ອາເມລິກາໃຊ້ນະໂຍບາຍໄມ້ແຂງແລະໄມ້ອ່ອນຕໍ່ມຽນມາ
-----------------------------------------------------------------------------------------------------------------
ຕາມຂ່າວ cri:ວັນທີ 4 ພະຈິກນີ້, ທ່ານເຄີດແຄມເບຣ,ຜູ່ຊ່ວຍລັດຖະມົນຕີວ່າການກະຊວງການຕ່າງປະເທດອາເມລິກາທີ່ຊີ້ນຳວຽກງານອາຊີປາຊີຟິກໄດ້ສິ້ນສຸດການຢ້ຽມຢາມມຽນມາເປັນເວລາສອງວັນ.ທ່ານແມ່ນເຈົ້າຫນ້າທີ່ລະດັບສູງຂອງລັດຖະບານອາເມລິກາຜູ່ທຳອິດທີ່ໄປຢ້ຽມຢາມມຽນມາໃນ 14 ປີມານີ້.ວັນທີ 5 ພະຈິກນີ້,ຢູ່ບາງກອກຂອງໄທ, ທ່ານສຄອດ ມາເຊຣ,ເອອັກຄະລັດຖະທູດອາເມລິກາກ່ຽວກັບວຽກງານອາຊຽນທີ່ໄປນຳທ່ານແຄມເບຣກ່າວວ່າ, ເຖິງວ່າລັດຖະບານອາເມລິກາເລີ່ມປະຕິບັດນະໂຍບາຍຕິດຕໍ່ກັບມຽນມາກໍ່ຕາມ, ແຕ່ກ່ອນການປະຕິຮູບປະຊາທິປະໄຕຂອງລັດຖະບານມຽນມາໄດ້ຮັບຄວາມຄືບຫນ້າລະອຽດແລ້ວ, ລັດຖະບານອາເມລິກາຈະບໍ່ຍົກເລີກການລົງໂທດຕໍ່ມຽນມາ.ຂ່າວສານອາເປກເຫັນວ່າ, ອາເມລິກາພວມແກວ່ງໄມ້ແຂງແລະໄມ້ອ່ອນ,ທັງສົນໃຈຢ່າງໃກ້ຊິດນຳການກະທຳໃນບາດກ້າວຕໍ່ໄປຂອງລັດຖະບານມຽນມາ.
ຫາງສຽງເຫັນວ່າ,ການຢ້ຽມຢາມຂອງທ່ານແຄມເບຣເທື່ອນີ້ໄດ້ຮັບຄວາມສົນໃຈຢ່າງກວ້າງຂວາງແມ່ນຍ້ອນວ່າພາຍຫລັງລັດຖະບານທະຫານມຽນມາຂຶ້ນກຳອຳນາດໃນປີ 1988 ເປັນຕົ້ນມາ, ອາເມລິກາໄດ້ໃຊ້ນະໂຍບາຍແຂງທີ່ໃຫ້ມຽນມາໂດດດ່ຽວດ້ານການຕ່າງປະເທດແລະລົງໂທດດ້ານເສດຖະກິດ, ເຊິ່ງລວມທັງຫ້າມບໍ່ໃຫ້ເຈົ້າຫນ້າທີ່ລະດັບສູງຂອງມຽນມາເຂົ້າແດນອາເມລິກາແລະອື່ນໆ,ເຮັດໃຫ້ການພົວພັນລະຫວ່າງສອງປະເທດນີ້ຊຸດຮ້າຍລົງເລື້ອຍໆ.ເຖິງວ່າໃນສະໄຫມທີ່ທ່ານບິວຄຼິນຕັນກຳອຳນາດ, ນາງອອນແບຼດ,ເອກອັກຄະລັດຖະທູດອາເມລິກາປະຈຳສະຫະປະຊາຊາດເຄີຍໄປຢ້ຽມຢາມມຽນມາໃນປີ 1995 ກໍ່ຕາມ, ແຕ່ການພົວພັນລະຫວ່າງສອງຝ່າຍບໍ່ໄດ້ຮັບການປັບປຸງໃຫ້ດີຂຶ້ນ.ໃນໄລຍະທີ່ທ່ານຈອດຈ໊ບຸສກຳອຳນາດເປັນເວລາ 8 ປີ, ລັດຖະບານອາເມລິກາໄດ້ຖືມຽນມາເປັນແນວຫນ້າຂອງການປົກຄອງດ້ວຍຄວາມຮຸນແຮງ,ຈິ່ງລົງໂທດມຽນມາດ້ານເສດຖະກິດຮຸນແຮງຂຶ້ນນຳຄູ່ປີ.
ພາຍຫຼັງທ່ານບາຣັກ ໂອບາມາ, ປະທານາທິບໍດີອາເມລິກາຂຶ້ນຮັບຕຳແໜ່ງໃນຕົ້ນປີນີ້ແລ້ວ, ການພົວພັນລະຫວ່າງອາເມລິກາກັບມຽນມາມີທ່າອຽງທີ່ດີຂຶ້ນ. ທ່ານຈິມ ແວັບ, ສະມາຊິກວຸດທີສະພາທີ່ຂຶ້ນກັບພັກປະຊາທິປະໄຕອາເມລິກາໄດ້ໄປຢ້ຽມຢາມມຽນມາໃນເດືອນສີງຫາປີນີ້, ແລະໄດ້ພົບປະກັບພົນຈັດຕະວາ ທັນສະເວ, ປະທານຄະນະກຳມະການສັນຕິພາບແລະການພັດທະນາແຫ່ງຊາດມຽນມາ, ຍັງໄດ້ພົບປະກັບນາງອອງຊັນຊູຈີທີ່ຖືກກັກບໍລິເວນ, ຍັງໄດ້ນຳພາຢໂດ, ພົນລະເມືອງອາເມລິກາທີ່ຖືກມຽນມາຕັດອິດສະລະພາບນັ້ນກັບຄືນສູ່ອາເມລິກາຢ່າງສຳເລັດຜົນ. ໃນເດືອນກັນຍາປີນີ້, ອາເມລິກາໄດ້ເບີກບັດອະນຸຍາດເຂົ້າແດນໃຫ້ທ່ານທັນສະເວ, ນາຍົກລັດຖະມົນຕີມຽນມາ, ເຮັດໃຫ້ທ່ານກາຍເປັນເຈົ້າໜ້າທີ່ລະດັບສູງຜູ້ທຳອິດຂອງລັດຖະບານທະຫານມຽນມາທີ່ໄປນີວຢອກເພື່ອເຂົ້າຮ່ວມສະມັດຊາໃຫຍ່ສະຫະປະຊາຊາດໃນ 14 ປີມານີ້.
ວັນທີ 29 ກັນຍານີ້, ທ່ານແຄມເບວແລະທ່ານອູຕາງ, ລັດຖະມົນຕີວ່າການກະຊວງວິທະຍາສາດເຕັກໂນໂລຢີມຽນມາຕ່າງໄດ້ພາຄະນະຜູ້ແທນລັດຖະບານຕົນຈັດການສົນທະນາລະດັບສູງລະຫວ່າງສອງປະເທດຢູ່ນີວຢອກເປັນຄັ້ງທຳອິດໃນຫຼາຍປີມານີ້.ນັກວິເຄາະເຫັນວ່າ, ທ່ານແຄມເປວໄປຢ້ຽມຢາມມຽນມາເທື່ອນີ້ມີຈຸດປະສົງສືບຕໍ່ຊຸກຍູ້ການສົນທະນາໂດຍກົງລະຫວ່າງສອງປະເທດ, ປະຕິບັດນະໂຍບາຍໃໝ່ຂອງລັດຖະບານໂອບາມາຕໍ່ລັດຖະບານມຽນມາ; ລັດຖະບານມຽນມາຕ້ອນຮັບທ່ານຄຳເປີຢ່າງລະດັບສູງ, ແລະຕອບສະໜອງຄວາມຮຽກຮ້ອງຈຳນວນໜຶ່ງຂອງອາເມລິກາ, ນັ້ນ, ກໍ່ເປັນການສະແດງມິດຕະພາບຕໍ່ອາເມລິກາ, ສອງຝ່າຍຢາກຊອກຮູ້ທັດສະນະຂອງຝ່າຍກົງກັນຂ້າມໂດຍຜ່ານການຕິດຕໍ່ຢ່າງລະມັດລະວັງ.
ຫາງສຽງເຫັນວ່າ, ວັນທີ 5 ພະຈິກນີ້, ທ່ານຊານ ເກວລີ, ໂຄສົກກະຊວງການຕ່າງປະເທດອາເມລິກາ ເຄີຍກ່າວວ່າ, ລັດຖະບານໂອບາມາ ຈະຊອກຫາວິທີທີ່ມີປະສິດທີຜົນທີ່ສຸດ ເພື່ອຊຸກຍູ້ຂະບວນການປະຊາທິປະໄຕຂອງ ມຽນມາ. ໃນໄລຍະທ່ານເຄີດ ແຄມເບວ ໄປຢ້ຽມຢາມມຽນມາເທື່ອນີ້, ທ່ານກ່າວວ່າ, ນະໂຍບາຍໃຫມ່ຂອງອາເມລິກາທີ່ມີຕໍ່ມຽນມາ ມີ 3 ຈຸດປະສົງ, ຄື: ການສະຫນັບສະຫນູນສິດທິມະນຸດ, ປ່ອຍຕົວນາງອັອງຊານຊູຈີ ແລະຜູ່ນຳຂອງຝ່າຍຄ້ານອື່ນໆແລະຊຸກຍູ້ການປະຕິຮູບແບບປະຊາທິປະໄຕ. ລັດຖະ ບານມຽນມາ ຈະຮັບມືກັບຄວາມກົດດົນຂອງອາເມລິກາແນວໃດ, ນະໂຍບາຍໃຫມ່ຂອງອາເມລິກາທີ່ຕິດແທດຕົວຈິງແລະຕິດຕໍ່ພົວພັນທີ່ມີຕໍ່ມຽມມາ ແມ່ນວິທີທີ່ທີ່ມີປະສິດທີຜົນທີ່ສຸດທີ່ສຸດຫຼືບໍ່, ແລະການພົວພັນລະຫວ່າງມຽມມາກັບອາເມລິກາ ຈະຮັກສາທ່ວງທ່າໃນປະຈຸບັນທີ່ຕິດຕໍ່ພົວພັນແລະສົນທະນາກັນຫຼືບໍ່, ທັງຫມົດເຫຼົ່ານີ້ຈະຕ້ອງໃຫ້ຄົນສັງເກດຕື່ມອີກ.
