ທ່ານບາລັກ ໂອບາມາແລະຜູ່ນຳບັນດາປະເທດອາຊຽນຈັດກອງປະຊຸມສຸດຍອດຄັ້ງທຳອິດ
-----------------------------------------------------------------------------------------------------------------
ຕາມຂ່າວສານຊິນຮວາ:ຕອນບ່າຍວັນທີ15 ພະຈິກນີ້,ທ່ານບາລັກ ໂອບາມາ ປະທານາທິບໍດີອາເມລິກແລະຜູ່ນຳ10ປະເທດອາຊຽນໄດ້ຈັດກອງປະຊຸມສຸດຍອດຢູ່ສິງກະໂປ,ສອງຝ່າຍໄດ້ອອກຖະແຫຼງການຮ່ວມພາຍຫຼັງກອງປະຊຸມວ່າ,ສອງຝ່າຍຈະເພີ່ມທະວີການຮ່ວມມືໃນວຽກງານທົ່ວໂລກແລະພາກພື້ນ.ສອງຝ່າຍເຫັນດີຈະຈັດກອງປະຊຸມສຸດຍອດອາເມລິກາກັບອາຊຽນເທື່ອທີ2ໃນປີ2010.
ຖະແຫຼງການຮ່ວມກ່າວວ່າ,ອາເມລິກາຊົມເຊີຍແຜນການຂອງອາຊຽນທີ່ສ້າງປະຊາຄົມກ່ອນ2015ຕາມກົດບັດ.ສອງຝ່າຍເຫັນດີຈະເພີ່ມທະວີການຮ່ວມມື,ຕັ້ງໜ່ວຍບຸກຄົນທີ່ມີຊື່ສຽງອາຊຽງອາເມລິກາ,ສະໜັບສະໜູນອາຊຽນແລະອາເມລິກາລົງເລິກການຮ່ວມມືໃນວຽກງານພາກພື້ນແລະທົ່ວໂລກ.ໃນຖະແຫຼງການຮ່ວມ,ທ່ານໂອບາມາປະກາດວ່າ,ອາເມລິກາຈະຊ່ວຍຫຼຸດຊ່ອງຫວ່າງໃນອາຊຽນ,ອາເມລິກາຈະຖືອາຊຽນເປັນຄູ່ຮ່ວມມືທີ່ຄັນທີ່ຊຸກຍູ້ສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງຢູ່ພາກພື້ນອາຊີເປີຊີຟິກ.
