ຕາມຂ່າວCRI:ວັນທີ15ກຸມພານີ້ແມ່ນມື້ຂຶ້ນປີໃໝ່ປີຂານສອງຄ່ຳ.ທົ່ວປະເທດຈີນເຕັມໄປດ້ວຍບັນຍາກາດທີ່ມ່ວນຊື່ນຟົດຟື້ນ.ຫຼາຍມື້ມານີ້,ຜູ່ນຳຈີນໄປຢ້ຽມຢາມປະຊາຊົນຢູ່ທ້ອງຖິ່ນຕ່າງໆ,ຮ່ວມກັບປະຊາຊົນສະເຫຼີມສະຫຼອງບຸນກຸດຈີນທີ່ເປັນມື້ບຸນທີ່ຄຶກຄື້ນທີ່ສຸດຕາມປະເພນີຂອງຈີນ.
ແມ່ເຖົ້າຈາງຖາງເມີ້ຍອາຍຸ95ປີ,ແມ່ນຄົນທຳມະດາຜູ້ໜຶ່ງທີ່ດຳລົງຊີວິດຢູ່ບ້ານຫວູລົງແຂວງຟູຈ້ຽນ.ວັນທີ13ກຸມພານີ້ກົງກັບວັນສົ່ງທ້າຍປີເກົ່າ,ແມ່ເຖົ້າຈ່າງຖາງເມີ້ຍໄດ້ຕ້ອນ ຮັບທ່ານຫູຈິນທ່າວ,ປະທານປະເທດຈີນມາຢາມຢູ່ເຮືອນເອງ.ຢູ່ໃນເຮືອນຂອງແມ່ເຖົ້າ,ທ່ານປະທານຫູຈິນທ່າວພ້ອມກັບເຈົ້າຂອງເຮືອນເຮັດຂະໜົມເຂົ້າໜຽວຕາມປະເພນີຂອງທ້ອງຖິ່ນແຫ່ງນີ້,ແລ້ວຈືນຂະໜົມເຂົ້າໜຽວ,ພ້ອມທັງອວຍພອນໃຫ້ຄອບຄົວຂອງແມ່ເຖົ້າຈ່າງຖາງເມີ້ຍມີຊີວິດຜາສຸກໃນປີໃໝ່.
ຢູ່ເດີ່ນບ້ານຫວູລົງ,ການສະແດງເຊີດມັງກອນໄດ້ເຮັດໃຫ້ສຽງຕົບມືຢູ່ບໍ່ເຊົາ.ທ່ານປະທານຫູຈິນທ່າວພ້ອມກັບຄົນທັງຫຼາຍຕົບບັ້ງໄມ້ໄຜ່ຢູ່ໃນມື,ພາກັນຮ້ອງວ່າ:"ມີຊີວິດດີຂຶ້ນທຸກໆປີ",ພ້ອມກັນອວຍພອນໃຫ້ຊີວິດການເປັນຢູ່ໃນປີໃໝ່ມີຄວາມຜາສຸກກວ່າເກົ່າ.ຢູ່ຕໍ່ໜ້າຊາວບ້ານ,ທ່ານຫູຈິນທ່າວກ່າວວ່າ:
"ພວກເຮົາຈະສືບຕໍ່ປະຕິບັດນະໂຍບາຍສະໜັບສະໜູນຊ່ອຍເຫຼືອທຸກສະບັບ, ຊຸກຍູ້ໃຫ້ເຂດປົດປ່ອຍເກົ່າພັດທະນາທັງດີແລະໄວ, ອວຍພອນໃຫ້ພໍ່ແມ່ປະຊາຊົນສະບາຍດີໃນທຸກປີ".
ປີນີ້ນອກຈາກຢູ່ບ້ານຫວູລອງ, ທ່ານຫູຈິນທາວຍັງເດີນທາງໄປຢາມນັກທຸລະກິດໄຕ້ຫວັນໂດຍຈຳເພາະຢູ່ເມືອງຈາງໂຈວຂອງແຂວງຟູຈ້ຽວທີ່ເປັນພູມລຳເນົາເດີມຂອງພີ່ນ້ອງຮ່ວມຊາດໄຕ້ຫວັນ, ແລະອວຍພອນບຸນກຸດຈີນຕໍ່ພີ່ນ້ອງຮ່ວມຊາດໄຕ້ຫວັນອັນໄພສານ.
ສວນປະກອບທຸລະກິດຊາວກະສິກອນໄຕ້ຫວັນທີ່ເມືອງຈາງໂຈວແມ່ນປະກາດສ້າງຕັ້ງໃນເວທີປຶກສາດ້ານເສດຖະກິດການຄ້າແລະວັດທະນະທຳລະຫວ່າງສອງຝັ່ງຄັ້ງທຳອິດໃນປີ2005, ປັດຈຸບັນນີ້ມີວິສາຫະກິດກະສິກຳໄຕ້ຫວັນ70ແຫ່ງລົງທຶນແລະເຮັດທຸລະກິດໃນສວນນີ້. ໃນຕູບໃຫຍ່ກະສິກຳ, ນັກທຸລະກິດໄຕ້ຫວັນບອກທ່ານຫູຈິນທາວວ່າ, ດິນຟ້າອາກາດຂອງເມືອງຈາງໂຈວຄ້າຍຄືກັບພາກກາງຂອງໄຕ້ຫວັນ, ທ່າແຮງບົ່ມຊ້ອນຂອງການຮ່ວມມືດ້ານກະສິກຳໃຫຍ່ຫຼາຍ, ເຂົາເຈົ້າລົງທຶນຢູ່ນີ້ລ້ວນແຕ່ມີຄ່າຕອບແທນດີ. ທ່ານຫູຈິນທາວເກົ່າວ່າ:
ກ່ອນອື່ນຂ້າພະເຈົ້າຂໍອວຍພອນປີໃໝ່ໃຫ້ທຸກທ່ານລ່ວງໜ້າ, ແລະຂໍຝາກຄວມອວຍພອນຂອງພວກຂ້າພະເຈົ້າໄປຍັງພີ່ນ້ອງຮ່ວມຊາດໄຕ້ຫວັນອັນໄພສານ. ຂ້າພະເຈົ້າເຄີຍເວົ້າມາຫຼາຍເທື່ອແລ້ວວ່າ, ຂໍແຕ່ແມ່ນວຽກທີ່ມີຜົນດີຕໍ່ພີ່ນ້ອງຮ່ວມຊາດໄຕ້ຫວັນ, ພວກຂ້າພະເຈົ້າຈະທຳຄວາມພະຍາຍາມຫຼາຍທີ່ສຸດ, ເຮັດຕາມຄຳໝັ້ນສັນຍາ. ປະຈຸບັນສອງຝັ່ງພວມປຶກສາຫາລືກ່ຽວກັບສັນຍາຂອບການຮ່ວມມືເສດຖະກິດ, ນີ້ແມ່ນເລື່ອງດີທີ່ຊຸກຍູ້ການຮ່ວມມືດ້ານເສດຖະກິດລະຫວ່າງສອງຝັ່ງ, ແລະຕ່າງຝ່າຍຕ່າງໄດ້ຜົນປະໂຫຍດ. ໃນການປຶກສາຫາລື, ພວກຂ້າພະເຈົ້າຈະພິຈາລະນາເຖິງຜົນປະໂຫຍດຂອງພີ່ນ້ອງຮ່ວມຊາດໄຕ້ຫວັນໂດຍສະເພາະແມ່ນຊາວກະສິກອນຂອງໄຕ້ຫວັນ, ເຮັດວຽກໃຫ້ດີຢ່າງແທ້ຈິງ.
ໃນໄລຍະບຸນກຸດຈີນ, ທ່ານເວິ່ນເຈ່ຍປາວ, ນາຍົກລັດຖະມົນຕີຈີນກໍ່ໄດ້ໄປຢາມປະຊາຊົນຢູ່ເຂດປົກຄອງຕົນເອງເຜົ່າຈ້ວງກວາງຊີ, ຢູ່ເມືອງຕົ່ງລານ, ເມືອງປົກຄອງຕົນເອງເຜົ່າຢ້າວບາມາທີ່ປະສົບໄພແຫ້ງແລ້ງ, ທ່ານເວິ່ນເຈ່ຍປາວໄດ້ໄປຢາມປະຊາຊົນຜູ້ປະສົບໄພ, ແລະຊີ້ນຳວຽກກູ້ໄພ. ໃນຂະນະທີ່ແກ້ໄຂບັນຫາໃຊ້ນ້ຳຂອງຊາວກະສິກອນແຫ່ງນັ້ນ, ທ່ານເວິ່ນເຈ່ຍປາວຍັງໄດ້ໄປຢາມຄອບຄົວຄູ່ສອນຊົນນະບົດ, ເອົາໃຈໃສ່ບັນຫາລາຍໄດ້ຂອງຄູ່ສອນຮາກຖານ.
ທ່ານເວິ່ນເຈ່ຍກ່າວວ່າ, ຂໍແຕ່ພວກສະຫາຍດີໃຈແລ້ວ, ຂ້າພະເຈົ້າກໍ່ດີໃຈເຊັ່ນກັນ. ຄວາມເວົ້າເຫຼົ່ານີ້ເຕັມໄປດ້ວຍຄວາມຈິງໃຈ, ກໍ່ສະແດງໃຫ້ເຫັນຄວາມໝັ້ນໃຈແລະຄຳໝັ້ນສັນຍາຂອງຜູ້ນຳຈີນທີ່ທຳຄວາມພະຍາຍາມເພື່ອປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
