ວັນທີ 9 ກຸມພານີ້, ສານປະຊາຊົນສູງສຸດຈີນໄດ້ປະກາດເອກະສານກ່ຽວກັບນະໂຍບາຍທາງອາຍາທີ່ເຄັ່ງຄັດ ກັບ ຫຼຸດຜ່ອນໂທດປະສານສົມທົບກັນ"ຢ່າງເປັນທາງການ, ການປະຕິບັດນະໂຍບາຍທີ່"ເຄັ່ງຄັດ"ກັບ"ຫຼຸດຜ່ອນໂທດ"ປະສານສົມທົບກັນແມ່ນນະໂຍບາຍອາຍາພື້ນຖານທີ່ຈີນຕັ້ງໄວ້ໃນປີ2006.ສານປະຊາຊົນສູງສຸດຈີນໄດ້ໃຊ້ເວລາ 3 ປີຂໍຄວາມເຫັນ ຂອງຝ່າຍຕ່າງໆ, ແລະປະກາດປະຕິບັດເອກະສານກ່ຽວກັບນະໂຍບາຍທາງອາຍາທີ່ເຄັ່ງຄັດກັບຫຼຸດຜ່ອນໂທດປະສານສົມທົບກັນແຕ່ວັນທີ 9 ກຸມພານີ້ເປັນຕົ້ນໄປ. ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ,ທ່ານຊຸ່ນຈຸ່ນກົ່ງ ໂຄສົກສານປະຊາຊົນສູງສຸດຈີນໄດ້ແນະນຳຖານະຂອງເອກະສານສະບັບນີ້ ໃນພຶດຕິກຳທາງຕຸລາການ.ທ່ານກ່າວວ່າ:"ນະໂຍບາຍທາງອາຍາທີ່"ເຄັ່ງຄັດ"ກັບ"ຫຼຸດຜ່ອນໂທດ"ປະສານສົມທົບກັນໃນຖານະທີ່ເປັນນະໂຍບາຍທາງອາຍາພື້ນຖານຂອງຈີນ, ຈຸດປະສົງຂອງມັນບໍ່ພຽງແຕ່ແມ່ນສະໜອງມາດຕະຖານ ແລະ ຂອບເຂດອັນຄັກແນ່ໃຫ້ແກ່ຕຸລາການ,ເຮັດໃຫ້ການກະທຳຕຸລາການເຂົ້າສູ່ລະບຽບແບບແຜນ,ຈຸດປະສົງທີ່ສຳຄັນຍາວໄກກວ່ານັ້ນແມ່ນຫຼຸດຜ່ອນ ແລະ ແກ້ໄຂຂໍ້ຂັດແຍ່ງໃນສັງຄົມໃຫ້ໄດ້ຫຼາຍເທົ່າທີ່ຈະຫຼາຍໄດ້,ປ່ຽນປັດໄຈອັນຫຍໍ້ທໍ້ເປັນປັດໄຈອັນຕັ້ງໜ້າ ເພື່ອຊຸກຍູ້ສັງຄົມໃຫ້ກົມກຽວກັນ ແລະ ມີສະຖຽນລະພາບ."
"ເອກະສານ" ສືບຕໍ່ຍຶດໝັ້ນທິດທາງປະຕິບັດກົດໝາຍລົງໂທດຢ່າງເຂັ້ມງວດຕໍ່ອາຊະຍະກຳຢ່າງໜັກໜ່ວງ, ໃນເວລາກຳນົດເປົ້າໝາຍຖືກລົງໂທດແລະຂອບເຂດຖືກລົງໂທດໃຫ້ຈະແຈ້ງ,ຍັງໄດ້ກຳນົດສະພາບການທີ່ຕ້ອງປະຕິບັດຢ່າງ"ເຄັ່ງຄັດ"ທີ່ຄວນກ່າວເນັ້ນຢ່າງພິເສດໃນການປະຕິບັດກົດໝາຍ. ຄື: ຕໍ່ອາຊະຍະກຳຫຼາຍເທື່ອແລະອາຊະຍະກຳທາງຢາເສບຕິດ, ເຖິງວ່າອາຊະຍະກຳບໍ່ໜັກ, ກໍ່ຕ້ອງລົງໂທດຢ່າງເຄັ່ງຄັດ. ຕໍ່ອາຊະຍະກຳ ໜັກໜ່ວງຂອງພະນັກງານລັດຖະບານ ຄື ສໍ້ລາດບາງຫຼວງ,ນຳໃຊ້ສິດທົ່ວທີບ, ບໍ່ປະຕິບັດໜ້າທີ່ວຽກງານແລະອື່ນໆ,ຕ້ອງລົງໂທດຢ່າງເຄັ່ງຄັດ,ກ່ຽວກັບປະຕິບັດນະໂຍບາຍ "ການຄວບຄຸມການປະຫານຊີວິດຢ່າງເຄັ່ງຄັດແລະລົງໂທດປະຫານຊີວິດຢ່າງລະມັດລະວັງ","ເອກະສານ"ຍັງກຳນົດວ່າ,ຫຼັກອ້າງອີງທີ່ໃຊ້ໃນການຕົກລົງໂທດແລະການຕັດສິນຄະດີທີ່ລົງໂທດປະຫານຊີວິດຕ້ອງຄັກແນ່, ເຕັມສ່ວນແລະໄດ້ຄຳສະຫຼຸບດຽວ.ຕໍ່ອາຊະຍະກຳທີ່ໜັກໜ່ວງຫຼາຍ,ທະແນມແຕ່ແມ່ນບໍ່ຕ້ອງປະຕິບັດການປະຫານຊີວິດໃນທັນທີ,ກໍ່ບໍ່ຄວນຕັດສິນໃຫ້ປະຕິບັດການລົງໂທດປະຫານຊີວິດໃນທັນທີ.
ທ່ານຊຸ່ນຈຸ່ນກົ່ງກ່າວວ່າ, ໃນເວລາກ່າວເນັ້ນເຖິງຕ້ອງລົງໂທດຢ່າງເຄັ່ງຄັດຕໍ່ອາຊະຍະກຳທາງອາຍາຢ່າງໜັກໜ່ວງ, "ເອກະສານ"ຍັງໄດ້ກຳນົດຢ່າງຮອບດ້ານຕໍ່ສະພາບການຫຼຸດຜ່ອນໂທດແລະພິຈາລະນາຄະດີຢ່າງຖືກຕ້ອງແນວໃດ. ທ່ານກ່າວວ່າ:"ໃນເອກະສານໄດ້ກຳນົດຢ່າງຈະແຈ້ງຕໍ່ຫຼາຍກໍລະນີທີ່ສາມາດຫຼຸດຜ່ອນໂທດ,ຄື:ການກະທຳຂອງຈຳເລີຍໄດ້ດຳເນີນອາຊະຍາກຳ,ແຕ່ເປັນອາຍະຊາກຳເບົາ;ຄົນທີ່ມີອາຍຸບໍ່ເຕັມກະສຽນ,ແລະນັກຮຽນທີ່ຍັງບໍ່ໄດ້ຮຽນຈົບຈາກໂຮງຮຽນນັ້ນທຳອາຊະຍາກຳທີ່ອ່າວເບົາ;ຈຳເລີຍໃນກໍລະນີທີ່ກຽມຈະດຳເນີນອາຊະຍາກຳແຕ່ບໍ່ໄດ້ດຳເນີນ,ຢຸດຕິການດຳເນີນອາຊະຍາກຳ,ເປັນຜູ່ດຳເນີນອາຊະຍາກຳຖານຊ່ອຍ,ດຳເນີນອາຊະຍາກຳຍ້ອນປ້ອງກັນຕົນເອງຫຼາຍເກີນໄປແລະກໍ່ອາຊະຍາກຳຍ້ອນລີ້ໄພເປັນຕົ້ນ.ກ່ຽວກັບຜູ່ເຖົ້າດຳເນີນອາຊະຍາກຳຈະຫຼຸດຜ່ອນໂທດຫຼືບໍ່ກົດໝາຍສະບັບເດີມບໍ່ມີການກຳນົດ,ແຕ່ເອກະສານສະບັບນີ້ກຳນົດວ່າ,ຕ້ອງພິຈາລະນາເຖິງຈຸດປະສົງ,ສະພາບ,ຜົນຮ້າຍຢ້ອນຫຼັງແລະການສະແດງກິນແໜງຕໍ່ການດຳເນີນອາຊະຍາກຳຂອງຜູ່ເຖົ້າຜູ່ນີ້,ປະສານສົມທົບກັບຄວາມອັນຕະລາຍແລະຄວາມອາດສາມາດທີ່ດຳເນີນອາຊະຍາກຳອີກຂອງຜູ່ກ່ຽວ,ແລ້ວຈຶ່ງຕົກລົງວ່າຈະຫຼຸດຜ່ອນໂທດໃຫ້ຜູ່ກ່ຽວຫຼືບໍ່."
ນອກນີ້,ເອກະສານສະບັບນີ້ຍັງຮຽກຮ້ອງໃຫ້ປັບປຸງກົນໄກເຮັດວຽກທີ່ປະຕິບັດຕາມນະໂຍບາຍທາງອາຍາທີ່"ເຄັ່ງຄັດ"ກັບ"ຫຼຸດຜ່ອນໂທດ"ປະສານສົມທົບກັນນັ້ນໃຫ້ສົມບູນກວ່າເກົ່າ,ຊຸກຍູ້ວຽກງານລົງໂທດຕາມຕຸນພິນິດໃຫ້ເປັນແບບແຜນຢ່າງຕັ້ງໜ້າ.ທ່ານກາວກຸ້ຍຈຸ່ນ,ຫົວໜ້າສານສືບສວນຕັດສິນທາງອາຍາຂອງສານປະຊາຊົນສູງສຸດຈີນກ່າວວ່າ,ເອກະສານສະບັບນີ້ມີຜົນດີຕໍ່ການເຮັດໃຫ້ການລົງໂທດຕາມຕຸນພິນິດທ່ຽງແລະສະໝ່ຳສະເໝີ.
