ທ່ານຫູຈີນທ່າວກ່າວວ່າຝ່າຍຈີນຍິນດີຮ່ວມກັບຝ່າຍຕ່າງໆພະຍາຍາມຊຸກຍູ້ເສດຖະກິດໂລກພັດທະນາແບບຍຶນຍົງ
-----------------------------------------------------------------------------------------------------------------
ຕາມຂ່າວcri:ວັນທີ15 ພະຈິກນີ້,ກອງປະຊຸມເອເປັກຄັ້ງທີ17ອັດລົງຢູ່ສິງກະໂປ.ໃນເວລາກ່າວຄຳປາໄສ,ທ່ານຫູຈີນທ່າວ ປະທານປະເທດຈີນຮຽກຮ້ອງຝ່າຍຕ່າງໆພະຍາຍາມຮ່ວມກັບປັບປຸງທ່າອຽງຟື້ນຟູເສດຖະກິດໂລກ,ຊຸກຍູ້ເສດຖະກິດໂລກພັດທະນາຢ່າງສົມດຸນແລະມີລະບຽບ,ແລະກ່າວວ່າຈີນຈະຮ່ວມມືກັບປະຊາຄົມໂລກ,ຮັບມືສິ່ງທ້າທາຍ,ປະກອບສ່ວນເພື່ອເສດຖະກິດໂລກເຕີບໂຕຢ່າງຫຼາກຫຼາຍ,ຍຶນຍົງ,ແລະສົນດຸນ.
ກອງປະຊຸມເອເປັກຄັ້ງທີ17ໄດ້ແບ່ງເປັນ2ຕອນ.ໃນກອງປະຊຸມຕອນທຳອິດທີ່ຈັດຂຶ້ນໃນວັນທີ14 ພະຈິກນີ້,ຜູ່ນຳເອເປັກແລກປ່ຽນຄວາມເຫັນຕົ້ນຕໍກ່ຽວກັບ"ຮັດແໜ້ນການພົວພັນໃນພາກພື້ນ";ໃນກອງປະຊຸມຕອນທີ2ໃນວັນທີ15 ພະຈິກນີ້, ຝ່າຍຕ່າງໆໄດ້ຄົ້ນຄວ້າ"ການຊຸກຍູ້ການເຕີບໂຕແບບຍຶນຍົງ"ແນວໃດ.ໃນກອງປະຊຸມຕອນທີ1,ທ່ານຫູຈີນທ່າວກ່າວຄຳປາໄສທີ່ມີລັກສະນະຊັກນຳກ່ຽວກັບການສະໜັບສະໜູນລະບຽບການຄ້າຫຼາຍຝ່າຍ,ຮຽກຮ້ອງໃຫ້ຍົກສູງລະດັບເປີດປະຕູຂອງການຄ້າສາກົນ,ລຶບລ້າງລັດທິປົກປ້ອງການຄ້າ.ໃນກອງປະຊຸມທີ່ຈັດຂຶ້ນໃນວັນທີ15 ພະຈິກນີ້,ທ່ານຫູຈີນທ່າວສະເໜີເຈດຈຳນົງຕົ້ນຕໍກ່ຽວກັບປັບປຸງທ່າອຽງຟື້ນຟູ,ຊຸກຍູ້ເສດຖະກິດໂລກພັດທະນາຢ່າງສົມດຸນແລະມີລະບຽບ.
ໃນເວລາກ່າວຄຳປາໄສ,ທ່ານຫູຈີນທ່າວຊີ້ອອກເປັນພິເສດວ່າ,ຜົນກະທົບອັນເລິກເຊິ່ງຈາກວິກິດການການເງິນສາກົນທີ່ຍັງມີຢູ່ໃນປະຈຸບັນ,ພ້ອມດ້ວຍບັນຫາທົ່ວໂລກທີ່ນັບມື້ນັບພົ້ນເດັ່ນເຊັ່ນການປ່ຽນແປງຂອງດິນຟ້າອາກາດ ຄວາມປອດໄພດ້ານອາຫານແລະອື່ນໆ,ໄດ້ນຳເອົາການທ້າທາຍອັນເຄັ່ງຄັດມາໃຫ້ການຟື້ນຕົວຢ່າງຮອບດ້ານແລະການພັດທະນາຢ່າງຍາວນານຂອງເສດຖະກິດອາຊີປາຊີຟິກກໍ່ຄືທົ່ວໂລກ.ປະຈຸບັນ,ຄວນປະຕິບັດຕາມທັດສະນະໄຂປະຕູແລະຮ່ວມມື,ໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ,ພະຍາຍາມພ້ອມກັນປັບປຸງທ່າອຽງຟື້ນຕົວຂອງເສດຖະກິດໂລກໃຫ້ໝັ້ນຄົງ,ຊຸກຍູ້ໃຫ້ເສດຖະກິດໂລກພັດທະນາຢ່າງດຸນດຽງແລະມີລະບຽບ.
ທ່ານຫູຈີນທ່າວຫວັງໃຫ້ອົງກອນເສດຖະກິດຕ່າງໆຂອງເອເປັກຮັກສາຄວາມສືບເນື່ອງແລະຄວາມໝັ້ນທ່ຽງຂອງນະໂຍບາຍເສດຖະກິດມະຫາພາກ,ໃຊ້ມາດຕະການທີ່ຕິດແທດຕົວຈິງແລະບັງເກີດຜົນກວ່າເກົ່າ,ພະຍາຍາມຊຸກຍູ້ການບໍລິໂພກແລະເພີ່ມຄວາມຕ້ອງການພາຍໃນປະເທດ,ເດັດດ່ຽວຮັກສາລະບົບການຄ້າແລະການລົງທຶນທົ່ວໂລກທີ່ຍຸດຕິທຳ ເສລີແລະໄຂປະຕູ.ໃນຂະນະທີ່ຊຸກຍູ້ໃຫ້ເສດຖະກິດຟື້ນຟູການເຕີບໂຕ,ປັບປຸງໂຄງປະກອບພະລັງງານໃຫ້ດີຂຶ້ນ,ຊຸກຍູ້ການຍົກລະດັບຂອງຜະລິດຕະກຳ,ພັດທະນາເສດຖະກິດໄຮ້ມົນລະພິດ,ສ້າງຈຸດເຕີບໂຕເສດຖະກິດອັນໃໝ່.ສ່ວນໃນການສະແຫວງຫາການເຕີບໂຕແບບຍືນຍົງ,ສະມາຊິກທີ່ໄດ້ພັດທະນາແລ້ວຄວນສະໜອງການສະໜັບສະໜູນດ້ານທຶນ ການໂອນເຕັກນິກແລະການສ້າງສາຄວາມສາມາດໃຫ້ແກ່ສະມາຊິກທີ່ພວມພັດທະນາ,ຮັບປະກັນໃຫ້ສະມາຊິກທີ່ພວມພັດທະນາໃຊ້ເຕັກນິກມີໄມຕີຈິດມິດຕະພາບກັບດິນຟ້າອາກາດໄດ້.
ເມື່ອເວົ້າເຖິງບັນຫາຮັບມືກັບການປ່ຽນແປງຂອງດິນຟ້າອາກາດ,ທ່ານຫູຈິນທ່າວກ່າວເນັ້ນອີກເທື່ອໜຶ່ງວ່າ,"ສົນທິສັນຍາຂອບສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ"ແລະ"ອະນຸສັນຍາກຽວໂຕ"ແມ່ນຊ່ອງທາງສຳຄັນຂອງປະຊາຄົມໂລກທີ່ພ້ອມກັນຮັບມືກັບການປ່ຽນແປງຂອງດິນຟ້າອາກາດ ,ການຮ່ວມມືລະຫວ່າງຊາດທີ່ກ່ຽວຂ້ອງຄວນຍຶດໝັ້ນຫຼັກການຫຼາຍແບບໜ້າທີ່,ຮັບຜິດຊອບຮ່ວມແຕ່ກໍ່ມີຄວາມແຕກຕ່າງກັນ.ປະເທດທີ່ໄດ້ພັດທະນາແລ້ວຄວນອີງຕາມຫຼັກການທີ່ໄດ້ຢືນຢັນໃນ"ສົນທິສັນຍາຂອບຂອງສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ"ແລະຄາດໝາຍທີ່"ແຜນການບາຫຼີ"ສະເໜີອອກມາ,ສືບຕໍ່ນຳໜ້າຫຼຸດການລະບາຍຫຼັງປີ2012,ພ້ອມທັງຊ່ວຍປະເທດທີ່ພວມພັດທະນາຍົກສູງຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດ.ປະເທດທີ່ພວມພັດທະນາກໍ່ຄວນຜ່ານການປະຕິບັດຍຸດທະສາດການພັດທະນາແບບຍືນຍົງເພື່ອທຳຄວາມພະຍາຍາມຂອງຕົນເອງໃນການຮັບມືກັບການປ່ຽນແປງຂອງດິນຟ້າອາກາດ.ພ້ອມກັນນັ້ນ,ທ່ານຍັງກ່າວວ່າ,ກອງປະຊຸມໂກເປັນຮາກແມ່ນກອງປະຊຸມສຳຄັນເທື່ອໜຶ່ງທີ່ປະຊາຄົມໂລກຮ່ວມມືກັນຮັບມືກັບການປ່ຽນແປງຂອງດິນຟ້າອາກາດ,ຈີນຍິນດີເຂົ້າຮ່ວມການເຈລະຈາດ້ວຍທ່າທີອັນຕັ້ງໜ້າ,ຮ່ວມກັບຝ່າຍຕ່າງໆເພື່ອພ້ອມກັນຊຸກຍູ້ໃຫ້ກອງປະຊຸມຮັບໝາກຜົນອັນຕັ້ງໜ້າ.
ໃນເວລາປະກອບຄຳຄິດຄຳເຫັນ,ທ່ານຫູຈິນທ່າວໄດ້ສະແດງທ່າທີຂອງຈີນທີ່ເອົາໃຈໃສ່ໃນລະດັບສູງແລະຈະເຂົ້າຮ່ວມການຮ່ວມມືຂອງເອເປັກໃນຂົງເຂດຕ່າງໆຢ່າງຕັ້ງໜ້າ,ທ່ານຍັງກ່າວເນັ້ນວ່າ,ຈີນຍຶດໝັ້ນການພັດທະນາຢ່າງສັນຕິພາບ,ການໄຂປະຕູແລະການຮ່ວມມືຢ່າງສະເໝີຕົ້ນສະເໝີປາຍ,ຍອມທຳຄວາມພະຍາຍາມຢ່າງບໍ່ລົດລະເພື່ອຊຸກຍູ້ການສ້າງໂລກທີ່ກົມກຽວກັນມີສັນຕິພາບອັນຍາວນານ,ແລະຈະເລີນຮຸ່ງເຮືອງ.
