ປີນີ້ຜົນຜະລິດທັນຍາຫານຂອງຈີນຈະສ້າງສະຖິຕິສູງສຸດເທື່ອໃໝ່ໃນປະຫວັດສາດ
(GMT+08:00) 2009-12-21 16:49:17 cri
ຕາມຂ່າວCRI: ວັນທີ21ທັນວານີ້, ຢູ່ປັກກິ່ງ, ເຈົ້າໜ້າທີ່ກະຊວງກະສິກຳຈີນກ່າວວ່າ, ປີນີ້ ຜົນຜະລິດທັນຍາຫານຂອງຈີນຈະສ້າງສະຖິຕິສູງສຸດເທື່ອໃໝ່ໃນປະຫວັດສາດ, ການສະໜອງທັນຍາຫານ, ນ້ຳມັນພືດແລະຜັກມີການຮັບປະກັນ.
ຫວ່າງມໍ່ໆນີ້, ລາຄາອາຫານ, ນ້ຳມັນພືດແລະຜັກເພີ່ມຂຶ້ນ. ໃນກອງປະຊຸມຂ່າວທີ່ຈັດຂຶ້ນໃນວັນທີ21ທັນວານີ້, ທ່ານເຢ້ຍເຈີ່ນຊີນ, ຫົວໜ້າກົມຂະແໜງການປູກພືດຂອງກະຊວງກະສິກຳຈີນກ່າວວ່າ, ອີງຕາມການບໍລິຫານຄຸ້ມຄອງສະພາບກະ ສິກຳຂອງກະຊວງກະສິກຳຈີນ, ຄາດວ່າຜົນຜະລິດທັນຍາຫານໃນປີນີ້ຈະຫຼາຍກວ່າ500ລ້ານໂຕນອີກເທື່ອໜຶ່ງ. ພ້ອມກັນນັ້ນ, ນ້ຳມັນພືດຈະສືບຕໍ່ຮັກສາການພັດທະນາຢ່າງໝັ້ນທ່ຽງ, ການຜະລິດແກ່ນຜັກນ້ຳມັນໄດ້ສ້າງສະຖິຕິສູງສຸດໃນປະຫວັດສາດ. ນອກນີ້, ນັບແຕ່ລະດູໃບໄມ້ຫຼົ່ນແລະລະດູໜາວເປັນຕົ້ນມາ, ເນື້ອທີ່ການຜະລິດຜັກເພີ່ມຂຶ້ນ, ຈະບໍ່ມີສະພາບຂາດຕະຫຼາດເກີດຂຶ້ນ.
