ມາກາວສະຫຼອງກັບຄືນປະເທດຊາດຄົບຮອບ10ປີ
(GMT+08:00) 2009-12-20 18:18:15 cri
ວັນທີ20ທັນວານີ້, ພິທີສະຫຼອງມາກາວກັບຄືນປະເທດຈີນຄົບຮອບ10ປີພ້ອມພິທີດຳລົງຕຳແໜ່ງຂອງອົງການປົກຄອງຊຸດທີສາມຂອງເຂດບໍລິຫານພິເສດມາກາວຈັດຂຶ້ນຢູ່ມາກາວ.ໃນພິທີດັ່ງກ່າວ, ທ່ານຫູຈິນທ່າວ, ປະທານປະເທດຈີນກ່າວວ່າ, ລັດຖະບານກາງຈະສືບຕໍ່ປະຕິບັດທິດທາງ"ປະເທດດຽວສອງລະບອບ". ທິດທາງ, ນະໂຍບາຍແລະມາດຕະການໃດໆທີ່ລັດຖະບານໃຊ້ສຳລັບຮົງກົງແລະມາກາວ, ລ້ວນແຕ່ຈະຍຶດໝັ້ນຫຼັກການທີ່ມີຜົນດີຕໍ່ການຮັກສາຄວາມຈະເລີນຮຸ່ງເຮືອງແລະສະຖຽນລະພາບອັນຍາວນານຂອງຮົງກົງແລະມາກາວ, ມີຜົນດີຕໍ່ການເພີ່ມ ຄວາມສຸກຂອງປະຊາຊົນຮົງກົງແລະມາກາວ, ມີຜົນດີຕໍ່ການຊຸກຍູ້ຮົງກົງ, ມາກາວແລະລັດພັດທະນາຮ່ວມກັນ.
ວັນທີ20ທັນວາປີ1999, ລັດຖະບາຍຈີນແລະປອກຕຸຍການໄດ້ຈັດພິທີມອບຮັບອຳນາດການປົກຄອງມາກາວ, ມາກາວກັບຄືນສູ່ປະເທດຊາດ, ແລະກາຍເປັບເຂດບໍລິຫານພິເສດທີສອງເຊິ່ງຖັດຈາກຮົງກົງ. ອີງຕາມກົດໝາຍທີ່ກ່ຽວຂ້ອງ, ມາກາວປະຕິບັດທິດທາງ"ປະເທດດຽວສອງລະບອບ", ສືບຕໍ່ປະຕິບັດລະບອບທຶນນິຍົມຄືເກົ່າ.
ໃນພິທີທີ່ຈັດຂຶ້ນໃນວັນທີ20ທັນວານີ້, ທ່ານຫູຈິນທ່າວໄດ້ຕີລາຄາສູງຕໍ່ໝາກຜົນທີ່ມາກາວໄດ້ຮັບນັບແຕ່ກັບຄືນປະເທດຊາດ10ປີມານີ້. ທ່ານກ່າວວ່າ,
ແຕ່ມາກາວກັບຄືນປະເທດຊາດ10ປີມານີ້, ພາຍໃຕ້ການສະໜັບສະໜູນຢ່າງແຂງແຮງຂອງລັດຖະບານກາງແລະແຜ່ນດິນໃຫຍ່ຈີນ, ທ່ານເຮີໂຫ້ວຮວາ, ຜູ້ວ່າການເຂດບໍລິຫານພິເສດມາກາວແລະອົງການປົກຄອງເຂດພິເສດໄດ້ນຳພາປະຊາຊົນວົງການຕ່າງໆຂອງມາກາວສະມັກຄີກັນ, ບາກບັ່ນສູ້ຊົນ, ຕິດແທດຄວາມຈິງ, ຕັ້ງໜ້າຮັບມືກັບວິກິດການການເງິນອາຊີ, ພະຍາດຊາສ, ວິກິດການການເງິນສາກົນແລະການທ້າທາຍອັນຂ້ຽວຂາດອື່ນໆ, ພະຍາຍາມຜ່ານຜ່າຄວາມຫຍຸ້ງຍາກຕ່າງໆໃນການພັດທະນາຂອງມາກາວ, ຮັກສາຄວາມຈະເລີນຮຸ່ງເຮືອງແລະສະຖຽນລະພາບຂອງມາກາວ, ວຽກງານຕ່າງໆໄດ້ຮັບການພັດທະນາຢ່າງຫຼວງຫຼາຍ, ເຮັດໃຫ້ມາກາວທີ່ເປັນເມືອງທ່າແລະມີປະຫວັດຍາວນານປະກົດມີພະລັງງານຊີວິດທີ່ບໍ່ເຄີຍມີມາກ່ອນ. ທິດທາງ"ປະເທດດຽວສອງລະບອບ"ໄດ້ປະຕິບັດຢູ່ມາກາວຢ່າງສຳເລັດຜົນນັ້ນ, ໄດ້ສ້າງຜົນງານອັນຈົບງາມໃນຂະບວນການພັດທະນາຂອງມາກາວ.
ໃນຕົ້ນຊຸມປີ1980, ທ່ານເຕີ້ງສ້ຽວພີງ, ຜູ້ນຳຈີນທີ່ລ່ວງລັບໄປແລ້ວໄດ້ສະເໜີທິດທາງ"ປະເທດດຽວສອງລະບອບ", ເພື່ອໃຊ້ໃນການແກ້ໄຂບັນຫາທ້ອນໂຮມຈີນເປັນເອກະພາບ, ແລວຄວາມຄິດດັ່ງກ່າວໄດ້ປະກົດຜົນເປັນຈິງເທື່ອທຳອິດຢູ່ຮົງກົງ, ຈາກນັ້ນກໍ່ໄດ້ປະຕິບັດຢູ່ມາກາວ, ໃນ10ປີມານີ້, ລັດຖະບານຈີນໄດ້ຮັກສາຄຳໝັ້ນສັນຍາ, ຮັກສາລະບອບສັງຄົມ, ເສດຖະກິດແລະຮູບການດຳລົງຊີວິດແບບເກົ່າຂອງມາກາວ. ມາກາວສືບຕໍ່ເສີມຂະຫຍາຍທ່າແຮງທີ່ເປັນທ່າເສລີແລະເຂດພາສີທີ່ເປັນອິດສະຫຼະ, ແລະພັດທະນາຂະແໜງການກາຊີໂນຕໍ່, ເສດຖະກິດກໍ່ຫັນຈາກການຊຸດໂຊມຫຼາຍປີລຽນຕິດກ່ອນກັບຄືນປະເທດຊາດກາຍມາເປັນເຂດໜຶ່ງທີ່ເສດຖະກິດເຕີບໂຕໄວທີ່ສຸດໃນໂລກ, GDP ສະເລ່ຍຕາມຫົວຄົນກໍ່ຢູ່ແຖວໜ້າຂອງອາຊີ. ມາກາວຍັງເປັນໜຶ່ງໃນເຂດຈຳນວນບໍ່ຫຼາຍໃນໂລກທີ່ໄດ້ປະຕິບັດການສຶກສາພາກບັງຄັບ15ປີ. ອາຍຸສະເລ່ຍຕາມຫົວຄົນຂອງປະຊາຊົນເປັນອັນດັບທີສອງໃນໂລກ. ຢູ່ມາກາວ, ວັດທະນະທຳຈີນແລະຝ່າຍຕາເວັນຕົກເຊື່ອມໂຍງເຂົ້າກັນ, ຫຼາຍເຊື້ອຊາດຢູ່ຮ່ວມກັນຢ່າງກົມກຽວກັນ ທັງໝົດເຫຼົ່ານີ້ເປັນການສະແດງອອກຢ່າງມີຊີວິດຊີວາຂອງພຶດຕິກຳຕົວຈິງ"ປະເທດດຽວສອງລະບອບ"ສຳເລັດຜົນຢູ່ມາກາວ.
ອີງຕາມກົດໝາຍທີ່ກ່ຽວຂ້ອງ,ຜູ່ວ່າການບໍລິຫານເຂດພິເສດມາກາວແມ່ນມາຈາກການເລືອກຕັ້ງ,ມີອາຍຸການ5ປີ,ຢ່າງຫຼາຍສາມາດຮັບຕຳແໜ່ງລຽນກັນ2ຊຸດ.ເດືອນກໍລະກົດປີນີ້,ທ່ານຊູ່ຍຊື້ອ່ານທີ່ອາຍຸ 52ປີໄດ້ຮັບເລືອກຕັ້ງເປັນຜູ່ວ່າການເຂດບໍລິຫານພິເສດມາກາວຊຸດທີ3ດ້ວຍບັດເຫັນດີສູງ,ຫຼັງຈາກນັ້ນໄດ້ຮັບການແຕ່ງຕັ້ງຈາກລັດຖະບານກາງ.ໃນພິທີຂຶ້ນຮັບຕຳແໜ່ງອົງການປົກຄອງມາກາວຊຸດໃໝ່ໃນວັນທີ20ທັນວານີ້,ທ່ານຫູຈິນທາວປະທານປະເທດຈີນກ່າວເນັ້ນວ່າ,ລັດຖະບານຈີນຈະສືບຕໍ່ປະຕິບັດທິດທາງ"ປະເທດດຽວສອງລະບອບ".
"ນະທີ່ນີ້,ຂ້າພະເຈົ້າຂໍກ່າວລື້ມຢ່າງໜັກແໜ້ນວ່າ,ລັດຖະບານກາງຈະສືບຕໍ່ປະຕິບັດທິດທາງ"ປະເທດດຽວສອງລະບອບ,ຊາວຮົງກົງປົກຄອງຮົງກົງ, ຊາວມາກາວປົກຄອງມາກາວ,ແລະປົກຄອງຕົນເອງໃນລະດັບສູງ"ຢ່າງເດັດດ່ຽວໜຽວແໜ້ນ,ເຮັດວຽກຕາມກົດໝາຍພື້ນຖານຂອງຮົງກົງແລະມາກາວ,ອອກແຮງສຸດຂີດສະໜັບສະໜູນຜູ່ວ່າການເຂດບໍລິຫານພິເສດຮົງກົງແລະມາກາວແລະອົງການປົກຄອງເຂດພິເສດສອງແຫ່ງນີ້ດຳເນີນການປົກຄອງຕາມກົດໝາຍ.ລັດຖະບານ ກາງໃຊ້ທິດທາງນະໂຍບາຍແລະມາດຕະການໃດໆຕໍ່ຮົງກົງແລະມາກາວ,ກໍ່ລ້ວນແຕ່ຈະຍຶດໝັ້ນຫຼັກໝັ້ນຢ່າງສະເໝີຕົ້ນສະເໝີປາຍທີ່ມີຜົນດີຕໍ່ຮົງກົງແລະມາກາວຮັກສາຄວາມຈະເລີນຮຸ່ງເຮືອງແລະຄວາມໝັ້ນຄົງຍາວນານ,ມີຜົນດີຕໍ່ການເພີ່ມຄວາມສຸກຂອງຊາວຮົງກົງແລະຊາວມາກາວ,ມີຜົນດີຕໍ່ການຊຸກຍູ້ຮົງກົງ,ມາກາວແລະປະເທດຊາດພັດທະນາຮ່ວມກັນ."
ໃນພິທີຂຶ້ນຮັບຕຳແໜ່ງ ທ່ານຊູ່ຍຊື້ອ່ານ ຜູ່ວ່າການບໍລິຫານຄົນໃໝ່ໄດ້ກ່າວຄຳປາໄສວ່າ,ອົງການປົກຄອງເຂດບໍລິຫານພິເສດມາກາວຊຸດໃໝ່ຈະອອກແຮງສ້າງອົງການປົກຄອງທີ່ມີປະສິດທິພາບສູງແລະບໍລິສຸດໄຮ້ມົນທິນ,ເອົາໃຈໃສ່ອົບຮົມແລະສຳຮອງຜູ່ມີຄວາມຮູ້ຄວາມສາມາດ,ສືບຕໍ່ຊຸກຍູ້ທິດທາງ"ປະເທດດຽວສອງລະບອບ"ອັນຍິ່ງໃຫຍ່ໃຫ້ກ້າວໄປໜ້າ.
"ປະຈຸບັນ ພວກເຮົາຢືນຢູ່ຈຸດເລີ່ມຕົ້ນໃໝ່,ການທ້າທາຍແລະໂອກາດຊົງຕົວຢູ່ນຳກັນ.ໃນ5ປີຂ້າງໜ້ານີ້,ພວກເຮົາຈະຕັ້ງໜ້າຊຸກຍູ້ເສດຖະກິດມາກາວພັດທະນາເປັນຫຼາຍເຄົ້າຢ່າງເໝາະສົມ,ອາໃສການປະຕິບັດໂຄງການການປະຕິຮູບແລະການພັດທະນາເຂດສາມຫຼ່ຽມແມ່ນ້ຳຈູຈ່ຽງຂອງລັດ,ໃນຂະນະເພີ່ມທະວີການຕິດຕາມຄຸ້ມຄອງຂະແໜງການກາຊີໂນ,ເຈາະຈົງຄ້ຳຊູການຍົກລະດັບແລະຫັນປ່ຽນວິທີຂອງຂະແໜງການຈໍລະຈອນສິນຄ້າແລະການວາງສະແດງ,ອຸດສາຫະກຳປະດິດສ້າງວັດທະນະທຳ,ແລະອຸດສາຫະກຳດັ້ງເດີມ,ສ້າງເງື່ອນໄຂແກ່ການພັດທະນາອຸດສາຫະກຳຈະເລີນໃໝ່;ຈັດຕັ້ງປະຕິບັດການລົງທຶນໃນດ້ານອຸປະກອນປິ່ນປົວແລະການສຶກສາເປັນຕົ້ນຕື່ມອີກ,ຈັດຕັ້ງປະຕິບັດວຽກງານການສ້າງໃໝ່ຂອງເຮືອນຢູ່ສາທາລະນະແລະວຽກງານວາງແຜນພັດທະນາຕົວເມືອງ,ພະຍາຍາມຍົກສູງລະດັບຊີວິດການເປັນຢູ່ຂອງຊາວມາມາວ."
ໃນເວລາໃຫ້ສຳພາດຕໍ່ນັກຂ່າວCRI ທ່ານຈັ່ງມິງຊີ່ງ ຊາວມາກາວໄດ້ສະແດງຄວາມຄອງຄອຍຕໍ່ອົງການປົກຄອງຊຸດໃໝ່ວ່າ:
"ພວກເຮົາມີຄວາມມຸ່ງຫວັງອັນໃຫຍ່ຫຼວງຕໍ່ຜູ່ວ່າການເຂດພິເສດຄົນໃໝ່.ໃນ10ປີຜ່ານມານັບແຕ່ກັບຄືນປະເທດຊາດ,ພາຍໃຕ້ການສະໜັບສະໜູນອັນແຂງແຮງຈາກປະເທດຊາດ,ພາຍໃຕ້ຄວາມພະຍາຍາມຮ່ວມຂອງຊາວມາກາວ,ມາກາວໄດ້ມີການປ່ຽນແປງອັນໃໝ່ອ່ຽມໃນ10ປີຜ່ານມາ.ແຕ່ວ່າໃນການເຕີບໂຕຢ່າງວ່ອງໄວ ແນ່ນອນກໍ່ມີຄວາມຂັດແຍ່ງກັນບາງຢ່າງ.ແຕ່ວ່າສະພາບການເມືອງໝັ້ນຄົງ,ຊາວມາກາວກໍ່ຮັກຊາດຫຼາຍ.ການປ່ຽນຊຸດຜູ່ວ່າການບໍລິຫານເຂດພິເສດ,ພວກເຮົາຫວັງວ່າໃນສະໄໝໃໝ່,ອົງການປົກຄອງຈະຮັບຟັງສຽງໃນໃຈຂອງປະຊາຊົນຫຼາຍກວ່າເກົ່າ,ທົ່ວເຂດມາກາວປະສານສົມທົບກັບສະໂຍບາຍຂອງສູນກາງພາຍໃຕ້ສະພາບແວດລ້ອມສາກົນອັນໃໝ່,ສ້າງມາກາວໃຫ້ຈະເລີນຮຸ່ງເຮືອງແລະເຂັ້ມແຂງກວ່າເກົ່າ."
