ວັນທີ 30 ພະຈິກແລ້ວນີ້ຢູ່ສຳນັກງານສະຫະປະຊາຊາດທີ່ນີວຢອກ, ອົງການຂອງສະຫະປະຊາຊາດຕ້ານເອດຫຼືUNAIDS, ອົງການສະຫະປະຊາຊາດເພື່ອເດັກນ້ອຍຫຼືຢູນີເຊັຟ, ອົງການສະຫະປະຊາຊາດເພື່ອປະຊາກອນແລະອົງການອະນາໄມໂລກຫຼືWHOໄດ້ຮ່ວມກັນເຜີຍແຜ່ບົດລາຍງານ"ເດັກນ້ອຍແລະພະຍາດເອດ"ປີ 2009. ບົດລາຍງານຂຽນວ່າ, ຄວາມພະຍາຍາມຂອງປະເທດຕ່າງໆໃນການປ້ອງກັນແລະປິ່ນປົວພະຍາດເອດ, ໂດຍສະເພາະແມ່ນປ້ອງກັນການແຜ່ເຊື້ອຈາກແມ່ສູ່ລູກນັ້ນໄດ້ຮັບຄວາມຄືບໜ້າເປັນຢ່າງດີ, ແຕ່ຍັງບໍ່ສາມາດຕອບສະໜອງຄວາມຕ້ອງການພື້ນຖານຂອງເດັດນ້ອຍທີ່ໄດ້ຮັບຜົນສະທ້ອນຈາກພະຍາດເອດໄດ້ຢ່າງພຽງພໍເທື່ອ. ຕໍ່ໄປເຊີນຟັງລາຍງານຂອງນັກຂ່າວCRIປະຈຳສະຫະປະຊາຊາດ.
ບົດລາຍງານສະບັບດັ່ງກ່າວທີ່ອົງການຫຼາຍແຫ່ງຮ່ວມກັນເຜີຍແຜ່ນັ້ນໄດ້ເອົາໃຈໃສ່ເປັນພິເສດນຳວຽກງານທີ່ດຳເນີນຕໍ່ແມ່ຍິງແລະເດັກນ້ອຍຂອງປະເທດຕ່າງໆໃນໂລກເພື່ອປ້ອງກັນແລະປິ່ນປົວພະຍາດເອດ, ແລະໄດ້ວາງມາດຖານແລະທິດທາງຊີ້ນຳຕ່າງໆໃຫ້ແກ່ການກະທຳຕົວຈິງ. ວັນທີ 30 ພະຈິກແລ້ວນີ້, ທ່ານເບີທີວ ລິນດ໌ບຼັດ, ຜູ້ຮັບຜິດຊອບຂອງອົງການUNAIDSປະຈຳນີວຢອກກ່າວວ່າ, ເຖິງວ່າປະຊາຄົມໂລກໄດ້ຮັບຄວາມຄືບໜ້າອັນຕັ້ງໜ້າໃນດ້ານການປ້ອງກັນແລະປິ່ນປົວພະຍາດເອດກໍຕາມ, ແຕ່ການປ້ອງກັນແລະປິ່ນປົວພະຍາດເອດຂອງໂລກຍັງປະເຊີນກັບການທ້າທາຍໃຫຍ່ໃຫຍ່ຫຼວງ, ຕ້ອງການໃຫ້ລັດຖະບານຂອງປະເທດຕ່າງໆສືບຕໍ່ເອົາໃຈໃສ່ແລະສະໜັບສະໜູນ.
ທ່ານກ່າວວ່າ:ປີ 2006, ກອງປະຊຸມສະຫະປະຊາຊາດໄດ້ຜ່ານຮູບການຂອງຖະແຫລງການທາງການເມືອງ, ຮຽກຮ໊ອງໃຫ້ທົ່ວໂລກຮ່ວມກັນທຳຄວາມພະຍາຍາມເພື່ອຕ້ານເອດ,ດ້ວຍເຫດນີ້,ພວກເຮົາຕ້ອງການຮັບປະກັນໃຫ້ມາດຕະການຕ້ານເອດດຳເນີນໄປຢ່າງຕໍ່ເນຶ່ອງແລະດີຂຶ້ນເລື້ອຍໆ,ແນ່ນອນແລ້ວ, ພາຍໃຕ້ສະພາບວິກິດການການເງິນໃນປັດຈຸບັນ, ການຈະຮັບປະກັນແຫລ່ງເງິນທຶນເພື່ອປ້ອງກັນປິ່ນປົວເອດແນວໃດນັ້ນກໍ່ແມ່ນສຳຄັນທີ່ສຸດ.
ບົດລາຍງານສະບັບນີ້ສະແດງໃຫ້ເຫັນວ່າ, ປະເທດຈຳນວນຫນຶ່ງໄດ້ຮັບຄວາມຄືບຫນ້າຢ່າງຫລວງຫລາຍໃນການປ້ອງກັນບໍ່ໃຫ້ແມ່ແຜ່ເຊື້ອເອດສູ່ລູກແລະກວດເລືອດໃຫ້ຜູ່ຍິງຖືພາ.ຢູ່ປະເທດບົສວານາ,ນາມີບີແລະອາຟຼີກາໃຕ້ທີ່ມີຈຳນວນຄົນຕິດເຊື້ອເອດຫລາຍ,ສາມປະເທດນີ້ມີຄົນຕິດເອດໄດ້ຮັບການປິ່ນປົວກວມ 95%,91%,ແລະ 73% ໄດ້ຮັບການປິ່ນປົວ,ໃນນັ້ນ, ອາຟຼີກາໃຕ້ໄດ້ຮັບຄວາມຄືບຫນ້າທີ່ສຸດ,ປີ 2004, ອັດຕາການປ້ອງກັນບໍ່ໃຫ້ແມ່ແຜ່ເຊື້ອເອດສູ່ລູກຢູ່ໃນປະເທດນີ້ມີພຽງແຕ່ 15% ເທົ່ານັ້ນ.ໃນທົ່ວໂລກ, ເຖິງວ່າການປິ່ນປົວເດັກນ້ອຍທີ່ມີເຊື້ອເອດນັ້ນຍັງຫລ້າຫລັງກວ່າການປິ່ນປົວຜູ່ໃຫຍ່ກໍ່ຕາມ, ແຕ່ອັດຕາປົກຄຸມໄດ້ເພີ່ມຂຶ້ນເປັນ 38%.
ນອກນີ້,ບົດລາຍງານຍັງໄດ້ໃຫ້ຄວາມສົນໃຈເປັນພິເສດຕໍ່ການປ້ອງກັນພະຍາດເອດໃນຫມູ່ຊາວຫນຸ່ມ.ນາງເຣສມາ ທັດນີ ແມ່ນເຈົ້າຫນ້າທີ່ຂອງອົງການຈັດຕັ້ງສັງຄົມແຫ່ງຫນຶ່ງທີ່ຊ່ວຍຊາວຫນຸ່ມປ້ອງກັນພະຍາດເອດ.ນາງບອກວ່າ, ຄວາມເຂົ້າໃຈຕໍ່ພະຍາດເອດຂອງຄົນທັງຫລາຍຍັງບໍ່ພຽງພໍ,ໂດຍສະເພາະແມ່ນຊາວຫນຸ່ມ,ສະນັ້ນ,ຕ້ອງສະຫນອງຄວາມຮູ້ທີ່ຖືກຕ້ອງແລະຮອບດ້ານໃນການປ້ອງກັນເອດໃຫ້ຊາວຫນຸ່ມ.ນາງເວົ້າວ່າ:
ຊາວຫນຸ່ມບໍ່ແມ່ນຄືກັນຫມົດ,ສະນັ້ນ,ພວກເຮົາຕ້ອງສົນໃຈນຳກຸ່ມຄົນທີ່ມີຄວາມສ່ຽງເປັນພະຍາດນີ້ສູງສຸດ,ເຊິ່ງລວມທັງ:ຜູ່ເສບຢາເສບຕິດ,ຜູ່ເຮັດວຽກບໍລິການທາງເພດ,ກຸ່ມຮັກຮ່ວມເພດແລະຜູ່ອື່ນໆ.ແຜນການປ້ອງກັນພະຍາດເອດທີ່ແນໃສ່ຊາວຫນຸ່ມນັ້ນຄວນເອົາໃຈໃສ່ເປັນພິເສດຕໍ່ກຸ່ມຄົນທີ່ມີຄວາມສ່ຽງສູງດັ່ງກ່າວ.
