ທ່ານເວີນເຈຍປາວຕ້ອນຮັບຜູ້ຊ່ຽວຊານຕ່າງປະເທດທີ່ຮັບລາງວັນມິດຕະພາບຂອງລັດຖະບານຈີນສົກປີ 2009

(GMT+08:00) 2009-10-01 16:41:38 cri
-----------------------------------------------------------------------------------------------------------------

ທ່ານເວີນເຈຍປາວຕ້ອນຮັບຜູ້ຊ່ຽວຊານຕ່າງປະເທດ 100 ຄົນທີ່ໄດ້ຮັບລາງວັນມິດຕະພາບຂອງລັດຖະບານຈີນສົກປີ 2009 ພ້ອມຄອບຄົວຂອງເຂົາເຈົ້າ

ຕາມຂ່າວCRI: ວັນທີ 30 ກັນຍານີ້, ຢູ່ທີ່ປັກກິ່ງ, ທ່ານເວີນເຈຍປາວ, ນາຍົກລັດຖະມົນຕີຈີນໄດ້ຕ້ອນຮັບຜູ້ຊ່ຽວຊານຕ່າງປະເທດ 100 ຄົນທີ່ໄດ້ຮັບລາງວັນມິດຕະພາບຂອງລັດຖະບານຈີນສົກປີ 2009 ພ້ອມຄອບຄົວຂອງເຂົາເຈົ້າ, ໄດ້ສະແດງຄວາມຂອບອົກຂອບໃຈຕໍ່ເຂົາເຈົ້າທີ່ໄດ້ປະກອບສ່ວນອັນພົ້ນເດັ່ນເຂົ້າໃນການສ້າງສາທັນສະໄໝຂອງຈີນ.

ທ່ານເວີນເຈຍປາວກ່າວວ່າ, ເມື່ອສປຈີນສ້າງຕັ້ງຂຶ້ນ 60 ປີມານີ້, ໂດຍສະເພາະແມ່ນນັບແຕ່ດຳເນີນການປະຕິຮູບແລະໄຂປະຕູສູ່ພາຍນອກ 30 ປີມານີ້, ຈີນໄດ້ຮັບຜົນສຳເລັດອັນຍິ່ງໃຫຍ່ທີ່ປະຈັກຕາຊາວໂລກ. ຜົນສຳເລັດເຫຼົ່ານີ້ກໍ່ແມ່ນໝາກຜົນແຫ່ງຄວາມສາມັກຄີສູ້ຊົນຂອງປະຊາຊົນຈີນ, ກໍ່ໄດ້ເຕົ້າໂຮມສະຕິປັນຍາແລະການປະກອບສ່ວນຂອງຜູ້ຊ່ຽວຊານຕ່າງປະເທດແລະຜູ້ມີໄມຕີຈິດມິດຕະພາບສາກົນ. ຕໍ່ເລື່ອງນີ້, ປະຊາຊົນຈີນຈະຈື່ຈຳຊົ່ວນິລັນດອນ.

ທ່ານເວີ່ນເຈຍປາວກ່າວວ່າ, ການໄຂປະຕູສູ່ພາຍນອກຂອງຈີນແມ່ນການໄຂປະຕູສູ່ພາຍນອກຮອບດ້ານ. ຈີນຍິນດີຕ້ອນຮັບຜູ້ຊ່ຽວຊານຕ່າງປະເທດຫຼາຍກວ່າເກົ່າມາເຂົ້າຮ່ວມການສ້າງສາທັນສະໄໝຂອງຈີນ.

ຂ່າວ-ບົດທີ່ກ່ຽວຂ້ອງ

ຄຳເຫັນ