ຕາມຂ່າວ CRI: ວັນທີ 9 ກຸມພານີ້, ລັດຖະບານຈີນໄດ້ອອກແຈ້ງການສຳຫຼວດແຫຼ່ງກຳເນີດມົນລະພິດໃນທົ່ວປະເທດສະບັບທຳອິດ. ແຈ້ງການໄດ້ປະກາດບັນຫາສິ່ງແວດລ້ອມໃໝ່ຫຼາຍຂໍ້ທີ່ຈີນປະເຊີນໜ້າໃນປະຈຸບັນ, ໂດຍປະເຊີນກັບບັນຫາເຫຼົ່ານີ້, ຜູ້ຮັບຜິດຊອບພາກສ່ວນອະນຸລັກສິ່ງແວດລ້ອມຂອງຈີນກ່າວວ່າ,ໃນແຜນການພັດທະນາເສດຖະກິດແລະສັມຄົມ 5 ປີຄັ້ງທີ 12, ຈີນຈະສືບຕໍ່ປະຕິບັດແຜນການຄວບຄຸມປະລິມານການລະບາຍສິ່ງທີ່ເປັນມົນລະພິດທີ່ສຳຄັນ, ແລະຈະເພີ່ມທຳວີຊະນິດສິ່ງທີ່ເປັນມົນລະພິດທີ່ໃຫ້ຫຼຸດການລະບາຍ, ພະຍາຍາມແກ້ໄຂບັນຫາສິ່ງແວດລ້ອມ.
ໄລຍະສຳຫຼວດແຫຼ່ງກຳເນີດມົນລະພິດທົ່ວປະເທດຈີນເທື່ອນີ້ແມ່ນໃນປີ 2007, ໄດ້ສຳຫຼວດແຫຼ່ງອຸດສາຫະກຳ, ແຫຼ່ງກະສິກຳ, ແຫຼ່ງທີ່ຢູ່ອາໃສແລະສິ່ງກໍ່ສ້າງບຳບັດມົນລະພິດ 5 ລ້ານ 9 ແສນກວ່າແຫ່ງ. ທ່ານຈ່າງລີ້ຈຸ່ນ, ລັດຖະມົນຕີຊ່ວຍວ່າການກະຊວງອະນຸລັກສິ່ງແວດລ້ອມຈີນກ່າວວ່າ, ສັງເກດເບີ່ງຈາກການສຳຫຼວດແລ້ວເຫັນວ່າ, ນອກຈາກບັນຫາສິ່ງແວດລ້ອມທີ່ພວກເຮົາຮູ້ດີແລ້ວ, ເຊັ່ນ: ອົງປະກອບມົນລະພິດອຸດສາຫະກຳພົ້ນເດັ່ນ, ໂຮມສູນຢູ່ບາງຂະແໜງການ, ຍັງໄດ້ສະແດງໃຫ້ເຫັນເຖິງບັນຫາໃໝ່ຈຳນວນໜຶ່ງ, ເຊັ່ນ: ການລະບາຍມົນລະພິດຂອງຂະແໜງການກະສິກຳໄດ້ສົ່ງຜົນກະທົບຫຼາຍສົມຄວນຕໍ່ນ້ຳແລະອື່ນໆ, ທ່ານກ່າວວ່າ:"ແຈ້ງການກ່າວວ່າ, ການລະບາຍມົນລະພິດຂອງອຸດສາຫະກຳຕົ້ນຕໍແມ່ນຢູ່ບາງຂະແໜງການແລະຢູ່ບາງທ້ອງຖິ່ນ, ບັນຫາອົງປະກອບມົນລະພິດພົ້ນເດັ່ນ. ປະລິມານລະບາຍມົນລະພິດຕົ້ນຕໍ 4 ປະເພດ, ເຊັ່ນ: ລະບາຍປະລິມານເຄມີທີ່ຕ້ອງການອັອກຊີແຊັນ, ຊຸນເຟີດີອອກຊິດແລະອາຍອາສົດທີ່ຫັນເປັນອັອກຊີແລະອື່ນໆ ແຫຼ່ງກຳເນີດອຸດສາຫະກຳຂອງເຂດທີ່ພັດທະນາແລະມີປະຊາກອນຫຼາຍແມ່ນຫຼາຍກວ່າເຂດອື່ນໆ. ການລະບາຍອາຍອາສົດທີ່ຫັນເປັນອັອກຊີຂອງລົດຍົນກວມເອົາ 30% ຂອງປະລິມານການລະບາຍອາຍພິດເຮືອນແກ້ວ, ມີຜົນກະທົບຫຼາຍຕໍ່ອາກາດໃນຕົວເມືອງ.
ການລະບາຍມົນລະພິດຂອງຂະແໜງການກະສິກຳໄດ້ສົ່ງຜົນກະທົບຫຼາຍສົມຄວນຕໍ່ນ້ຳ, ປະລິມານລະບາຍປະລິມານເຄມີທີ່ຕ້ອງການອັອກຊີແຊັນກວມເອົາ 43,7% ຂອງປະລິມານລະບາຍປະລິມານເຄມີທີ່ຕ້ອງການອັອກຊີແຊັນທັງໝົດ.
ເວລາເວົ້າເຖິງການລະບາຍມົນລະພິດຂອງຂະແໜງການກະສິກໍາ,ທ່ານວາງເຢນລຽງ,ເຈົ້າໜ້າທີ່ກະຊວງກະສິກໍາຈີນເວົ້າວ່າ, ໃນຫລາຍປີມານີ້,ກະຊວງກະສິກໍາຈີນໄດ້ພະຍາຍາມນໍາໃຊ້ມາດຕະການຕ່າງໆເຊັ່ນ,ການພັດທະນາອາຍແກັສຊີວະຊາດຢູ່ຊົນນະບົດ,ປະຕິບັດໂຄງການອະນາໄມຢູ່ຊົນນະບົດແລະອື່ນໆເພື່ອປົວແປງມົນລະພິດຂອງຂະແໜງການກະສິກໍາ,ແລະໄດ້ຮັບຜົນສໍາເລັດອັນດີ.ອີງຕາມຕົວເລກທີ່ສະໜອງໂດຍເຈົ້າໜ້າທີ່ຜູ້ນີ້,ປະຈຸບັນ,ຊົນນະບົດຈີນໄດ້ສ້າງອ່າງອາຍແກັສຊີວະຊາດທີ່ຄອບຄົວໃຊ້ປະມານ35ລ້ານແຫ່ງ,ແລະອ່າງອາຍແກັສຊີວະຊາດຂະໜາດໃຫຍ່ແລະຂະໜາດກ່າງ2700ແຫ່ງທີ່ສະເພາະບ່ອນລ້ຽງສັດແລະໂຮງລ້ຽງສັດຂະໜາດໃຫຍ່,ຂະໜາດກາງ,ໄດ້ບໍາບັດອຸດຈາລະຂອງຄົນແລະສັດ,ມົນລະພິດອື່ນໆຢ່າງຫລວງຫລາຍ.
ທ່ານວາງເຢນລຽງເວົ້າວ່າ,ຈີນຈະສືບຕໍ່ນໍາໃຊ້ມາດຕະການເພື່ອຄວບຄຸມການລະບາຍມົນລະພິດຂອງຂະແໜງການກະສິກໍາ.ຈີນຈະພະຍາຍາມເຮັດໃຫ້ອຸດຈາລະຂອງສັດກາຍເປັນຊັບພະຍາກອນ,ປ້ອງກັນມົນລະພິດຂອງການລ້ຽງສັດ,ຫັນປ່ຽນຮູບການຊີວິດການເປັນຢູ່ແລະການຜະລິດ,ຄວບຄຸມມົນລະພິດຂອງເຄື່ອງເສດເຫລືອຢູ່ຊົນນະບົດ, ໃຊ້ຝຸ່ນເຄມີແລະຢາປາບສັດຕູພືດຢ່າງປະສິດທິພາບ,ປ້ອງກັນບໍ່ໃຫ້ມີມົນລະພິດຍ້ອນການຮົ່ວໄຫລລ້າໆ.
ທ່ານຈ່າງລີ້ຈຸ່ນ,ລັດຖະມົນຕີຊ່ວຍວ່າການກະຊວງອະນຸລັກສິ່ງແວດລ້ອມຈີນກ່າວວ່າ,ຜ່ານການກວດກາແຫຼ່ງກຳເນີດມົນລະພິດໂດຍທົ່ວໄປເທື່ອນີ້,ລັດຖະບານຈີນໄດ້ຊອກຮູ້ສະພາບການມົນລະພິດຕໍ່ສິ່ງແວດລ້ອມໃນທົ່ວປະເທດຢ່າງຖືກຕ້ອງແລະຈະແຈ້ງ,ນີ້ມີບົດ ບາດສຳຄັນຕໍ່ການຊຸກຍູ້ການຫຼຸດການລະບາຍມົນລະພິດໃຫ້ໜ້ອຍລົງຕື່ມອີກ,ແລະປັບປຸງຄຸນນະພາບຂອງສິ່ງແວດລ້ອມໃຫ້ດີຂຶ້ນຢ່າງບັງເກີດຜົນ.
ທ່ານຈ່າງລີ້ຈຸ່ນກ່າວວ່າ,ໃນແຜນການພັດທະນາເສດຖະກິດແລະສັງຄົມ5ປີຄັ້ງທີ11 ຄືແຕ່ປີ2006ຫາປີ2010,ຈີນໄດ້ຈັດການຫຼຸດການລະບາຍມົນລະພິດເຂົ້າໃນຄາດໝາຍລັກສະ ນະບັງຄັບເພື່ອດຳເນີນການກວດກາ,ໄດ້ຄວບຄຸມຍອດປະລິມານລະບາຍມົນລະພິດຢ່າງບັງເກີດຜົນ,ປັບປຸງຄຸນນະພາບຂອງສິ່ງແວດລ້ອມໃຫ້ດີຂຶ້ນ.ໃນແຜນການ5ປີຄັ້ງທີ12 ຄືແຕ່ປີ2011ຫາປີ2015,ຈີນຈະສືບຕໍ່ປະຕິບັດແຜນການຄວບຄຸມຍອດປະລິມານລະບາຍ ມົນລະພິດຊະນິດvສຳຄັນ,ແລະເພີ່ມທະວີຊະນິດມົນລະພິດທີ່ຕ້ອງຫຼຸດການລະບາຍ.
