ຕອນບ່າວວັນທີ 12 ມັງກອນນີ້ຕາມເວລາທ້ອງຖີ່ນ, ໄຮຕີທີ່ຕັ້ງຢູ່ດອນກາງທະເລກາຣາອິບໄດ້ເກີດແຜ່ນດິນໄຫວຮຸນແຮງຂັ້ນ 7,3 ລິກເຕີແລະເກີດແຮງສັ່ນສະເທືອນຕາມມາຫລາຍເທື່ອ,ເຮັດໃຫ້ເກີດຄວາມເສຍຫາຍດ້ານຊີວິດແລະຊັບສິນຢ່າງຫລວງຫລາຍ,ກອງທະຫານຮັກສາສັນຕິພາບຈີນປະຈຳຢູ່ໄຮຕີກໍ່ມີ 8 ຄົນທີ່ຖືກຖົມຢູ່ໃຕ້ຊາກສະຫລັກຫັກພັງ.ພາຍຫລັງເກີດແຜ່ນດິນໄຫວແລ້ວ, ກອງທະຫານຮັກສາສັນຕິພາບຈີນໄດ້ສົ່ງກຳລັງຫລາຍຊຸດໄປຊ່ວຍກູ້ໄພແລະປິ່ນປົວປ້ອງກັນພະຍາດພະຍາດ.
ຕອນຄ່ຳວັນທີ 13 ມັງກອນນີ້, ຫນ່ວຍກູ້ໄພສາກົນຈີນໄດ້ອອກເດີນທາງຈາກປັກກິ່ງໄປໄຮາຕີເພື່ອຊ່ວຍກູ້ໄພ.ຕໍ່ໄປ ເຊີນຟັງການລາຍງານລະອຽດ.ຫນ່ວຍກູ້ໄພສາກົນຈີນທີ່ໄປໄຮຕີເທື່ອນີ້ເຄີຍເຂົ້າຮ່ວມການກູ້ໄພໃນເຫດການແຜ່ນດິນໄຫວຮຸນແຮງຢູ່ເມືອງເວີ້ນຊວນແຂວງເສສວນ,ນີ້ແມ່ນວຽກງານຊ່ວຍກູ້ໄພທີ່ຫນ່ວຍກູ້ໄພສາກົນຈີນເດີນທາງໄກທີ່ສຸດຕັ້ງແຕ່ສ້າງຕັ້ງຂຶ້ນ 8 ປີມາ.ເທື່ອນີ້, ຫນ່ວຍກູ້ໄພສາກົນຈີນມີ 60 ກວ່າຄົນ,ລວມມີທັງສະມາຊິກກູ້ໄພ, ແພດແລະຜູ່ຊ່ຽວຊານດ້ານແຜ່ນດິນໄຫວ.ພວກເຂົາເຈົ້າໄດ້ນຳເອົາອຸປະກອນເຮັດວຽກກ້ະໄພທີ່ຫນັກ 10 ກວ່າໂຕນເຊັ່ນວ່າ:ເຄື່ອງວັດແທກຊອກຫາສິ່ງທີ່ມີຊີວິດແລະອື່ນໆ, ຍັງມີເຄື່ອງມືແລະຢາປິ່ນປົວພະຍາດທີ່ມີມູນຄ່າ 4 ລ້ານຢວນ, ພ້ອມກັບອາຫານ,ນ້ຳ,ຕູບຜ້າເຕັ້ນແລະເຄື່ອງໃຊ້ຕ່າງໆ. ນອກນີ້, ຍັງເອົາຫມາຊ່ວຍກູ້ໄພ 3 ໂຕໄປນຳ.
ທ່ານຫລິວອີ້ເສີນ,ຮອງຫົວຫນ້າກົມແຜ່ນດິນໄຫວແຫ່ງຊາດຈີນກ່າວວ່າ, ຫນ່ວຍກູ້ໄພຫນ່ວຍນີ້ແມ່ນເຈົ້າຫນ້າທີ່ທີ່ມີປະສົບການສູງທີ່ເຄີຍໄປກູ້ໄພຢູ່ພາຍໃນແລະຕ່າງປະເທດຫລາຍເທື່ອແລ້ວ,ຫາກໍ່ຜ່ານການປະເມີນຄວາມສາມາດຂອງສະຫະປະຊາຊາດ,ແລະຖືກຈັດເປັນຫນ່ວຍກູ້ໄພສາກົນທີ່ປະກອບດ້ວຍເຄື່ອງມືຂະຫນາດໃຫຍ່ແລະທັນສະໄຫມ, ເຈົ້າຫນ້າທີ່ມີຄວາມສາມາດສູງຫນ່ວຍທີ 12 ໃນສາກົນແລະຫນ່ວຍທີສອງໃນອາຊີ,ເຊື່ອວ່າຫນ່ວຍກູ້ໄພນີ້ຈະນີ້ສາມາດເປັນຕົວແທນແຫ່ງມິດຕະພາບຂອງປະຊາຊົນຈີນທີ່ສົ່ງໄປເຖິງປະຊາຊົນໄຮຕີ,ເສີມຂະຫຍາຍແບບແຜນວິທີເຮັດວຽກທີ່ບຸກບືນຫ້າວຫັນ,ເພື່ອປະກອບສ່ວນຊ່ວຍເຫລືອປະຊາຊົນຢູ່ບ່ອນເກີດແຜ່ນດິນໄຫວ.
ພາຍຫຼັງເກີດແຜ່ນດິນໄຫວແລ້ວ, ວິທະຍຸCRIກໍ່ໄດ້ສົ່ງນັກຂ່າວພິເສດຄືກົວອີສຽງໄປສະຖານທີ່ເກີດເຫດຢ່າງຮີບດ່ວນ. ຕາມລາຍງານຂອງນັກຂ່າວທີ່ສົ່ງມາຈາກເຂດປະສົບໄພ, ຢູ່ແຫ່ງນັ້ນຍັງເກີດແຮງສັ່ນສະເທືອນຕາມມາເລື້ອຍໆ, ປະຈຸບັນ, ກອງທະຫານຮັກສາສັນຕິພາບຂອງຈີນໄດ້ສົ່ງທະຫານປະມານ 50 ຄົນໄປຊ່ວຍກູ້ໄພ.
"ປະຈຸບັນ, ແຜ່ນດິນໄຫວຜ່ານໄປເກືອບ 24 ຊົ່ວໂມງແລ້ວ, ກອງທະຫານຈີນໄດ້ສົ່ງໄປຊ່ວຍກູ້ໄພຫຼາຍເທື່ອ, ນອກນີ້, ຕຳຫຼວດຮັກສາສັນຕິພາບຂອງ, ແລະພະນັກງານຈຳນວນໜຶ່ງຂອງບໍລິສັດຈີນກໍ່ໄດ້ເຂົ້າໄປພັກຢູ່ໃນຄ້າຍທະຫາຍຂອງກອງທະຫານຮັກສາສັນຕິພາບຈີນຊົ່ວຄາວ."
ກອງປ້ອງກັນຄວາມຮຸນແຮງຂອງຈີນທີ່ພວມປະຕິບັດໜ້າທີ່ຮັກສາສັນຕິພາບຈີນພວມປະສານງານກັບຝ່າຍຕ່າງໆຂອງໄຮຕິຢ່າງຮີບຮ້ອນ, ເພື່ອໃຫ້ໜ່ວຍກູ້ໄພຂອງຈີນສາມາດປະຕິບັດໜ້າທີ່ໄດ້ຢ່າງວ່ອງໄວພາຍຫຼັງໄປຮອດໄຮຕີແລ້ວ. ກົ່ວອີຢູສຽງ, ນັກຂ່າວພິເສດຂອງCRIລາຍງານວ່າ:
ປະຈຸບັນ,ທ່ານວາງຊູ່ຜິງ, ຜູ່ຕາງຫນ້າຂອງສຳນັກງານຕົວແທນການຄ້າຈີນປະຈຳໄຮຕີ ພວມປະສານງານກ່ຽວກັບການຂຶ້ນລົງຂອງຍົນຫນ່ວຍກູ້ໄພຢູ່. ຫນ່ວຍກູ້ໄພຍັງ ປະສົບຄວາມຫຍຸ້ງຍາກຈຳນວນຫນຶ່ງທີ່ຕ້ອງແກ້ໄຂ, ຕົວຢ່າງຄື: ການປະສານງານຫຼັງຈາກໄປຮອດໄຮຕີ. ເພາະວ່າເຈົ້າຫນ້າທີ່ພາກສ່ວນຕ່າງໆຂອງລັດຖະບານໄຮຕີ ເກືອບທັງຫມົດປະຕິບັດຫນ້າທີ່ບໍ່ໄດ້ແລ້ວ,ສະນັ້ນ,ຂອດການຕິດຕໍ່ປະສານງານຈະແມ່ນສຳຄັນທີ່ສຸດ. ບັນຫາຫນຶ່ງອີກແມ່ນຄວາມປອດໄພຈອງຍົນທີ່ບິນຂຶ້ນລົງ, ທາງແລ່ນຢູ່ສະຫນາມບິນໄຮຕີບໍ່ມີບັນຫາຫຍັງ, ແຕ່ຫໍບັນຊາການບິນພັດພັງຫມົດແລ້ວ, ແລະຕາມໄດ້ຮູ້ຍົນຂອງຫນ່ວຍກູ້ໄພຈີນອາດຈະເດີນທາງໄປຮອດນະຄອນຫຼວງປັອກໂຕແປຼັງໃນຕອນກາງຄືນມື້ນີ້ຕາມເວລາທ້ອງຖິ່ນ. ນອກນີ້,ຍັງມີອີກບັນຫາຫນຶ່ງ ກໍ່ແມ່ນທາງການສື່ສານ.
ນອກນີ້,ສະພາກາແດງຈີນກໍໄດ້ປະກາດວ່າ, ຈະໃຫ້ການຊ່ອຍເຫຼືອເງິນສຸກເສີນມະນຸດສະທຳຈຳນວນ 1 ລ້ານໂດລາແກ່ໄຮຕີ. ທ່ານຜູ່ຟັງທີ່ໂຄລົບ,ທີ່ຟັງມານັ້ນແມ່ນCRI ເຈາະຂ່າວທີ່ພາດຫົວເລື່ອງວ່າ: ຈີນຊ່ອຍເຫຼືອເຫດການແຜ່ນດິນໄຫວຢູ່ໄຮຕີໂດຍດ່ວນ,ສະເຫນີໂດຍສາຍວັນນີ
