດການລົງໂທດທາງເສດຖະກິດຕໍ່ມຽນມາ.
ທ່ານເຕນເຊນກ່າວວ່າ,ການລົງໂທດແມ່ນເຄື່ອງມືທາງການເມືອງທີ່ປະເທດ ຕາເວັນຕົກໃຊ້ຕໍ່ມຽນມາ,ມຽນມາຮຽກຮ້ອງໃຫ້ຢຸດການກະທຳທີ່"ບໍ່ຍຸດຕິທຳ"ໃນທັນທີ.ປັດຈຸບັນ,ມຽນມາໄດ້ຮັບຄວາມກ້າວໜ້າອັນຈະແຈ້ງໃນດ້ານປັບປຸງສັງຄົມແລະເສດຖະກິດພາຍໃນປະເທດໃຫ້ດີຂຶ້ນ,ຖ້າບໍ່ມີການລົງໂທດ,ຄວາມກ້າວໜ້າຈະມີຫຼາຍກວ່າເກົ່າ.
ໃນມື້ດຽວກັນ,ທ່ານເຄີດ ຄຳເບວ ຜູ່ຊ່ອຍລັດຖະມົນຕີກະຊວງການຕ່າງປະເທດອາເມລິກາທີ່ຮັບຜິດຊອບວຽກງານຂອງອາຊີຕາເວັນອອກແລະປາຊີຟິກກ່າວຢູ່ວໍຊິງຕັນວ່າ,ລັດຖະບານອາເມລິກາຈະສົນທະນາໂດຍກົງກັບມຽນມາກ່ຽວກັບບັນຫາກ່ຽວຂ້ອງ,ເພື່ອປັບປຸງການພົວພັນລະຫວ່າງອາເມລິກາກັບມຽນມາໃຫ້ດີຂຶ້ນ.ແຕ່ໃນຂະນະດຽວກັນ,ທ່ານກ່າວເນັ້ນວ່າ,ອາເມລິກາຈະບໍ່ຜ່ອນຄາຍການລົງໂທດຕໍ່ມຽນມາໃນທັນທີ.
