ຕາມຂ່າວCRI:ວັນທີ19ມັງກອນນີ້ຕາມເວລາໄຮຕິແມ່ນມື້ທີ7ແລ້ວຫຼັງເກີດແຜ່ນດິນໄຫວ.ເຖິງວ່າປະຈຸບັນນີ້ໄດ້ກາຍ72ຊົ່ວໂມງທີ່ເປັນເວລາດີທີ່ສຸດສຳລັບການກອບກູ້ຊີວິດກໍຕາມ,ແຕ່ໜ່ວຍກູ້ໄພສາກົນຈີນຍັງສືບຕໍ່ຄົ້ນຄວ້າເພື່ອກອບກູ້ຢູ່ເຂດປະສົບໄພແຜ່ນດິນໄຫວອັນໜັກໜ່ວງ.ກ່ຽວກັບວຽກງານກູ້ໄພ,ທ່ານວາງຈື້ຊິ່ວ,ຮອງຫົວໜ້າໜ່ວຍກູ້ໄພສາກົນຈີນໄດ້ໃຫ້ສຳພາດຕໍ່ນັກຂ່າວວິທະຍຸພວກເຮົາ.
ປະຈຸບັນນີ້,ແຜ່ນດິນໄຫວໄດ້ຜ່ານໄປເກືອບ170ຊົ່ວໂມງແລ້ວ,ແຕ່ໜ່ວຍກູ້ໄພສາກົນຈີນຍັງບໍ່ໄດ້ໝົດຫວັງເທື່ອ,ສືບຕໍ່ຊອກຄົ້ນກອບກູ້ຢູ່ເຂດກາເຣີຟວກທີ່ປະສົບໄພໜັກໜ່ວງທີ່ສຸດຢູ່ປອັກໂຕແແປຼງນະຄອນຫຼວງຂອງໄຮຕິ.ທ່ານວາງຈື້ຊິ່ວກ່າວວ່າ:"ມື້ນີ້ແມ່ນມື້ທີ7ຫຼັງເກີດແຜ່ນດິນໄຫວແລ້ວ,ການຊອກຫາຜູ່ທີ່ອາດຈະຍັງລອດຊີວິດນັບມື້ນັບຫຍຸ້ງຍາກກວ່າເກົ່າ.ແຕ່ພວກເຮົາກໍບໍ່ຢຸດເຊົາຢ່າງເດັດຂາດ.ມື້ນີ້,ພວກເຮົາມາຊອກຄົ້ນກອບກູ້ຢູ່ໂຮງງານສ້ອມແປງລົດຍົນແຫ່ງໜຶ່ງທີ່ເຂດກາເຣີຟວກ,ຢູ່ນີ້ມີຊູເປີດມາເກັດແຫ່ງໜຶ່ງ.ຄົນຢູ່ນີ້ບອກວ່າ,ໃນໂຮງງານສ້ອມແປງລົດຍົນມີ10ຄົນຖືກຊາກຕຶກທັບຖົມຢູ່,ຢູ່ອີກບ່ອນໜຶ່ງກໍມີ7ຄົນ. ສະນັ້ນ,ພວກເຮົາມາຊອກຄົ້ນຢູ່ບ່ອນນີ້,ແມ່ນພະຍາຍາມຊອກຫາຮ່ອງຮອຍວ່າຍັງມີຊີວິດ ຫຼືບໍ່."
ໃນເວລາຫນ່ວນກູ້ໄພຈີນ ຊອກຄົ້ນຫາຜູ່ປະສົບໄພເປັນເວລາຫຼາຍຊົ່ວໂມງ, ພວກເຮົາໄດ້ໃຊ້ຫຼາຍວິທີ, ແລະນຳໃຊ້ເຄື່ອງກວດທີ່ທັນສະໄຫມເພື່ອຈັບສັນຍານຂອງສິ່າງທີ່ມີຊີວິດ. ແຕ່ວ່າ ,ວຽກງານກູ້ໄພທີ່ດຳເນີນໄປຢູ່ໄຮຕີໃນປະຈຸບັນນີ້ ນັບມື້ນັບຫຍຸ້ງຍາກກວ່າເກົ່າ, ທ່ານວາງຈີ້ສິ່ວກ່າວວ່າ, ຄວາມຫຍຸ້ງຍາກເຫຼົ່ານີ້ຕົ້ນຕໍ ແມ່ນມີການສະຫນອງຂໍ້ມູນຂ່າວສານກ່ຽວກັບຜູ່ປະສົບໄພຢູ່ຈຸດໃດໃນຕຶກທີ່ເພງພັງນັ້ນມີຫນ້ອຍຫຼາຍ, ນອກນັ້ນ, ຄວາມເປັນ ລະບຽບຮຽບຮ້ອຍ ກໍ່ມີຫນ້ອຍ.. ທ່ານກ່າວວ່າ:
ໃນເວລາໄພ, ຄວາມຫຍຸ້ງຍາກທີ່ພວກເຮົາພົບນັ້ນ ນັບມື້ນັບຫຼາຍຂຶ້ນ, ກ່ອນອື່ນກໍ່ແມ່ນມີຂໍ້ມູນຂ່າວຄາວຂອງແຫ່ງຕ່າງໆຫນ້ອຍໂພ, ແລະພວກເຮົາກັບຄົນໄຮຕີ ເວົ້າກັນບໍ່ເຂົ້າໃຈ. ປະຊາຊົນທ້ອງຖິ່ນບໍ່ສາມາດໃຫ້ຂ່າວລະອຽດ ກ່ຽວກັບຜູ່ປະສົບໄພຢູ່ຈຸດໃດຫນຶ່ງ. ພ້ອມກັນນັ້ນ, ຄົນຫຸ້ມເບິ່ງ ຢູ່ບໍລິເວນກູ້ໄພກໍຫຼາຍພິລຶກ, ສະນັ້ນ,ການຄົ້ນຫາຜູ່ລອດຊີວິດຈຶ່ງຫຍຸ້ງຍາກຫຼາຍ, ໂດຍສະເພາະໃນເວລາທີ່ ພວກເຮົາໃຊ້ເຄື່ອງກວດຫາວີ່ແວວຂອງຜູ່ທີ່ອາດຈະຍັງມີຊີວິດຢູ່ນັ້ນແມ່ນຍາກທີ່ສຸດ. ນອກນີ້,ການແຈກຢາຍຊ່ອຍເຫຼືອເຊັ່ນ:ນ້ຳສະອາດ,ອາຫານ, ຢາປິ່ນປົວພະຍາດແລະອື່ນໆບໍ່ສະດວກ, ເຖິງວ່າເຄື່ອງຊ່ອຍເຫຼືອຈຳນວນຫຼວງຫຼາຍໄດ້ສົ່ງໄປຮອດໄຮຕີແລ້ວກໍຕາມ,ແຕ່ຍັງບໍ່ໄດ້ແຈກຢາຍໃຫ້ປະຊາຊົນຫມົດເທື່ອ.ໃນເວລາປະຊາຊົນໄຮຕີ ເຫັນຫນ່ວຍກູ້ໄພຂອງຈີນກໍ່ພາກັນຫຸ້ມເຂົ້າມາຍາດແຍ່ງເອົານ້ຳ ແລະອາຫານ,ໃນຫມູ່ພວກເຂົາເຈົ້າ ບາງຄົນກໍ່ເປັນຄົນບໍ່ດີ.ອັນນີ້ໄດ້ສ້າງຄວາມວຸ້ນວານຫຼາຍສົມຄວນ ໃຫ້ແກ່ຫນ່ອຍກູ້ໄພຂອງພວກເຮົາ.ທ່ານວາງຈີ້ສິ່ວກ່າວວ່າ
"ສະຖານະການຄວາມປອດໄພເຄັ່ງຕຶງຫຼາຍ, ປະຊາຊົນຜູ້ປະສົບໄພຂໍຄວາມຊ່ອຍເຫຼືອນັບມື້ນັບຫຼາຍຂຶ້ນ. ເຂົາເຈົ້າມາຫຸ້ມເບິ່ງກໍ່ເກີດສະພາບສັບສົນຫຼາຍ. ຂ້າພະເຈົ້າຮູ້ສຶກວ່າໄດ້ສ້າງຄວາມສ່ຽງດ້ານຄວາມປອດໄພຫຼາຍຕໍ່ການກູ້ໄພຂອງພວກເຮົາ. ຍັງໄດ້ສ້າງຄວາມຫຍຸ້ງຍາກຫຼາຍຕໍ່ວຽກງານຂອງກອງປ້ອງກັນຄວາມສະຫງົບອີກ."
ແຕ່ມີການປ້ອງກັນຂອງຕຳຫຼວດຮັກສາສັນຕິພາບຈີນປະຈຳໄຮຕີ, ກໍໄດ້ຊ່ອຍສະໜັບສະໜູນແລະຮັບປະກັນຢ່າງແຂງແຮງຕໍ່ວຽກງານຂອງໜ່ວຍກູ້ໄພ. ທ່ານຫວາງຈື້ຊີວກ່າວວ່າ:
"ຂ້າພະເຈົ້າຮູ້ສຶກພໍໃຈຫຼາຍຕໍ່ວຽກງານຂອງຕຳຫຼວດຮັກສາສັນຕິພາບຈີນປະຈຳໄຮຕີ. ຖ້າບໍ່ມີການປ້ອງກັນຂອງເຂົາເຈົ້າ, ສາມາດເວົ້າໄດ້ວ່າວຽກງານຂອງພວກເຮົາບໍ່ສາມາດດຳເນີນໄປໄດ້, ມີການປ້ອງກັນຈາກຂອງເຂົາເຈົ້າ, ພວກເຮົາກໍສາມາດດຳເນີນວຽກງານກູ້ໄພໄດ້ຢ່າງກ້າຫານ."
