ຫວ່າງມໍ່ໆມານີ້, ກະຊວງອະນຸລັກສິ່ງແວດລ້ອມແລະກະຊວງວິທະຍາສາດເຕັກໂນໂລຊີຈີນໄດ້ຮ່ວມກັນເລີ່ມຕົ້ນ "ພັນທະມິດຍຸດທະສາດຊຸກຍູ້ການລົງທຶນແລະລະດົມທຶນພັດທະນາເສດຖະກິດທີ່ມີດີອອກສິດຕ່ຳ". ປະຈຸບັນ, ອາກາດຮ້ອນຂຶ້ນໃນທົ່ວໂລກໄດ້ກາຍເປັນໄພຂົ່ມທີ່ຂູ່ຂ້ຽວຂາດຕໍ່ການຢູ່ລອດແລະການພັດທະນາຂອງມວນມະນຸດ, ເສດຖະກິດທີ່ມີດີອອກສິດຕ່ຳທີ່ຖືການສິ້ນເປືອງພະລັງງານຕ່ຳ, ສ້າງມົນລະພິດໜ້ອຍລະບາຍອາຍພິດເຮືອນແກ້ວໜ້ອຍເປັນພື້ນຖານອາດຈະໄດ້ຮັບການພັດທະນາຢ່າງຍາວໄກຢູ່ຈີນ.
ປັບອຸນຫະພູມຂອງອາຍອຸ່ນໃນເຮືອນໃຫ້ຕ່ຳລົງໃນລະດູໜາວ, ເຈ້ຍໃບໜຶ່ງໃຊ້ທັງສອງໜ້າ, ນຳໃຊ້ລະບົບຂົນສົ່ງສາທາລະນະຫຼາຍກວ່າເກົ່າແລະອື່ນໆ, ຄົນຈີນນັບມື້ນັບຫຼາຍເລີ່ມດຳລົງຊີວິດແບບດີອອກສິດຕ່ຳ. ຊຸ່ຍຈື້ຮົງ, ຄົນນະຄອນປາວຕິ້ງແຂວງເຮີເປີຍກໍ່ແມ່ນເຮັດແນວນີ້.
"ຂ້ອຍປ່ຽນດອກໄຟໃນເຮືອນເປັນດອກໄຟປະຢັດພະລັງງານທັງໝົດ, ໃນລະດູໜາວ, ກໍ່ປັບອາຍອຸ່ນຢູ່ໃນເຮືອນໃຫ້ຕ່ຳລົງສອງອົງສາ, ເບີ່ງໂທລະພາບໃຫ້ໜ້ອຍລົງ, ເວລາລ້າງໜ້າ, ພະຍາຍາມໃຊ້ຊາມອ່າງໂຕ່ງເອົານ້ຳສ່ວາຍໜ້າ, ເວລາຊັກເຄື່ອງກໍ່ພະຍາຍາມຊັກດ້ວຍມື. ຂ້ອຍມີໝູ່ຫຼາຍຄົນ, ປະຈຸບັນກໍ່ເລີ່ມປ່ຽນແບບແຜນດຳລົງຊີວິດຈາກຄວາມຊິນເຄີຍນ້ອຍໆຂອງຕົນ, ເປັນກຸ່ມຄົນ "ດີອອກສິດຕ່ຳ"."
ເມື່ອປະຊາຊົນໄດ້ຄ່ອຍໆຫັນປ່ຽນແບບແຜນການດຳລົງຊີວິດທີ່ລະບາຍດີອອກສິດຕ່ຳແລ້ວ, ການພັດທະນາຂະແໜງການທີ່ກ່ຽວຂ້ອງຈຶ່ງມີກຳລັງແຮງ. ຫວ່າງມໍ່ໆມານີ້, ຜູ້ຮັບຜິດຊອບທີ່ກ່ຽວຂ້ອງຂອງກະຊວງອະນຸລັກສິ່ງແວດລ້ອມຂອງຈີນກ່າວວ່າ, ລັດຖະບານຈີນເອົາໃຈໃສ່ນຳການພັດທະນາຂະແໜງການອະນຸລັກສິ່ງແວດລ້ອມໃນລະດັບສູງ, ແລະໄດ້ຈັດເປັນຈຸດເຕີບໂຕເສດຖະກິດໃໝ່. ນອກນີ້, ຈີນຍັງຈະຊຸກຍູ້ການປະຕິຮູບລາຄາສິນຄ້າຊັບພະຍາກອນຕື່ມອີກ, ປັບປຸງການຄຸ້ມຄອງການເກັບແລະຊຳລະນ້ຳເປື້ອນແລະຂີ້ເຫຍື້ອໃຫ້ສົມບູນ, ປັບປຸງນະໂຍບາຍໃຫ້ບູລິມະສິດດ້ານພາສີໃນການປະຢັດພະລັງງານອະນຸລັກສິ່ງແວດລ້ອມແລະການນຳໃຊ້ຊັບພະຍາກອນສັງລວມແລະນະໂຍບາຍບັງຄັບໃຫ້ລັດຖະບານຈັດຊື້ເຄື່ອງຈັກອຸປະກອນປະຢັດພະລັງງານແລະອະນຸລັກສິ່ງແວດລ້ອມທີ່ໄດ້ວາງອອກໃຫ້ສົມບູນ. ຕາມການຄາດຄະເນ, ໃນ 5 ປີຕໍ່ໜ້ານີ້, ການໃຊ້ງົບເຂົ້າໃນການອະນຸລັກສິ່ງແວດລ້ອມຂອງຈີນຈະຫຼາຍກວ່າ 3000 ຕື້ຢວນ, ໃນນັ້ນ, ໃຊ້ສຳລັບການກໍ່ສ້າງໂຄງລ່າງອະນຸລັກສິ່ງແວດລ້ອມຈະຫຼາຍກວ່າ 1000 ຕື້ຢວນ.
ເປົ້າໝາຍການຫລຸດການລະບາຍກາກບອນດີອອກສິດຂອງຈີນໃນປີນີ້ໄດ້ປະກາດແລ້ວ,ຖ້າວ່າການຫລຸດການລະບາຍຊຸນເຟີດີອອກສິດໄດ້ສໍາເລັດກ່ອນຄາດໝາຍ1ປີໃນປີກາຍ,ກໍ່ຈະພະຍາຍາມຫລຸດອີກ4ແສນໂຕນເມື່ອທຽບໃສ່ປີ2009,ການຫລຸດການລະບາຍກາກບອນດີອອກສິດໄດ້ສໍາເລັດເປົ້າໝາຍຂອງ "ແຜນການ5ປີຄັ້ງທີ11"ແລ້ວ,ຈະພະຍາຍາມຫລຸດອີກ20ແສນໂຕນຂຶ້ນໄປແລະອື່ນໆ.
ທ່ານຊີຈ້ຽນກົວ,ຮອງຫົວໜ້າພະແນກຄົ້ນຄວ້າເສດຖະກິດເຕັກນິກແລະເສດຖະກິດປະລິມານຂອງສະພາບັນດິດວິທະຍາສາດສັງຄົມຈີນກ່າວວ່າ,
ຂ້າພະເຈົ້າເຫັນວ່າ, ໃນໄລຍະຫລັງກອງປະຊຸມໂກເປັນຮາກ,ທົ່ວໂລກຈະມີການແຂ່ງຂັນແບບໃໝ່ໃນດ້ານເສດຖະກິດເຕັກນິກ,ຈີນຄວນຊອກຫາຖານະບົດບາດຂອງຕົນ,ປັບປຸງໂຄງປະກອບອຸດສາຫະກໍາ,ປັບປຸງເຕັກນິກໃຫ້ດີກວ່າເກົ່າ,ພັດທະນາອຸດສາຫະກໍາພະລັງງານໃໝ່,ເຮັດໃຫ້ປະສິດທິພາບຂອງເສດຖະກິດແຫ່ງຊາດຍົກສູງຂຶ້ນຢ່າງບໍ່ຢຸດຢັ້ງ,ເສດຖະກິດສືບຕໍ່ເຕີບໂຕຢ່າງວ່ອງໄວ.
ທ່ານຊີຈ້ຽນກົວຍັງເຫັນວ່າ,ຖ້າຈີນຢາກໄດ້ຜົນສໍາເລັດໃນຂົງເຂດເສດຖະກິດກາກບອນດີອອກສິດຕໍ່າ,ຄວນມີຄວາມຄືບໜ້າໃນຂົງເຂດຕ່າງໆເຊັ່ນ,ການຍົກສູງປະສິດທິພາບ,ການນໍາໃຊ້ຖ່ານຫີນສະອາດ,ປັບປຸງມົນລະພິດແລະອື່ນໆ.
ນອກນີ້,ທ່ານຍັງກ່າວວ່າ,ຊັບພະຍາກອນທີ່ຈີນມີໃນປະຈຸບັນນີ້ຄວນໄດ້ຮັບການນໍາໃຊ້ທີ່ມີປະສິດທິພາບສູງກວ່າເກົ່າ,ໝາຍຄວາມວ່າຄວນສຸມກໍາລັງເຂົ້າໃນການພັດທະນາເສດຖະກິດໝູນວຽນ.
ນໍາໃຊ້ໂລຫະເສດເຫລືອທັງໝົດຂອງຕົວເມືອງຄືນໃໝ່ຈະປະຢັດພະລັງງານຢ່າງຫລວງຫລາຍຫລາຍກວ່າໄປຂຸດຄົ້ນບໍ່ແຮ່,ເອົາເຈ້ຍເກົ່າໄປຜະລິດເຈ້ຍໃໝ່,ສາມາດຫລຸດການນໍາໃຊ້ຕົ້ນໄມ້ໃນປ່າ,ກະສິກໍາແລະອຸດສາຫະກໍາຮ່ວມມືກັນສ້າງເປັນຂະແໜງການຕ່ອງໂສ້,ສະມາດເພີ່ມປະລິມານຜະລິດຕະພັນກະສິກໍາຢ່າງຫລວງຫລາຍ,ເພີ່ມປະລິມານຜະລິດຂອງທົ່ງຫຍ້າ.ໂດຍຜ່ານການພັດທະນາຂະແໜງການລ້ຽງສັດ,ເຮັດໃຫ້ອາຍແກັສຊີວະພາບກາຍເປັນພະລັງງານສະອາດ,ແລະກາຍເປັນອຸດສາຫະກໍາໝູນວຽນກາກບອນໃນທີ່ສຸດ.
