ຈີນເລີ່ມປະຕິບັດຍຸດທະສາດພັດທະນາເຂດພາກຕາເວັນຕົກ 10 ປີມານີ້, ໄດ້ສ້າງໂອກາດພັດທະນາຢ່າງໃຫຍ່ຫຼວງໃຫ້ແກ່ບັນດາແຂວງພາກຕາເວັນຕົກ. ຫວ່າງກ່ອນນີ້ບໍ່ດົນໃນເວລາໃຫ້ສຳພາດຕໍ່ນັກຂ່າວCRI, ທ່ານຈ້ຽງຈູ້ເຟີງ, ເຈົ້າແຂວງແຂວງເສສວນກ່າວວ່າ, ໃນ 10 ປີທີ່ພັດທະນາເຂດພາກຕາເວັນຕົກ, ເສດຖະກິດສັງຄົມຂອງແຂວງເສສວນໄດ້ພັດທະນາຢ່າງຫຼວງຫຼາຍ, GDPໄດ້ເພີ່ມຂຶ້ນສອງເທົ່າ. ຕໍ່ໄປເຊີນຟັງລາຍລະອຽດ:
ທ່ານຈຽງຈູ້ເຟີງກ່າວວ່າ, ຜົນສຳເລັດທີ່ແຂວງເສສວນໄດ້ຮັບນັ້ນກ່ອນອື່ນໄດ້ສະແດງໃຫ້ເຫັນວ່າກຳລັງແຮງສັງລວມຂອງແຂວງເສສວນໄດ້ເພີ່ມຂຶ້ນຢ່າງຈະແຈ້ງ, ລະດັບຊີວິດຂອງປະຊາຊົນໄດ້ດີຂຶ້ນຢ່າງຫຼວງຫຼາຍ.ປີ 2007,GDPຂອງແຂວງເສສວນໄດ້ຫຼາຍກວ່າ 1000 ຕື້ຢວນເປັນຄັ້ງທຳອິດ, ແມ່ນແຂວງທີ 9 ໃນທົ່ວປະເທດທີ່GDPຫຼາຍກວ່າ 1000 ຕື້ຢວນ.GDPຂອງທົ່ວແຂວງເສສວນໃນປີ 2008 ຫຼາຍກວ່າ 1200 ຕື້ຢວນ,ເພີ່ມຂຶ້ນຫຼາຍກວ່າປີ 1999 ສອງເທົ່າ. ພ້ອມກັນນັ້ນ,ລະດັບຊີວິດການເປັນຢູ່ຂອງປະຊາຊົນກໍດີຂຶ້ນຢ່າງເດັ່ນຊັດ, ປີ 2008, ລາຍໄດ້ສຸດທີ່ສະເລ່ຍຕໍ່ຫົວຄົນຂອງຊາວເມືອງແລະຊາວກະສິກອນລ້ວນແຕ່ໄດ້ເພີ່ມຂຶ້ນ 2 ເທົ່າກວ່າເມື່ອທຽບກັບ 10 ປີກ່ອນ.
ອັນທີສອງ, ພື້ນຖານໂຄງລ່າງ, ການອະນຸລັກສິ່ງແວດລ້ອມຊີວະພາບແລະວຽກງານສັງຄົມຂອງທົ່ວແຂວງກໍໄດ້ຮັບການພັດທະນາຢ່າງຫຼວງຫຼາຍ.ຂໍຍົກເອົາວຽກງານຄົມມະນາຄົມມາເປັນຕົວຢ່າງ,ຍ້ອນວ່າແຂວງເຂສວນມີພູຫຼາຍ, ໃນກາບກອນບູຮານຂອງຈີນກໍມີຄວາມເວົ້າທີ່ວ່າ" ທາງແຂວງເສສວນໄປຍາກ, ຍາກກວ່າຂຶ້ນຟ້າ", ແຕ່ສິ່ງທີ່ເຮັດໃຫ້ທ່ານຈ້ຽງຈູ້ເຟີງດີໃຈທີ່ສຸດກໍຄື, ຜ່ານການພັດທະນາເປັນເວລາ 10 ປີ, ທາງຫຼາງທີ່ເຂົ້າອອກແຂວງເສສວນມີເຖິງ 15 ເສັ້ນແລ້ວ, ຖະໜົມຊີມັງກໍນັບມື້ນັບຫຼາຍແລະສະດວກ.
"ດຽວນີ້,ທາງຫຼວງຂອງພວກເຮົາມີຄວາມຍາວທັງໝົດ2ແສນ3ໝື່ນກິໂລແມັດ,ຫຼາຍກວ່າກ່ອນພັດທະນາຢ່າງຂະໜາດໃຫຍ່1ເທົ່າ.ທາງດ່ວນມີ2188ກິໂລແມັດ,ແລະອີກ3ພັນກິໂລແມັດກຳລັງກໍ່ສ້າງຢູ່,ບວກເຂົ້າກັນມີທັງໝົດ5100ກິໂລແມັດ.ການກໍ່ສ້າງສະໜາມບິນຊ່ວງລິວເຊິງຕູ່ຂອງພວກເຮົາເລີ່ມສ້າງແຕ່ປີ1999,ໃນເວລາພຽງ10ປີ,ຈຳນວນຜູ່ໂດຍສານທີ່ເດີນທາງຜ່ານສະໜາມບິນແຫ່ງນີ້ຫຼາຍເປັນອັນດັບຫ້າໃນທົ່ວປະເທດ."
ນອກນີ້,ຍ້ອນໄດ້ຮັບຜົນປະໂຫຍດຈາກການພັດທະນາພາກຕາເວັນຕົກຢ່າງຂະໜາດໃຫຍ່,ການສ້າງສາຊີວະພາບຂອງແຂວງເສສວນກໍ່ໄດ້ມີຄວາມກ້າວໜ້າຢ່າງໃຫຍ່ຫຼວງ.ແຂວງເສສວນທີ່ຕັ້ງຢູ່ຍ່ານເໜືອແມ່ນ້ຳຢາງຊີກຽງໄດ້ເລີ່ມນຳໜ້າປະຕິບັດກິດຈະກຳອະ ນຸລັກຊັບພະຍາກອນປ່າທຳມະຊາດແລະກິດຈະກຳເຊົາປູກຝັງເພື່ອປູກໄມ້ສ້າງປ່າຄືນໃໝ່, ແລະໄດ້ປະຕິບັດກິດຈະກຳອະນຸລັກທຳມະຊາດຕ່າງໆຢ່າງລຽນຕິດ ຄື:ການເຊົາລ້ຽງສັດເພື່ອປູກຫຍ້າຄືນໃໝ່,ການອະນຸລັກດິນທາມ,ການປ້ອງກັນນ້ຳໄຫຼເຊາະດິນເຈື່ອນ,ການປ້ອງກັນການຂະຫຍາຍຂອງດິນຊາຍຢູ່ພາກພາກຕາເວັນອອກສຽງເໜືອແຂວງເສສວນແລະການປູກຕົ້ນໄມ້ໃນຕົວເມືອງຊົນນະບົດເປັນຕົ້ນ.10ປີມານີ້,ທົ່ວແຂວງໄດ້ປັບປຸງສະ ພາບການນ້ຳໄຫຼເຊາະດິນເຈື່ອນ4ແສນ4ໝື່ນກວ່າເຮັກຕາ,ຂີ້ຕົມແລະດິນຊາຍທີ່ໄຫຼເຂົ້າແມ່ນ້ຳຢາງຊີກຽງໄດ້ຫຼຸດລົງ46%,ແລະອັດຕາປົກຫຸ້ມດ້ວຍປ່າໄມ້ມີເຖິງ31%.
ເມື່ອເວົ້າເຖິງແຜນດິນໄຫວຮຸນແຮງທີ່ເກີດຂຶ້ນຢູ່ເມືອງເວີ້ນຊວນແຂວງເສສວນຂອງຈີນແລະວິກິດການການເງິນສາກົນ, ທ່ານຈຽງຈີ້ເຟິ່ງກ່າວວ່າ, ແຂວງເຊສວນສາມາດຜ່ານຜ່າແຮງກົດດັນສອງຢ່າງນີ້ຈົນໄດ້ຮັບຜົນສຳເລັດໃນປັດຈຸບັນ,ບໍ່ແມ່ນເລື່ອງງ່າຍ.ປັດໄຈສຳຄັນອັນຫນຶ່ງກໍ່ແມ່ນຍ້ອນວ່າການພັດທະນາພາກຕາເວັນຕົກເປັນເວລາ 10 ປີໄດ້ສ້າງພື້ນຖານດ້ານວັດຖຸແລະເຕັກນິກທີ່ເຂັ້ມແຂງໃຫ້ແກ່ເສສວນໃນການກູ້ໄພແຜ່ນດິນໄຫວແລະຮັບມືກັບວິກິດການການເງິນສາກົນ.ທ່ານເວົ້າວ່າ:
ປີ 2008, GDP ພວກເຮົາໄດ້ບັນລຸ 1250 ຕື້,ເພີ່ມຂຶ້ນເກືອບສອງເທົ່າເມື່ອທຽບກັບປີ 1999,ໃນ 10 ປີທີ່ດຳເນີນການພັດທະນາພາກຕາເວັນຕົກຢ່າງຂະຫນາດໃຫຍ່,ໄດ້ສ້າງພື້ນຖານດ້ານວັດຖຸທີ່ດີໃຫ້ແກ່ພວກເຮົາໃນການຕໍ່ຕ້ານກັບການທຳລາຍຂອງໄພແຜ່ນດິນໄຫວຮຸນແຮງ,ແລະຮັບມືກັບການໂຈມຕີຂອງວິກິດການການເງິນສາກົນ.
ທ່ານກ່າວວ່າ, ແຂວງເຊສວນພວມພະຍາຍາມຊຸກຍູ້ການສ້າງສາຄືນໃຫມ່ຫລັງໄພພິບັດ,ປັດຈຸບັນ, ວຽກງານທຸກດ້ານພວມດຳເນີນໄປເປັນຢ່າງດີ.
