ຕາມຂ່າວCRI:ວັນທີ13ມັງກອນນີ້,ກອງປະຊຸມວຽກງານຂ່າວສານແລະພິມຈຳໜ່າຍທົ່ວປະເທດຈີນປີ2010ໄດ້ໄຂຂຶ້ນຢູ່ປັກກິ່ງ.ໃນກອງປະຊຸມ,ທ່ານຫຼິວປິ່ນເຈ,ຫົວໜ້າກົມໃຫຍ່ຂ່າວສານແລະພິມຈຳໜ່າຍຈີນກ່າວວ່າ,ຈີນຈະສືບຕໍ່ລົງເລິກການປະຕິຮູບລະບົບພິມຈຳໜ່າຍຂ່າວສານ,ອອກແຮງຊຸກຍູ້ໃຫ້ຈີນກ້າວໄປສູ່ປະເທດເຂັ້ມແຂງດ້ານຂ່າວສານແລະພິມຈຳໜ່າຍ.ໃ
ນປີ2009,ໃນວິກິດການການເງິນສາກົນ,ຂະແໜງການຂ່າວສານແລະພິມຈຳໜ່າຍຂອງຈີນພັດໄດ້ມີການຂະຫຍາຍຕົວຢ່າງຮອບດ້ານແລະວ່ອງໄວ,ມູນຄ່າຜະລິດຕະພັນທັງໝົດໄດ້ເພີ່ມຂຶ້ນ20%,ຫຼາຍກວ່າ1000ຕື້ຢວນ.ວັນທີ13ມັງກອນນີ້,ໃນກອງປະຊຸມວຽກງານຂ່າວສານແລະພິມຈຳໜ່າຍທົ່ວປະເທດ,ທ່ານ ຫຼິວປິ່ນເຈ,ຫົວໜ້າກົມໃຫຍ່ຂ່າວສານແລະພິມຈຳໜ່າຍຈີນກ່າວວ່າ,ຈີນໄດ້ກາຍເປັນປະເທດໃຫຍ່ດ້ານການພິມຈຳໜ່າຍຂອງໂລກແລ້ວ,ແຕ່ຖ້າທຽບໃສ່ປະເທດທີ່ເຂັ້ມແຂງໃນໂລກແລ້ວຍັງຫຼຸດໂຕນກັນຫຼາຍຢູ່.
ທ່ານກ່າວວ່າ:ກາຍເປັນປະເທດໃຫຍ່ທາງດ້ານຂ່າວສານແລະພິມຈຳຫນ່າຍແມ່ນຍ້ອນວ່າພວກເຮົາມີປະຊາກອນຢ່າງຫລວງຫລາຍຄືມີ 1 ຕື້ 300 ລ້ານຄົນ, ການຮັບປະກັນການອ່ານປື້ມລະດັບຕ່ຳສຸດຂອງປະຊາກອນກໍ່ສາມາດບັນລຸລະດັບນີ້ແລ້ວ. ແຕ່ເມື່ອທຽບກັບປະເທດທີ່ພັດທະນາໃນໂລກແລ້ວ, ບໍ່ວ່າໃນດ້ານຂະຫນາດການພັດທະນາ, ສະພາບພັດທະນາ,ຫລືວ່າຮູບການແລະຄຸນນະພາບຂອງການພັດທະນາ, ກໍ່ລ້ວນແຕ່ມີຄວາມຜິດໂຕນກັນຫລາຍ.ໃນນັ້ນລວມທັງຂະຫນາດແລະຊັບສິນຂອງວິສາຫະກິດກໍ່ຫລຸດໂຕນກັນຫລາຍ,ອັດຕາສ່ວນໃນເສດຖະກິດແຫ່ງຊາດຂອງລວມຍອດການຜະລິດກໍ່ບໍ່ສາມາດທຽບກັບປະເທດທີ່ພັດທະນານັ້ນເທື່ອ,ໂດຍສະເພາະແມ່ນຄວາມສາມາດໃນການປະພັນເນື້ອໃນກໍ່ອ່ອນຫລາຍ.ເດືອນເມສາປີກາຍນີ້, ຈີນໄດ້ຊຸກຍູ້ການປະຕິຮູບລະບົບຂ່າວສານແລະພິມຈຳຫນ່າຍຢ່າງຮອບດ້ານ,ເຊິ່ງຮຽກຮ້ອງໃຫ້ສຳນັກງານພິມປື້ມ,ເຄື່ອງພາບແລະສຽງແລະສິ່ງພິມເອເລັກໂຕຼນິກແບບຂາຍຢູ່ແຫ່ງຕ່າງໆຂອງທ້ອງຖີ່ນ, ໂຮງຮຽນຊັ້ນສູງແລະຫນ່ວຍງານຕ່າງໆຂອງສູນກາງຄວນຫັນປ່ຽນລະບອບຢ່າງຮອບດ້ານ, ສ້າງລະບົບວິສາຫະກິດສະໄຫມໃຫມ່ກ່ອນທ້າຍປີ 2010.ພ້ອມກັນນັ້ນ, ລັດຖະບານກໍ່ສົ່ງເສີມແລະສະຫນັບສະຫນູນວິສາຫະກິດຫລັກແຫລ່ງໃນການພິມຈຳຫນ່າຍໃຫ້ດຳເນີນການປັບປຸງຄືນໃຫມ່, ໃຊ້ເວລາ 3-5 ປີ, ເພື່ອກໍ່ສ້າງວິສາຫະກິດຂ່າວສານແລະພິມຈຳຫນ່າຍຂະຫນາດໃຫຍ່ທີ່ມີຊັບສິນແລະມູນຄ່າຈຳຫນ່າຍຫລາຍກວ່າ 10 ຕື້ຢວນທີ່ເປັນອັນດັບຫນຶ່ງພາຍໃນປະເທດແລະມີຊື່ສຽງໃນທົ່ວໂລກ 6-7 ແຫ່ງ.
ກຸ່ມບໍລິສັດສື່ສານແລະພິມຈຳຫນ່າຍແທມສຂອງແຂວງອ່ານຮຸ່ຍ ໄດ້ຕັ້ງໂຮງງານພິມຢູ່ຣັດເຊຍ. ໃນເວລາທ່ານວາງຢ້າເຟ່, ຜູ່ອຳນວຍການໃຫຍ່ຂອງບໍລິສັດນີ້ໃຫ້ສຳພາດຕໍ່ນັກຂ່າວ,ທ່ານກວ່າວ່າ, ບໍລິສັດນີ້ໄດ້ປ່ຽນແປງແນວທາງທີ່ພິມຈຳຫນ່າຍປຶ້ມດ້ວຍຮູບການພຽງອັນດຽວໃນແຕ່ກ່ອນ.ທ່ານກ່າວວ່າ:
ສິ່ງທີ່ໄດ້ຮັບຜົນຫຼາຍກວ່າຫມູ່ກໍ່ແມ່ນປ່ຽນແປງແນວທາງທຸລະກິດທີ່ຫັນເປັນແບບສາກົນ, ປ່ຽນຈາກການສົ່ງອອກລິກຂະສິດທີ່ງ່າຍດາຍ,ກາຍເປັນການອອກແບບແລະວາງແຜນການປຶ້ມສາກົນ, ການສົ່ງອອກປື້ມ,ສື່ເອໂລໂຕຼນິກທີ່ມີທັງການສ້າງຕັ້ງຖານຮ່ວມມືຜະລິດແລະອື່ນໆຢູ່ຕ່າງປະເທດ, ນອກຈາກຜະລິດຕະພັນ ພວມມີການປ່ຽນແປງ, ຮູບການການຄ້າກໍພວມມີການປ່ຽນແປງແລະແນວທາງທີ່ຮ່ວມມືກໍ່ພວມມີການປ່ຽນແປງ.
ໃນກອງປະຊຸມວຽກງານຂ່າວສານແລະພິມຈຳຫນ່າຍຂ່າວຂອງທົ່ວປະເທດປີ 2010, ທ່ານຫຼິວປິ່ນເຈ,ຫົວຫນ້າກົມໃຫຍ່ຂ່າວສານແລະພິມຈຳຫນ່າຍແຫ່ງຊາດຈີນໄດ້ສະເຫນີເປົ້າຫມາຍທີ່ພັດທະນາໃນ 10 ປີຕໍ່ຫນ້າ.ທ່ານກ່າວວ່າ:
ຮອດປີ 2020, ລວມຍອດຜະລິດຕະພັນຂອງຂະແຫນງການຂ່າວສານແລະພິມຈຳຫນ່າຍກວມລວມຍອດຜະລິດຕະພັນພາຍໃນປະເທດຫຼືGDPໃນຄາວນັ້ນປະມານ 5%, ກາຍເປັນອຸດສາຫະກຳສຳຄັນໃນການພັດທະນາຂອງເສດຖະກິດແຫ່ງຊາດ. ການພັດທະນາຂອງຂະແຫນງການທີ່ຈະເລີນໃຫມ່ຄື: ສື່ມວນຊົນດີຈີຕອນແລະອື່ນໆໄດ້ບັນລຸເຖິງລະດັບກ້າວຫນ້າຂອງໂລກ. ໂດຍສະເພາະແມ່ນເຮັດໃຫ້ຂະແຫນງການຂ່າວສານແລະພິມຈຳຫນ່າຍໄດ້ມີການພັດທະນາແບບກ້າວກະໂດດຢ່າງຈິງຈັງ, ແລ້ວສ້າງເປັນໂຄງປະກອບໃຫມ່ໃນການພັດທະນາດ້ານວິທະຍາສາດຂອງຂ່າວສານແລະພິມຈຳຫນ່າຍ, ແລະສ້າງເປັນກົນໄກໂຄງປະກອບທີ່ເຂົ້າຮ່ວມການແຂ່ງຂັນກັນໃນສາກົນ. ບົດບາດຂອງວັດທະນະທຳປະຊາຊາດຈີນໃນໂລກແລະຄວາມສາມາດດ້ານການໂຄສະນາເຜີຍແຜ່ຂອງສື່ມວນຊົນສຳຄັນຂອງຕ່າງປະເທດໄດ້ເພີ່ມຫຼາຍຂຶ້ນຢ່າງພົ້ນເດັ່ນ.
