ການກູ້ໄພແລະສ້າງສາຄືນໃໝ່ຂອງໄຮຕີຄວນເລັງໃສ່ອະນາຄົດ
(GMT+08:00) 2010-01-19 17:59:23 cri
ຕາມຂ່າວCRI: ພາຍຫຼັງໄຮຕີເກີດເຫດການແຜ່ນດິນໄຫວຮຸນແຮງຂະໜາດ 7,3 ລິກເຕີແລ້ວ, ປະຊາຄົມໂລກໄດ້ໃຫ້ຄວາມຊ່ອຍເຫຼືອຢ່າງຫ້າວຫັນ. ວັນທີ 18 ມັງກອນນີ້, ກອງປະຊຸມກະກຽມຂອງກອງປະຊຸມສຸດຍອດເພື່ອກູ້ໄພແລະສ້າງສາໄຮຕີຄືນໃໝ່ໄດ້ຈັດຂຶ້ນຢູ່ສາທາລະນະລັດໂດມີນີກາ, ຜູ້ນຳທີ່ເຂົ້າຮ່ວມກອງປະຊຸມພາກັນຮຽກຮ້ອງໃຫ້ປະຊາຄົມໂລກເພີ່ມການຊ່ອຍເຫຼືອຕໍ່ໄຮຕີ, ຊ່ອຍເຫຼືອໄຮຕີກ້າວອອກຈາກຄວາມເຈັບປວດທໍລະມານຈາກແຜ່ນດິນໄຫວໂດຍໄວ.
ໃນກອງປະຊຸມເທື່ອນີ້, ທ່ານເລໂອເນວ ເຟນັນເດັສ, ປະທານາທິບໍດີໂດມີນີກາກ່າວວ່າ, ແຜນການພັດທະນາທັງໝົດຂອງໄຮຕີຕ້ອງການທຶນຮອນປະມານ 2 ຕື້ໂດລາຕໍ່ປີ, ຢ່າງໜ້ອຍຕ້ອງໃຊ້ເວລາ 5 ປີຈຶ່ງຈະສາມາດສຳເລັດວຽກງານສ້າງສາຄືນໃໝ່, ນີ້ກໍໝາຍຄວາມວ່າໄຮຕີຕ້ອງການເງິນ 10 ຕື້ໂດລາເພື່ອສ້າງສາຄືນໃໝ່. ແຕ່ເງິນດັ່ງກ່າວສຳລັບໄຮຕີເຊິ່ງເປັນປະເທດທີ່ທຸກຍາກທີ່ສຸດໃນຊີກໂລກຕາເວັນຕົກແລ້ວ, ມັນແມ່ນຕົວເລກທີ່ບໍ່ສາມາດເປັນໄປໄດ້. ໃນກອງປະຊຸມດັ່ງກ່າວ, ລັດຖະບານຂອງປະເທດຕ່າງໆພາກັນໃຫ້ຄຳໝັ້ນສັນຍາຈະຊ່ອຍເຫຼືອ.ປະເທດສະມາຊິກສະຫະພາບເອີລົບໄດ້ຮັບປາກວ່າຈະໃຫ້ການຊ່ວຍເຫຼືອ400ລ້ານເອີໂຣໃຫ້ແກ່ໄຮຕິ,ເພື່ອໃຊ້ເຂົ້າໃນວຽກງານກູ້ໄພສຸກເສີນແລະການສ້າງສາຄືນໃໝ່ທີ່ໃຊ້ເວລາຍາວນານ.ທະນາຄານພັດທະນາທະວີບອາເມລິກາກໍເຫັນດີຫຼຸດຫຼືຍົກເວັ້ນໜີ້ສິນ480ລ້ານໂດລາຂອງໄຮຕິ,ແລະໃຫ້ເງິນກູ້400ລ້ານກວ່າໂດລາແກ່ໄຮຕິເພື່ອຊ່ວຍໄຮຕິສ້າງສາຄືນໃໝ່.ທ່ານເຮີເນ ເພຼວາຣ,ປະທານາທິບໍດີໄຮຕິກ່າວວ່າ,ການຊ່ວຍເຫຼືອຈາກປະຊາຄົມໂລກແມ່ນທັນການແລະເຕັມປ່ຽມ,ເລື່ອງທີ່ຕ້ອງເຮັດໃນປະຈຸບັນນີ້ແມ່ນເຮັດວຽກປະສານງານໃຫ້ດີ,ແຈກຢາຍເຄື່ອງຊ່ວຍເຫຼືອຂອງສາກົນໃຫ້ໄປຮອດຜູ່ປະສົບໄພໂດຍດ່ວນ.ປະຈຸບັນນີ້,ສະພາບການຢູ່ໄຮຕິຍັງຂ້ຽວຂາດທີ່ສຸດ,ການກູ້ໄພຍັງດຳເນີນຢູ່ຕໍ່ມາ,ແລະວຽກງານສ້າງສາໄຮຕິຄືນໃໝ່ກໍພວມປຶກສາຫາລືກັນຢູ່.ກອງປະຊຸມທີ່ຈັດຂຶ້ນຢູ່ໂດມີນີກາຄັ້ງນີ້ພຽງແຕ່ແມ່ນກອງປະຊຸມກະກຽມທໍ່ນັ້ນ,ວັນທີ25ມັງກອນນີ້,ລັດຖະມົນຕີກະຊວງການຕ່າງປະເທດຂອງຫຼາຍປະເທດຍັງຈະເຕົ້າໂຮມຢູ່ການາດາ,ຊອກຫາທຶນແລະປະສານງານລະດັບສູງກວ່າເກົ່າ,ພະຍາຍາມຊ່ວຍເຫຼືອໄຮຕິໃຫ້ກັບຄືນສູ່ເສັ້ນ ທາງພັດທະນາຄືນໃໝ່.ແຕ່ກໍມີນັກວິເຄາະບໍ່ໜ້ອຍຊີ້ອອກວ່າ,ໃນການກູ້ໄພແລະສ້າງສາຄືນໃໝ່ຫຼັງໄພທຳມະຊາດອັນໜັກໜ່ວງທຸກເທື່ອທີ່ຜ່ານມາ,ເຖິງວ່າການຊ່ວຍເຫຼືອດ້ານມະນຸດສະທຳຈາກປະຊາຄົມໂລກແມ່ນສິ່ງສຳຄັນ,ແຕ່ສິ່ງສຳຄັນກວ່ານັ້ນແມ່ນການອ່ວາຍໜ້າໄປສູ່ອະນາຄົດ,ເພີ່ມທະວີການປະສານງານ,ແລະສະແດງຄວາມຕັດສິນໃຈທີ່ປະຊາຄົມໂລກຮ່ວມກັນປະເຊີນໜ້າກັບໄພທຳມະຊາດ.
ກ່ອນອື່ນ, ຄວນຮັກສາຄວາມເອົາໃຈໃສ່ນຳການກະທຳກູ້ໄພແລະສ້າງສາຄືນໃຫມ່ຢ່າງຕໍ່ເນື່ອງ. ປະຈຸບັນ, ຫຼາຍປະເທດລ້ວນແຕ່ຕັ້ງອົງການບໍລິຈາກເປັນເວລາຍາວນານເພື່ອເຮັດໃຫ້ໄຮຕີສ້າງສາຄືນໃຫມ່, ແລະລະດົມທຶນເພື່ອເຮັດວຽກສ້າງສາຄືນໃຫມ່ຢູ່ໄຮຕີ. ແຕ່ວ່າ ປະຈຸບັນ ການກະທຳກູ້ໄພຍັງບໍ່ສິ້ນສຸດລົງເທື່ອ, ກໍ່ມີຫຼາຍຫາງສຽງເປັນຫວ່ງວ່າ,ເມື່ອເວລາຜ່ານໄປ,ຄວາມເອົາໃຈໃສ່ຂອງປະຊາຄົມໂລກທີ່ມີຕໍ່ໄຮຕີ ຈະຫຼຸດຫນ້ອຍລົງເທື່ອລະກ້າວ, ຫຼັງຈາກຫຼາຍເດືອນ,ຍັງໃຫ້ການຊ່ອຍເຫຼືອຫຼາຍກວ່າເກົ່າຫຼືບໍ່,ນີ້ຈະຄາດຄະເນຍາກໃນປະຈຸບັນ.
ອັນທີສອງ: ການກະທຳກູ້ໄພແລະສ້າງສາຄືນໃຫມ່ນັ້ນ ຄວນທຸ້ມເທກຳລັງເຊົ້າໃນການພັດທະນາໄຮຕີໃນອະນາຄົດ, ແຕ່ບໍ່ພຽງແຕ່ແມ່ນຖືການກູ້ໄພເປັນຈຸດປະສົງເທົ່ານັ້ນ. ໃນຖານະທີ່ເປັນປະເທດດ້ວຍພັດທະນາ, ໄຮຕີ ໄດ້ຜ່ານໄພພິບັດຮຸນແຮງແບບນີ້ ຈຶ່ງເຮັດໃຫ້ຄົນເຫັນໃຈຫຼາຍ, ແຕ່ສິ່ງທີ່ສຳຄັນກວ່າຫມູ່ກໍ່ແມນ່ຖືໄພທຳມະຊາດເທື່ອນີ້ເປັນໂອກາດທີ່ເລີ່ມຕົ້ນຄືນໃຫມ່, ນອກຈາກໃຫ້ການຊ່ອຍເຫຼືອທີ່ຈຳເປັນໃນດ້ານວັດຖຸ, ຍິ່ງຄວນຊ່ອຍເຫຼືອໃຫ້ໄຮຕີສ້າງຕັ້ງລະບົບສັງຄົມທີ່ຫຼົ້ມສະຫຼາຍຄືນໃຫມ່ຢ່າງຮອບດ້ານ.
ອັນທີສາມ:ວຽກງານກູ້ໄພແລະສ້າງສາໄຮຕິຄືນໃຫມ່ຕ້ອງການໃຫ້ປະຊາຄົມໂລກປະສານສົມທົບກັນ, ຄວນໃຫ້ສະຫະປະຊາຊາດແລະອົງການຈັດຕັ້ງສາກົນອື່ນໆເປັນເຈົ້າການນຳພາ.ໃນການກູ້ໄພຜ່ານມານີ້, ອາເມລິກາໃນຖານະທີ່ເປັນປະເທດໃຫຍ່ທີ່ສຸດທີ່ໃຫ້ການຊ່ວຍເຫລືອແກ່ໄຮຕິ,ໄດ້ມີທ່າທີຜູກຂາດວຽກງານຕ່າງໆ, ອັນນີ້ເຮັດໃຫ້ຫລາຍໆປະເທດບໍ່ພໍໃຈນຳ.ຫລາຍຄົນເປັນຫ່ວງວ່າ, ໃນວຽກງານສ້າງສາໄຮຕິຄືນໃຫມ່, ອາເມລິກາຍ້ອນເປັນປະເທດໃກ້ຄຽງກັບໄຮຕິຈະເຮັດຕາມໃຈຕົນເອງຕໍ່ການສ້າງສາຄືນໃຫມ່, ການກະທຳດັ່ງກ່າວບໍ່ພຽງແຕ່ຈະກະທົບຕໍ່ຄວາມຫ້າວຫັນຂອງປະຊາຄົມໂລກທີ່ໃຫ້ການຊ່ວຍເຫລືອທໍ່ນັ້ນ, ຍັງຈະເຮັດໃຫ້ອາເມລິກາແຊກແຊງວຽກງານພາຍໃນຂອງໄຮຕິຫລາຍກວ່າເກົ່າ, ຈົນກະທົບເຖິງຄວາມເປັນອິສະຫລະພາບທາງດ້ານອະທິປະໄຕຂອງໄຮຕິ.ຕໍ່ເລື່ອງນີ້,ຜູ່ຊ່ຽວຊານຊີ້ອອກວ່າ, ການກູ້ໄພແລະສ້າງສາໄຮຕິຄືນໃຫມ່ຂອງໄຮຕິບໍ່ແມ່ນວຽກງານຂອງປະເທດໃດຫນຶ່ງ,ຕ້ອງການໃຫ້ປະຊາຄົມໂລກປະສານງານກັນ, ເຄື່ອນໄຫວເປັນເອກະພາບກັນ, ຊຸກຍູ້ໃຫ້ວຽກງານສ້າງສາໄຮຕິຄືນໃຫມ່ດຳເນີນໄປເປັນຢ່າງດີ.
